جاى تطلب السماح ؟؟ - بقلم محمد البلاط

جاى تطلب السماح  ؟ظ
--------------------

بعد هجرك بعد غدرك
جاى تطلب السماح ؟؟

فاكر قلبى راح يسامحك
ياللى منك الجراح

اللى راح خلاص راح
وبعتبر الجاى براح
انسى فيه الماضى اللى
منه ياما كثير حصلى

ويا ريت تبعد عنى
وتنسى الماضى اللى راح

انسى قلبى اللى كان لك
الحنان وكان ظلك
وانسى حضن كان يضمك
وانسى دمع ليك هان

انسانى وانسى زمانى
ويا ريت تنسى مكانى

ويكفينى منك ماجانى
وعيش وملح عليك هان

بعد هجرك بعد غدرك
جاى تطلب السماح  ؟؟
جاى تطلب السماح  ؟؟

بقلم محمد البلاط