- ايه يا بلد -
ايه يا بلد مفيش ولد ولا الولاد ماتوا كلهم
والباقى حبة من العبيد بيحبو اللى يذلهم
يا بلدنا ليه متدحضرة راجعه بسرعة لورا
وشوفنا فيكى العجب وبقيتى مسخه ومسخره
لا حميكى اللى ربيتيه ولا وساكى وهان عليه
يشوف فى عينك الدموع على ولادك تتسكب
فى كل يوم بلوة وبلا حرق وموت وغرغرة
وماشيه البلاوى بمسطرة فى طريقك اللى ماشيه فيه
لو قولنا اااااه من الوجع ولا اشتكينا من الالم
بالف كف ننصفع ويضربونا بالصرم
الف اتهام واتهام ان احنا ناس مش تمام
وغسيل بلدنا بننشره للى الفلوس لينا دفع
طالبنى اموت ومقولش اااااه وفى موت ابويا مجريش وراه
واعبد صليبه ونجمته واكفر بالواحد اله
فى كل يوم فيه كام شهيد وناس تموت موت العبيد
فى سوق ومصنع يتحرق او يتقلب قطر الصعيد
شىء مش طبيعى ولا ابتلاء دا فن عند ناس وداء
طبع الفراعنة الكبرياء بالدم يحمو عرشهم
ايه يا بلد مفيش ولد ولا الولاد ماتوا كلهم
والباقى حبة من العبيد بيحبو اللى يذلهم
- بقلم محمد البلاط
