للكرامة فيه ثمن - بقلم محمد البلاط

للكرامة فيه ثمن
----------------
عيش وخدلك جنب فيها دنيا ما تبقاش عليها
واوعى تبقى فيها طيب او تسايس وتداديها

فيها ناس ملهاش امان واللى خاين والجبان
واللى قلبه فيها طيب مبقاش ليه مكان
دنيا مليانة بذئاب وياريتهم من الكلاب
شكلهم شكل الحمل ومنهم تلقى العزاب
واوعى تعمل الجمل اللى هيشيل ما اتحمل
بعد خدمه وعمل الثمن راح يبعوك
عيش وخدلك جنب فيها دنيا ما تبقاش عليها
واوعى تبقى فيها طيب او تسايس وتداديها
النظيف فيها اتسجن والكريم فيها اتعدم
وكله بيد الخدم الكلاب السايبة فيها
لو حاسس قدرك خلاص ومفيش منه خلاص
واللى هيصيبك رصاص خد معاك كل اللى فيها
دنيا ما تبقاش عليها عيش وخدلك جنب فيها
واوعى تبقى فيها طيب او تسايس وتداديها
وانطق الحق بلسانك وانسى كلمة دا حصانك
وبايديك هين اللى هانك للكرامة فيه ثمن
يا تعيش ذليل وراضى ويبقى عقلك كله فاضى
يحشوهولك وانت عادى كان عاقل واتخبل
للكرامة فيه ثمن للكرامة فيه ثمن
بقلم محمد البلاط