عمرى مندمش - بقلم محمد البلاط

قلولى باع ونساك
وودع ايامك
واللى عملتو معاه
نساه وخانك
قولت مبزعلش
لو نيته يمشى
مش هحس بالحرمان
وعمرى مندمش
عطيته من عمرى
سلمت ليه امرى
لا حن يوم ولا لان
وغدر ومندمش
فيه ايه يزعلنى
واندم تانى على ايه
جانى وحطمنى
ودمارى كان بايده
وللحزن سلمنى
وتركنى اعانى بيه
لا حن يوم ولا لان
وغدر ومندمش
مزعلش مزعلش
لو نيته يمشى
مش هحس بالحرمان
وعمرى مندمش
وعمرى مندمش

بقلم محمد البلاط

قتيل الشوق - بقلم محمد البلاط

قتيل الشوق
-----------
انا اللى الشوق بكانى
وزاد الحنين فى قلبى
ومر الصبر ادمانى
ومتعلم على قبرى
قتيل الشوق مات غرقان
فى وهم وكان دوا الصبر
و كان عشمان
يكتب مرة بالتبر
قصيدة شوقه يحكيها
ويوصف ما جرى بيها
انا اللى الشوق بكانى
وزاد الحنين فى قلبى

بقلم محمد البلاط

جرحت قلبى ليه - بقلم محمد البلاط

جرحت قلبى ليه
----------------

مبقولش انا للناس ولا هشتكى منك
هعتب عليك وخلاص ان كنت اهمك
جرحت قلبى ليه عملت فيك انا ايه
معدش فيه اخلاص ومشيت ولا همك
فين الوداد راح فين وكلامك المعسول
وانا دمعى على الخدين وهى دى اصول
تهجر واستناك وانت معشمنى
وقلبى واخده معاك وبالهجر تالمنى
ما كنت قولهالى ان انت مش راجع
ونويت على فراقى ومفيش لى شافع
ونسيت الماضى كنت هكون راضي
لو عمرى راح ادفع بس متغدرش
وتسيبنى وتمشى وناوى ما ترجع
بعتب عليك وخلاص
جرحت قلبى ليه
جرحت قلبى ليه

بقلم محمد البلاط

ودعت الحب وودعتك - بقلم محمد البلاط

ودعت الحب وودعتك
--------------------

ودعت اللحب وودعتك ولا عدتش تانى راح اقابلك
ومدام القرب اللى جرحنى انا هبعد عنك وسامحتك
بكرامتى محبش انا اجامل ولا اجرح ناس واتجامل
مش حاسس بيا ولا بقلبى ولا فيه الغدر ايه عامل
بالحب صحيح كنت بعاملك واشوفك من بعد اقوملك
معملتش باللى عملتولك ولا يوم فكرة تصون عهدك
ودعت اللحب وودعتك ولا عدتش تانى راح اقابلك
ومدام القرب اللى جرحنى انا هبعد عنك وسامحتك
وان كنت صحيح بتحب الخير اتركى اسير مش هروح للغير
انا قلبى جريح بقى ذى الطير ولا عدش يولف على عشك
وخلاص ان توبت ما عدت احب ولا عدش مرارة لكثر الكذب
ودعت اللحب وودعتك ولا عدتش تانى راح اقابلك
ومدام القرب اللى جرحنى انا هبعد عنك وسامحتك

بقلم محمد البلاط

لامتى الصبر هيطول - بقلم محمد البلاط

لامتى الصبر هيطول
-------------------

لامتى الصبر هيطول ويتحمل معانا الاااه
من الايام ومن الاجرام ومن سافل كره لله
داير يقتل وما بيعدل ولا بيرحم تحت سماه
شيطان بسهمه دا داير يلف فيها دواير
وكاره كل من عنده وقلبه حاقد وغاير
سايق فى الخلق وبعنده ما بييكفيه ما عنده
مادد ايده فى جيب غيره وسارق خيره وما عنده
منين الهم دا جانا وكان العدل جوانا
سقط وجانا بخيانة اخد روحه وما عنده
ومات العدل والباقى عليها حقد وخيانة
وكره الاب لابنه وناس كثير تعبانة
لامتى الصبر هيطول ويتحمل معانا الاااه
من الايام ومن الاجرام ومن سافل كره لله

بقلم محمد البلاط

فين زمان وايام زمان - بقلم محمد البلاط

فين زمان وايام زمان
كله كان حتى المكان
ناس كثير اتغيرت
والاصيل علينا هان
فين زمن الحب اللى
كان كثير فيه المصلى
وكان قليل فيه المواجع
والعلاج بثوم وخل
فين زمن الطيبة فين
راح وراح معاه المكان
والبيوت اتغيرت
والببان اتقفلت
واللى كان بيحب جاره
وكل يوم عنده فى داره
النهارده فين اثاره
الحياة اتغيرت
النفوس معدتش راضية
والقلوب من الرحمة فاضة
وكله بيدور مكسب
لو يخون وبضربة قاضية
يرحم ايامك يا دنيا
ويرحم ايامك يا شادية
اللى باقى شباب فونية
وحمول على الفن زايدة
الكلام بقى كله فاضى
وكله سفه بنستمعلو
والحمار عملوه قاضى
شىء عادى تطيع اوامره
فين زمان وايام زمان
كله كان حتى المكان
ناس كثير اتغيرت
والاصيل علينا هان

بقلم محمد البلط

اتعلمنا الصبر معاكم - بقلم محمد البلاط

اتعلمت الصبر معاكم
---------------------

اتعلمت الصبر معاكم
ومن افعالكم تعبت كثر
يمكن يبقى الصبر دواكم
ولا ملوش عندكم تأسير

بتلوعونا كثير وياما
قولنا الصبر فيه سلامة
ولا نزعلش ولا نغضبش
ولا نسمع من الناس ملامة

قولنا البعد يكون فيه دواكم
يمكن بيه نقدر ننساكم
فى كل خطانا لقينا خطاكم
لما تعبنا معاكم كير

بتلوعونا ولسة عنادكم
وتجرحو فينا كثير بكلامكم
نعمل ايه علشان نرضيكم
ياللى الجرح كمان فى سلامكم

اتعلمت الصبر معاكم
ومن افعالكم تعبت كثر
من افعالكم تعبت كثر

بقلم محمد البلاط

وعدنى حبيبى هيجينى - بقلم محمد البلاط

وعدنى حبينى هيجينى
ينسينى ويسعدنى
والباقى من سنينى
فى حضنه خلاص هيخدنى

هيمسح دمعى السايل
وعن الاحزان هيبعدنى
وعدنى حبيبى هيجينى
ينسينى ويسعدنى
وعدنى بكرة هيجينى
يطفى شوقى وحنينى
ويسمع شكوتى منى
وبالحب يرسينى
كان ايه السر لغيابه
و ايه البعد اسبابه
وليه كان قصده يهجرنى
وليه كان قافل ابوابه
وعدنى حبيبى هيجينى
ينسينى ويسعدنى
والباقى من سنينى
فى حضنه خلاص هيخدنى
فى حضنه خلاص هيخدنى
بقلم محمد البلط

الطبال - بقلم محمد البلاط

الطبال
------

اللى لسه التبن زادهم والغباء زادهم غباوة
بأيه الحمار فادهم وزادهم غير غشاوة فوق غشاوة
اللى باع اهله وناسه واللى خلعلو لباسه
واللى ملعوب فى اساسه معتقد دى شقاوة
خدت ايه قولى بطبلك لما طبلت لحمار
كام بهيمة وياه قبلك فى الهوا راحوا غبار
واللى ساعد الغراب على الخراب
اللى نابو منها عار
استلم كل اللى جاى نقص زاد ونقص ماى
وادفع المطلوب منك لما بولك يبقى شاى
والرغيف تسأل عليه اللى رايح واللى جاى
ولما الجهل يصيب الغريب ويا القريب
والعلاج يكون فى حلمك الامل وشىء عجيب
ابقى طبل او تهبل لما تلقى الطبيب
ما اللى لسه التبن زادهم والغباء زادهم غباوة
لسه فاكرين واعتقدهم انهم اهل الكرامة
بكرة نسمع لأهاتهم من وجعهم وشقاهم
خدت ايه قولى بطبلك لما طبلت لحمار
كام بهيمة وياه قبلك فى الهوا راحوا غبار
واللى ساعد الغراب على الخراب
اللى نابو منها عار

بقلم محمد البلاط

لمين الشكوى نشكيها - بقلم محمد البلاط

لمين الشكوى نشكيها
---------------------

لمين الشكوى نشكيها
وايامنا مبكيها
حبايبنا بتتعبنا
وجاية معاها علينا
ونصبر ونقول هتمر
بحلو او تكون بالمر
وعمر الصبر ما بيضر
وهيجى يوم يحليها
وعدى زى ما تعدى
بتجرى ولا بتهدى
مسير الوقت هيعدى
ومركبنا نرسيها
ولا نبكى ولا نشكى
وايامنا نواسيها
نطبب جرحها بالطيب
ولو حتى الحبيب هيغيب
معدش فى الزمن ده قريب
على عيوبنا يداريها
لمين الشكوى نشكيها

بقلم محمد البلاط

تعبت كثير فى بعادك - بقلم محمد البلاط

تعبت كثير فى بعادك

-------------------

تعبت كثير فى بعادك وتوبة تانى اعاندك

يا مالك قلبى علشانك اسافر واجى لعندك

واتأسف وليك اوصف حصلى ايه من بعدك

تعبت كثير فى بعادك وتوبة تانى اعاندك

سهر الليل اضنانى وضاع النوم من عينى

بفكر فيك وايامك وليه دلوقتى نسينى

فؤادى مبتلى بهمه ومتسلط عليا سهاد

وحبيب القلب ما همه ولا لرجوعه فيه معاد

تعبت كثير فى بعادك وتوبة تانى اعاندك

يا مالك قلبى وعشانك اسافر واجى لعندك

واتاسف وليك اوصف حصلى ايه من بعدك

تعبت كثير فى بعادك وتوبة تانى اعاندك

تعبت كثير فى بعادك

بقلم محمد البلاط

جاى تطلب السماح ؟؟ - بقلم محمد البلاط

جاى تطلب السماح  ؟ظ
--------------------

بعد هجرك بعد غدرك
جاى تطلب السماح ؟؟

فاكر قلبى راح يسامحك
ياللى منك الجراح

اللى راح خلاص راح
وبعتبر الجاى براح
انسى فيه الماضى اللى
منه ياما كثير حصلى

ويا ريت تبعد عنى
وتنسى الماضى اللى راح

انسى قلبى اللى كان لك
الحنان وكان ظلك
وانسى حضن كان يضمك
وانسى دمع ليك هان

انسانى وانسى زمانى
ويا ريت تنسى مكانى

ويكفينى منك ماجانى
وعيش وملح عليك هان

بعد هجرك بعد غدرك
جاى تطلب السماح  ؟؟
جاى تطلب السماح  ؟؟

بقلم محمد البلاط

اذكر قلبى - بقلم محمد البلاط

اذكر قلبى
----------

رسايلك ليه بخبيها ؟ واقول للناس انا نسيتك

واسهر ليلى معاها واتذكر حوادينك

برغم البعد وخصامنا لكن فى القلب حطيتك

يا قاسى وناسى احلمنا لحد البيت انا جيتك

نسيت الملح والعشره وبيعت وانا الشرياك

رسايلك ليه بخبيها ؟ واقول للناس انا نسيتك

وحلم العمر كان فيها وبأذكر مواعيدك

يبات الدمع فى عنيه وبشكى لفرشتى منك

سعات الحب ناسيها ؟ فى آخر العمر ليه جحدك

فى قلبى دفنت ظنونى وناس فى الحب لامونى

و يترجاك مرسالى ورغم قلبه ما خالى

بكى بالدمع علشانى وقلبك من الحنين خالى

و رغم الدمع ما غالى ونار الهجر كويانى

ودفنت ظنونى فى حبك واذكر قلبى بعهدك

واقول للناس انا نستك

بقلم محمد البلاط

صبحت عليك ليه متردش - بقلم محمد البلاط

صبحت عليك ليه متردش
وانا اللى غطاك وليك الفرش
وان كنت جاملتنى بزيارة
تترد ليك ومبنكرش

ليه تزعل منى وتتجنب
وبسببك قلبى يتعزب
واقلب فى اللى حصل منى
من الصبح لحد المغرب

واسهر الليل انا محتارة
ويا ريتك تدينى امارة
وتقولى على اللى حصل منى
لو حتى تدلنى بعبارة

صبحت عليك وانا فرحانة
وبنتظر الرد وعشمانة
ايدك تتمد وتخدنى
وتقولى الاسعد فى مسانا

ليه تكسر قلبى باهمالك
وانا المهمومة علشانك
ومستخصر كلمة بلسانك
تنطقها لو مش هتحلالك

صبحت عليك ليه متردش

بقلم محمد البلاط

يسعدنى اقولك الوداع - بقلم محمد البلاط

صعبان عليا
ايام وضاعت فى انتظار
ووعود ليا
وطال انتظارى للقرار

وكان ردك للجميل
غدرت بيا
وسقيتنى كاس حنظل مرار

لما انت مش قد الكلام
وسريع فى داء الانهزام
تنقد عهودك كلها
والحجة تبقى الخصام

وتجرح قلوب عشمتها
بعد ما خدت منها
حب وغرام وبعتها
ورميتها للناس والكلام

وان كان حزنى على اللى ضاع
يسعدنى اقولك الوداع
قبل ما يكمل الضياع
واغرق فى بحر من الالم

وان كان على عمرى اللى ضاع
هعتبره كنت فى مدرسة
فيها العلام فن الخداع
واذاى علاج الوسوسة

واذاى ابعد الشيطان
ان جانى تانى فى دردشة
وماعدت اصدقلو كلام
لو من الصباح للعشا
لو من الصباح للعشا

بقلم محمد البلاط

بودعك - بقلم محمد البلاط

بودعك
يمكن ضميرك يوجعك
وتحس يوم انك ظلمت
اللى ما عمره بيخدك
بودعك
وجويا منك الف جرح
ولا عدش ينفع اعذرك
ولا تنتظر منى لشرح
ولا انى حتى اطمنك
يكفينى هجرى ودمعتى
اللى اشتكت لمخدتى
ومشوفت يوم وياك فرح
ولا ونيس لوحدتى
بودعك
ومعايا دفتر ذكريات
مليان الام مليان حجات
دموعى اللى مسطراه
بحزن مصحوب بالاهات

وكل اااه ليها سبب
من الغدر ااااه
من الهجر اااه
ومن الخيانة الف ااااه
وعشان كده يبقى انتهى
والجرح وصل منتهاه
وبودعك
يمكن ضميرك يوجعك
وتحس يوم انك ظلمت
اللى ما عمره بيخدك
بودعك
بودعك

بقلم محمد البلاط

https://www.youtube.com/watch?v=cF5ITyRuPa0

عودونى عيونك انت عودونى - بقلم محمد البلاط

عودونى عيونك انت عودونى
القى فيهم الاجابة عن ظنونى
عودونى يريحونى
عودونى عيونك انت عودونى
عودونى اشوف فيهم المحبة
عودونى بدفاهم المحبة
عودونى احس بيهم
وبعتابهم واللى فيهم
ولو فى يوم اعتب عليهم
القاهم بيطمنونى
عودونى عيونك انت عودونى
القى فيهم الاجابة عن ظنونى
النهاردة مش عادتهم
ليه زايغة نظراتهم
وكل ما ابص فيهم
يهربو ويتجنبونى
هو فيه وزر عليهم
ولا خلاص نسونى
عودونى عيونك انت عودونى
القى فيهم الاجابة عن ظنونى
النهاردة مش عادتهم
ليه زايغة نظراتهم
وكل ما ابص فيهم
يهربو ويتجنبونى
عودونى عيونك انت عودونى
القى فيهم الاجابة عن ظنونى

بقلم محمد البلاط

اتعودت عليك يا حبيبى - بقلم محمد البلاط

اتعودت عليك يا حبيبى
اتعودت عليك
اسمع منك واخد شورتك
وافرح لما اشوف فى عينيك
انك راضى واحس فؤادى
ومعاه روحى فرحانة بيك
اتعودت اشوفك جنبى
ولو يوم غبت بحس دا زنبى
ويانبنى ضميرى عشانك
وعلى غيابك بيعزبنى
اتعودت ابص فى عينيك
واقراء الكامن جواك ليا
وده يا حبيبى كله عشانك
وعشان ترضى ترضى عليا
لمسة ايدك بتطمنى
وتحسسنى ان انا فى امان
وكلمة حب بيها تسعدنى
ومنها بحس كثير بحنان
اتعودت انك الطيب
اللى الصلح معاك قريب
وعمر ظنى فيك ما خيب
وده علشان انك انسان
اتعودت عليك يا حبيبى
اتعودت عليك

بقلم محمد البلاط

كنت فاكرة انك نسيت - بقلم محمد البلاط

كنت فاكرة انك نسيت
كنت فاكرة بعتنى

واعتقدت انك نويت
بالبعاد دا تذلنى

والشكوك دارت فى راسى
وقولت انك مفترى

ليه يسيب ورده فى غيط
ليها الف مشترى

ليه يسبنى وفى خلاصى
وجوده جنبى يعزنى

كنت فاكرة انك نسيت
شوفت ورد واتلهيت

همى حطيته فى قلبى
وفى فراشى انطويت

بيواسيتى الدمع حبه
وافتكر كل المحبه

واللى كان تعبلى قلبى
فى غربتك على ايه نويت

افتكرت انك نسيت
وكنت فاكرة بعتنى

بقلم محمد البلاط

خلاص مليت من حبك - بقلم محمد البلاط

خلاص مليت من حبك
--------------------
خلاص مليت من حبك
وكل اللى قلوه عنه
ما انا اتعشمت فى قربك
لكنى بجنى فى ظلمه
ليالى هجر وحرمان
ودمع فى العنين سهران
حسدنى العزول عليه
وانا اللى فى هواك تعبان
خلاص مليت من حبك
وكل اللى قلوه عنه
خدعنى الوهم فى حبك
وعشمنى كثير فى قلبك
وغرتنى الظنون كثير
وقالت الوفاء طبعك
لكن الهجر والحرمان
لقيته كله من صنعك
ويحسدنى العزول عليه
وانا التعبان من ظلمك
خلاص مليت من حبك
وكل اللى قلوه عنه
ما انا اتعشمت فى قربك
لكنى بجنى فى ظلمه
خلاص مليت من حبك

بقلم محمد البلاط

مابين الشك والحيرة - بقلم محمد البلاط

مابين الشك والحيرة
------------------
مابين الشك والحيرة
تايه فى هواك مش راسى
بقاسى الشوق والغيرة
وادادى فيك ليه عاصى
لا بتريح فى يوم قلبى
ولا بتبعد ولا ناسى
وكل يوم ليك موعد
بتجرح فيه احساسى
لا بتريح ولا تجينى
ولا بتشرح ترسينى
وبين الشك والحيرة
تايه فى هواك مش راسى
يا تفضل فى الجوار جنبى
يا للهم بقى تسبنى
وبلاش موعيد تشغلنى
وتخلفها تجننى
يا ترحمنى
وقولى عايز ايه منى
تعبت القلب بافعالك
وعقلى كمان راح منى
فى نن العين انا شيلك
وقلبى مسكنك وحدك
ولو بتغيب ما بنساك
وقلبى يحن لودك
وطول الوقت انا فكرك
وتبقى معايا واشتقلك
ولما تخطى الخطوة
بسمى واقول على مهلك
ومن العين انا برقيك
بمسك ومعاه عنبر
وبدعو الله يخليك
ليا العمر وتعمر
ويكشف الحجاب عنك
وقلبى تريحه بردك
وبلاش الهجر وصدك
وبلاش مواعيدك تخلف
ولا تعاند ولا اعاندك
ولا تبرر ولا تحلف
بقاسى الشوق والغيرة
وادادى فيك ليه عاصى
مابين الشك والحيرة
تايه فى هواك مش راسى
تايه فى هواك مش راسى

بقلم محمد البلاط

يا قلبى متملش - بقلم محمد البلاط

يا قلبى متملش --

----------------------------------

يا قلبى ليه مليت من غدر الايام

على القسى اتربيت وما شوفت يوم حنان

حزين على ميت ولا عيد بتعيد

وحكمك السيد اللى حكم وخان

مستنظر الرحمة فى عز الزحمة

ومفيش ولا انسان راجل يكون همام

ويقول كلمة لا وبالحق ينطقها

لو فيها الفين ااااه بس يقول الحق

وينصر المظلوم ويطلعه من الشق

تدليس مع تدليس شغل غفر وبوليس

منهم كفر ابليس ويمكن كمان هيطق

يا قلبى ليه مليت من غدرهم وتعبت

وانزويت فى بيت ما انت عارف انا شيبت

ولا عمرى يوم مليت ولا اتحنيت لحد

شوفت بعينى الغدر والخسة وياما

دول اللى غطو البدر وغموه بغمامة

وقتلو القتيل مظلوم ورموه بتهم ياما

وامامهم معصوم وشيخ بعمامة

يا قلبى ده كان عام ضاعت فيه الاحلام

وسفيه بيديرها ويلف مدارها

ويقول شايلها وكنزها متصان

يا قلبى متملش لو الغراب عشش

والبوم فيها نام واليمام يطفش

لابد يجى يوم ويكون المحتوم

والحق ليه يكرش ويصحى الجميع من النوم

ويصحى الجميع من النوم

بقلم محمد البلاط

يا حبيب الروح - بقلم محمد البلاط

يا حبيب الروح انا قلبى معاك
سيباه فى حمايتك وامانة
وانا ليك ببوح من جوة الروح
ان انا بهواك وعشمانة
ما يفرق بينا عزالنا
ولا يبقا مبينا فيه خيانة

يا حبيب الروح لو كلى جروح
ومن بعدك انا انا حيرانة
راح اصارحك بيها بكل وضوح
واقول يا حبيبى انا تعبانة

على بعدك انا انا مقدرش
ولا يقدر قلبى يتحمل
وان غبت عليا مفكرش
ولا لااقدر فى كلامى اتجمل

وان كان العمر ده كله هوان
علشانك يبقى ده منى جنان
لو هقبل بعدك يوم عنى
او اسمع عنك كلمة خان

وانا ليك ببوح من جوة الروح
ان انا بهواك وعشمانة
ما يفرق بينا عزالنا
ولا يبقا مبينا فيه خيانة

يا حبيب الروح انا قلبى معاك
سيباه فى حمايتك وامانة

بقلم محمد البلاط

بحبك ايوا بحبك -بقلم محمد البلاط

بحبك ايوا بحبك

بحبك ايوا بحبك وكتمة فى نفسى اسرارى
ولما طال بعادك نار الاشواق كويانى
وتقتلنى وتحينى تفكرنى تنسينى
وحيرتى ويا ظنونى مبين راح وهيجينى
ويجى الليل بالامه ويشكى الدمع لمخدة
سبونى الناس ونامو وانا بالدمع بتوضا
واقضى الليل سهرانة مبين الفتحة والشدة
هينسانى ؟؟ لا هيجينى فاكرنى ولا نسينى
ويعقل تضيع سنينى مبين الفكر والشدة
امانة عليك تجينى وبلاش ويايا معاندة
بحبك ايوا بحبك وكتمة فى نفسى اسرار
ولما طال بعادك نار الاشواق كويانى

بقلم محمد البلاط

بلاش تغيب وتنسانى - بقلم محمد البلاط

بلاش تغيب وتنسانى
-------------------
يا واخد روحى وجروحى بعادك بيكون الجانى
وما يصبر بكا ونوحى وقلبى كثير بيعانى
متبعدش ومتغبش ولا تفكر ااااه تنسانى
وجاور قلبى وونس ده مركب وانت الريس
يا شهد ومنه بيغمس وشىء مخلوق علشانى
يا واخد روحى وجروحى بعادك بيكون الجانى
على قلبى على عقلى على كلى وكمان روحى
ويخدنى الفكر ويجيبنى يزيد الهم ما يسيبنى
قاصد ليه تعزبنى وقربك كل امانى
بلاش تغيب وتسيبنى وتبقى عليا الجانى
بلاش تغيب وتنسانى بلاش تغيب وتنسانى

بقلم محمد البلاط

كافى عليا دمع عنيا
-----------------
ولا تحكيلى ولا ترسينى
ويكفى بقول من حبك اااه
ومسهرنى ايام وليلى
صاحب الدمع وبقى يهواه
بشكى الهجر ومن الحرمان
لفظ حنين بستناه
قولى يا قاسى مين فينا خان
وتاه من ايدى وتهت معاه
ولا تحكيلى ولا ترسينى
ويكفى بقول من حبك ااااه
يكفينى نار بتعزب فيا
وانت بعيد مش سائل فيا
وكافى عليا دمع عنيا
وكافى على القلب نار جواه
جاى تقلب ليه فى الماضى
وفاكر الصلح دا شىء بقى عادى
ياما عليك كنت بنادى
ومبتردش وغاوى عنادى
ولسه فاكرنى هستناك
ياللى هويت كثير بعادى
انا بيعاك ومش عيزاك
وكافى عليا دمع عنيا
وكافى على القلب نار جواه
كافى على القلب نار جواه
وانسى ايامى وانسى كلامى
ياللى هويت بعدك وخصامى
انا للماضى خلاص نسياه
وكافى عليا جرح فى قلبى
ودمع عنيا انا عايشة معاه
دمع عنيا انا عيشة معاه

بقلم محمد البلاط

اللى عشانهم سمعنا كلامهم - بقلم محمد البلاط

اللى عشانهم سمعنا كلامهم واتحملنا وقولنا احباب
لكن يظهر ان خصامهم كان فى القلب ليه اسباب
رغم اننا كنا المجريح وكل امالنا راح فى الريح
واتعزبنا كثير وتعبنا وقولنهم بلسان فصيح
انتو حياتنا وانتو امالنا وانتو الجنة وكل احلامنا
ومهما تجورو علينا بقسوة لسة الباقى كثير فى عشمنا
نسيو وباعوا وضعنا وضاعوا وخانو الود وباعوا العيش
لو شايفين فيه غيرنا حلالكم مش راح نزعل وراح نسيبكم
ولو شايفين اللى فى راحتكم نبعد عنكم هنبعد عنكم
وكافى علينا دمع عنينا يبقى ونيس وعليه نعيش
وتكون ذكرى لباقى حياتنا افضل واحسن من اللى مفيش
دا اللى عشانهم سمعنا كلامهم واتحملنا وقولنا احباب
لكن يظهر ان خصامهم كان فى القلب ليه اسباب
كان فى القلب ليه اسباب

بقلم محمد البلاط

جرحونى ولمونى - بقلم محمد البلاط

جرحونى ولمونى
----------------

جرحونى ولمونى اللى كنا نحبهم
واشتكو البعد عنهم رغم انى بودهم
جرحونى بالكلام والخصام كأنهم
كل يوم كانو بيزرونى
الدفاتر قلبوها واقرأوا المكتوب فيها
وشوفو مين اللى اشترى ومين للعشرة بعوها
شوفو قد ايه جينالكم وشوفو ايه الرد منكم
وانتظرنا كثير تجونا فينا حتى ما سألتم
قولنا يمكن مشاغلهم لهياهم عنا شوية
واحنا اللى راح نجيلهم ونقصر مشاورهم
مرة واثنين وثلاته واعتبرتوها شحاته
وافتكرتوها مرازية وفى عنيكم شوفنا حاجة
والمقابلة مكتش هيى
جرحونى جرحونى اللى كنا نحبهم
واشتكو البعد عنهم رغم انى بودهم
جرحونى بالكلام والخصام كأنهم
كل يوم كانو بيزرونى

بقلم محمد البلاط

مش راح اصدق تانى كلامك - بقلم محمد البلاط

مش راح اصدق تانى كلامك
----------------------------

مهما تعشم قلبى بحبك مش راح اصدق تانى كلامك
يالى تعبت القلب بكذبك واحتار قلبى كثير فى خصامك
ياما بتوعد وتخلف وعدك والف يمين حلفته واعاهدك
ولما احتاجك ملقاش عندك الا حكاوى وبس وغدرك
متقلبش وتعيد تانى وحاول انك بقى تنسانى
وكافى عليا بانى عشرتك بالاخلاص وكنت انانى
وياما كثير من قلبى سامحتك رغم ان انت سر احزانى
ومهما تعشم قلبى فى حبك مش هرجعلك ابدا تانى
يالى تعبت القلب بكذبك واحتار قلبى كثير فى خصامك
كافى عليا بانى عشرتك بالاخلاص وكنت انانى
مش راح اصدق تانى كلامك وحاول انك بقى تنسانى

بقلم محمد البلاط

سكة زمان مش سكتى - بقلم محمد البلاط

سكة زمان مش سكتى
--------------------
سكة زمان مش سكتى ولا عدت هقبل منهم
يكفينى جرحى ودمعتى اللى سببها شكهم
كان ودى ليهم والحنين واوقات بيبقى فيه انين
لو غابو عن عينى يومين واتحرمت منهم

واخر المواخر جرحو فيا لناس بيفرحو
لو شافو قلبى انكسر او حتى غير مطرحو
سكة زمان مش سكتى ولا عدت هقبل منهم
يكفينى جرحى ودمعتى اللى سببها شكهم

جرحونى ليه ولسة فيا بيجرحو
عملت ايه علشان بايدهم يذبحو
اللى اشتراهم وكانت عنيه بتفضحو
علشان هواهم هو اللى كان مريحو

يمكن عشان بنحبهم ساقو الدلال
وسقونا مر شكهم والحظ مال
طب نعمل ايه لطبعهم طبع العيال
لاعدت اقرب منهم ولا عمرى هقدر على الوصال

سكة زمان مش سكتى ولا عدت هقبل منهم
يكفينى جرحى ودمعتى اللى سببها شكهم
اللى سببها شكهم اللى سببها شكهم

بقلم محمد البلاط

همشى معاك - بقلم محمد البلاط

همشى معاك واكذب عينى
واضحك على نفسى وظنونى
واقول لقلبى انك مجنونى
بس يا حبى اياك اياك
ترجع تانى لمضيك وهواك
اللى سمعته كثير بودانى
يبقى ساعتها صحيح هنساك
وعمرى ما هرجع لو يلومونى
همشى معاك واكذب عينى

بقلم محمد البلاط

اشتكيت منك لهم - بقلم محمد البلاط

اشتكيت منك لهم
وقولت ليهم كلهم
على اللى حصل واللى فات
واللى كان سبب البعاد

اشتكيت ايوه اشتكيت
ومن عماليك اااه بكيت
رغم انى حاولت اسكت
يمكن ارتاح بالبعاد

واللى حزن قلبى منهم
قالو شىء ما يخصهم

هشتكيلك منك انت
لو فى قلبك ليا حته

قولى ايه غير فى طبعك
وهسمعك بدون معارضه
وفى النهاية اسمع كلامى
لو مش هترد النهارده

بس طمنى عشانى
لو فى قلبك لسه ليا
من الحنان باقى شوية
وللرجوع نعقدها نية

يروح خصامك وخصامى
ومشتكيش منك لهم
وهشتكيلك منك انتا
لو عيونى خصمتهم

ولو فى قلبك ليا حته
ابقى دايما جنبهم
ابقى دايما جنبهم

بقلم محمد البلاط

يا ام الملاية اللف - بقلم محمد البلاط

يا ام الملاية اللف والبيشة والخلخال
انا عقلى بيكى اتلف وما عدت انا دريان
والكل ليا وصف وقالولى بنت جيران
الدم ده من عسل والعود ده من زان
يا ام الملاية اللف ميال انا ميال
قوليلى ايه الثمن والمهر ليكى كام
انا لف بيا الزمن فى الاربع اركان
لا شوفت ليكى وصف ولا عرف يشبه عرف
ولا حد من السكان
يا ام الملاية اللف والبيشة والخلخال

بقلم محمد البلاط

ارحل فى نصيبة وروح عشش - بقلم محمد البلاط

ارحل فى نصيبة وروح عشش
--------------------------

ما تخف علينا وترحمنا
وبلاش فى الهم تجرجرنا
ما شبعنا من كثر كلامك
وعشان نرضيك كلنا صومنا
بتلم فلوسنا وبتحوش
وكأنك ناوى تتجوز
وان قولنا تعبنا من افعالك
يتغير حالك وتبوز
بتحب الهتش وتوعدنا
وكلامك فاكره هيسعدنا
وسرقت احلامنا وفى بيوتنا
عمال تقلب وتفتش
ما تخف علينا وترحمنا
وبلاش فى الهم تجرجرنا
لو فاض الكيل واتاسرنا
لا هتبقى لا مخبر ولا ريس
وان قولت انا اسف يا جماعة
وهعدل الحال من الساعة
هيكون الرد بشجاعة
ارحل فى نصيبة وروح عشش
ارحل فى نصيبة وروح عشش

بقلم محمد البلاط