هتقول لمين ياله الوداع - بقلم محمد البلاط

هتقول لمين ياله الوداع
فاكر الحنين من قلبى ضاع
انا لسة ليك مشترى
رغم انك انت اللى باع

هتقولها اذاى وفى عنيك
عارف بانى اللى شريك
وتبيع اذاى مشترى
ليك اشتره من ناس بعوك

لقلبى ليه بتجرحه
وتحركه من مطرحه
ونسيت قلبك اللى كان
قلبى بوداد بيريحه

هتقول لمين ياله الوداع
فاكر الحنين من قلبى ضاع
انا لسة ليك مشترى
رغم انك انت اللى باع

ونويت تودع مين
مين ولا مين ومين
عشرة وعيش وملح
ولا بيع محبين

وليه ناسى الماضى
يا حكم القاضى
قلبك صبح فاضى
وبيطعن بسكين

هتقولها اذاى وفى عنيك
عارف بانى اللى شريك
وتبيع اذاى مشترى
ليك اشتره من ناس بعوك

بقلم محمد البلاط

مين علمك مين تاخد طبائعهم - بقلم محممد البلاط

مين علمك مين
تاخد طبائعهم
وتحن للقاسين
ما قولتلك بيعهم
صدقت كلامهم 
وبقيت واحد منهم
وكمان بتطيعهم
بتبكى ليه زعلان
من فعلهم وياك
هو الى فات كان
حنان ولا هواك
عماك عن افعالهم
ولا انت بتصونهم
عشمان فى يوم منهم
يبقو العسل وياك
صدقت كلامهم
وبقيت واحد منهم
وكمان بتطيعهم
بتبكى ليه زعلان
من فعلهم وياك
يا قلبى بستناك
ترجعلى من تانى
وبلاش يكون هواك
علينا الجانى
صدقت كلامهم
وبقيت واحد منهم
وتحن للقاسين
ما قولتلك بيعهم
مين علمك مين
تاخد طبائعهم

بقلم محمد البلاط

حلفتلك بالف يمين - بقلم محمد البلاط

حلفتلك بالف يمين
بان اللى انت شايفه حمار
واكلته بايدك برسم
وخيرتك بالف خيار
يا اما تفهم العلة 
يا اما نعملولك زار
وتفهم ان العمة
ميلبسهاش غير الشطار
ومن يومك بتتشاطر
وعامل انك الفهيم
وعامل للحمار خاطر
وبوظلك ايراط برسيم
وعلى المخزون ادير
وكسر كل شىء سليم
ولسه بردو بتحبه
على عيبه وعلى خيبته
وقولنا نبيعه متبعش
ولا مساوى صبع محشى
يا ريته يروح ميرجعش
تانى للدار
حلفتلك بالف يمين
بان اللى انت شايفه حمار
واكلته بايدك برسم
وخيرتك بالف خيار
يا اما تفهم العلة يا اما
نعملولك زار

بقلم محمد البلاط

خلاص يا قلبى خيرتك - بقلم محمد البلاط

هتسمع مين ويسمعلك 
ما ضاع اللى كان يحبك 
وكنت مناه ونور عينه 
وكان ساكن فى دمك
وفين راح تلقى حنية 
وتلقى سلامة النية 
وكل اللى عينك شيفاه 
بيهوى الكذب وغية
يعزب اللى بيحبه 
ويكسر برضاه قلبه 
ويفرح لو يشوف فى عنيه 
علامة البؤس وغلبه
هتسمع مين ويسمعلك 
ما ضاع اللى كان يحبك 
وكنت مناه ونور عينه 
وكان ساكن فى دمك
خلاص على الجرح اتعود
يا اما عنهم تبعد
معدش فى الحياة قلوب 
تعمر كلها بتفسد
مفيش محبوب هيحبك 
ولما تطيعه هيطيعك
ده لو بالود هتجيلو 
معاك بالعند راح يعند
ولو حزنان تغنيلو 
فى حزنك عنك يبعد
خلاص يا قلبى خيرتك 
بايدك شوف ايه راحتك
يا اما تعيش على اللى راح 
يا اما تقبل بظلمك
وعلى الجرح بقى اتعود 
يا اما عنهم تبعد
هتسمع مين ويسمعلك 
ما ضاع اللى كان يحبك
ما ضاع الى كان يحبك

بقلم محمد البلاط

يا فلب بالحنين مليان - بقلم محمد البلاط

يا قلب بالحنين مليان وشوقك تلقى محبوبك

ومتمنى تكون منصان فى قلبه ومتصانه روحك

ومتمنى بجناح تطير وتوصل بس يا خوفى

لتلقى فى عينه ناس تنين وتحنى فى الحشى كسوفك

وترجعلى وفيك جراح لا منها تخف ولا ترتاح

وتبقى العمر فى التوهة وعايش الحياة سواح

تدور على اللى هيطبب وعلى اللى عليه هتصعب

ومين تانى راح يطبطب ويسمع حتى لو تغضب

كفانا جراح كفانا جراح وانسى اللى نساك وارتاح

يا قلب بالحنين مليان وشوقك تلقى محبوبك

ومتمنى تكون منصان فى قلبه ومتصانه روحك بقلم محمد البلاط

خطط وابنى وهد يا عم - بقلم محمد البلاط

خطط وابنى وهد يا عم
واوعى تطيعهم ولا تهتم
والى هيمشى ورانا هيكسب
واللى هيعصى معندوش دم
خطط وابنى 
خطط وابنى وهد يا عم
خطط وابنى اى كلام
وميهمكش تكلف كام
كلها شهر وتبقى ركام
وهنعملها تانى برخام
بس الناس تبطل زن
خطط وابنى خطط وابنى
خطط وابنى وهد يا عم
بالفنكوش مشيها هتمشى
كلها فترة وكلنا نمشى
واللى هيجى مهيعرفش
ما هى الناس عمى وصم
خطط وابنى
خطط وابنى وهد يا عم
اكبش قد ما تكبش اكبش
ولو من جيب اخوك ده اهبش
واوعى الناس تشوفك مرة
ليحاكمونا وفيها نتكلبش
بالفنكوش مشيها هتمشى
كلها فترة وكلنا نمشى
واللى هيجى مهيعرفش
ما هى الناس عمى وصم
خطط وابنى خطط وابنى
خطط وابنى وهد يا عم

بقلم محمد البلاط

قربنا منك عمره ما شرف - بقلم محمد البلاط

جاى بتسأل علشان تعرف
انى بحبك ولا انا بقرف
يالى وعودك كلها كذب
وقربنا منك عمره ما شرف

بتخيرنى اختارك تانى
وانت القاتل وانت الجانى
وانت اللى بايديك معزب
وانت اللى فى السجن رمانى

لسة فاكرنى فى يوم هامنلك
او توهمنى الشمس بظلك
دا انت جدار لو سندو عليك
مش هيلقوك راح تسند نفسك

زهر الوهم معدش بينفع
والايمان عمرها ما هتشفع
واللى حنى شجر الصفصاف
قادر للى اتحنى ده يرفع

مش بالعافية ولا بالمدفع
ولا بالقادر انه هيدفع
ده اللى سهل ليك فى الاول
قادر نفسك عنك يمنع

وجاى بتسأل علشان تعرف
انى بحبك ولا انا بقرف
يالى وعودك كلها كذب
وقربنا منك عمره ما شرف

منك بقرف ايوه انا بقرف
وعايز كل الخلق ده يعرف
ان البعد عنك نعمة
واللى يصاحبك بتصيبه نقمة
وعمره ما يقدر بيك يتشرف
وعمره ما يقدر بيك يتشرف

بقلم محمد البلاط