- شغل سيما -
شغل سيما وفلم هندى نفس قصة عم شندى
كل ما يفكر يشوفها يلهينا بكاس البراندى
كاس مر وكله دم نشربه ونفضل نزم
والمعلم بيراودها واحنا مش عارفين نشم
امتى نفهم الحقيقة ونواجهها بالطريقة
اللى بيلاعبنا بيها قبل ما تم السريقة
ويا ريتها سرقة منا وياخدها غصب عنا
دى حياتنا و الف جيل لو هيبقى حد منا
بيلاهينا بالغريق والدعارة والحريق
واللى مسجون وشفيق والنيل بيضيع منا
مين يسلم سهل روحة حتى لو كثرت جروحه
الغشيم فاكر بنوحه على القتيل هيغشنا
ما احنا عارفين اللى قاتل واللى للحبال فاتل
واللى بيحاول يماطل وفى الفخاخ بيحطنا
احنا عارفين المعزى ومين معاه ومين بيفسى
واللى حرض واللى عرض واللى مكلبش فى كرسى
شغل سيما وفلم هندى نفس قصة عم شندى
كل ما يفكر يشوفها يلهينا بكاس البراندى
- بقلم محمد البلاط
ليست هناك تعليقات:
إرسال تعليق