حلفتلك بالف يمين - بقلم محمد البلاط

حلفتلك بالف يمين
بان اللى انت شايفه حمار
واكلته بايدك برسم
وخيرتك بالف خيار
يا اما تفهم العلة 
يا اما نعملولك زار
وتفهم ان العمة
ميلبسهاش غير الشطار
ومن يومك بتتشاطر
وعامل انك الفهيم
وعامل للحمار خاطر
وبوظلك ايراط برسيم
وعلى المخزون ادير
وكسر كل شىء سليم
ولسه بردو بتحبه
على عيبه وعلى خيبته
وقولنا نبيعه متبعش
ولا مساوى صبع محشى
يا ريته يروح ميرجعش
تانى للدار
حلفتلك بالف يمين
بان اللى انت شايفه حمار
واكلته بايدك برسم
وخيرتك بالف خيار
يا اما تفهم العلة يا اما
نعملولك زار

بقلم محمد البلاط