عيد الحب - بقلم محمد البلاط

عيد الحب
----------

مش مستنى اللى يفكرنى
انى بحبك وبهواكى
فرح وعيد تشوفك عينى
وافضل طول الوقت معاكى

منك بسمة بالفين عيد
وانتى معايا انا ببقى سعيد
ومش راح اقول تانى ولا اعيد
مش مستنى اللى يفكرنى
وبتمنالك عمر مديد

ست الكل وست الناس
قلب وطيب من الماس
قلبى عشانك دا خدامك
جن وجوة فانوس نحاس

فى الدبدوب فيه ايه الفايده
لما اهادى بيه الوارده
وانا ويايا اجمل قطة
وكل الباقى دا كله بلاش

كل ايامنا حب وعيد
وانتى معايا انا ببقى سعيد
خلى الناس تقول وتعيد
وانتى معايا اجمل عيد

مش مستنى اللى يفكرنى
انى بحبك وبهواكى
فرح وعيد تشوفك عينى
وافضل طول الوقت معاكى

بقلم محمد البلاط