خلاص يا قلبى خيرتك - بقلم محمد البلاط

هتسمع مين ويسمعلك 
ما ضاع اللى كان يحبك 
وكنت مناه ونور عينه 
وكان ساكن فى دمك
وفين راح تلقى حنية 
وتلقى سلامة النية 
وكل اللى عينك شيفاه 
بيهوى الكذب وغية
يعزب اللى بيحبه 
ويكسر برضاه قلبه 
ويفرح لو يشوف فى عنيه 
علامة البؤس وغلبه
هتسمع مين ويسمعلك 
ما ضاع اللى كان يحبك 
وكنت مناه ونور عينه 
وكان ساكن فى دمك
خلاص على الجرح اتعود
يا اما عنهم تبعد
معدش فى الحياة قلوب 
تعمر كلها بتفسد
مفيش محبوب هيحبك 
ولما تطيعه هيطيعك
ده لو بالود هتجيلو 
معاك بالعند راح يعند
ولو حزنان تغنيلو 
فى حزنك عنك يبعد
خلاص يا قلبى خيرتك 
بايدك شوف ايه راحتك
يا اما تعيش على اللى راح 
يا اما تقبل بظلمك
وعلى الجرح بقى اتعود 
يا اما عنهم تبعد
هتسمع مين ويسمعلك 
ما ضاع اللى كان يحبك
ما ضاع الى كان يحبك

بقلم محمد البلاط