صبحت عليك ليه متردش - بقلم محمد البلاط

صبحت عليك ليه متردش
وانا اللى غطاك وليك الفرش
وان كنت جاملتنى بزيارة
تترد ليك ومبنكرش

ليه تزعل منى وتتجنب
وبسببك قلبى يتعزب
واقلب فى اللى حصل منى
من الصبح لحد المغرب

واسهر الليل انا محتارة
ويا ريتك تدينى امارة
وتقولى على اللى حصل منى
لو حتى تدلنى بعبارة

صبحت عليك وانا فرحانة
وبنتظر الرد وعشمانة
ايدك تتمد وتخدنى
وتقولى الاسعد فى مسانا

ليه تكسر قلبى باهمالك
وانا المهمومة علشانك
ومستخصر كلمة بلسانك
تنطقها لو مش هتحلالك

صبحت عليك ليه متردش

بقلم محمد البلاط