- بص العصفورة -
العصفورة لها كام صورة لو ترسمها على سبورة
فيه عصفورة تشوفها بعينك تسعد قلبك تفرح بيها
وفيه عصفورة تطلع دينك مصنوعة للناس تلهيها
وفيه عصفورة الله لا يبليك لصقة فى ايدك وفى رجليك
والعصافير كثرت فى بلدنا الكتكوت فيها اصبح ديك
اصحى وصحصح وابعد عنها لا تلهيك ولا تبصلها
دا اللى صنعها حط فى زيلها كاميرا خفية تتابع فيك
مين فى بلدنا مشفش فى يوم العصفورة ولو فى النوم
فى الاعلام والمديا تشوفها وتسمع عنها تشيل هموم
هم يشيلك هم يحطك وان ما صابكش لابد يلطك
ما انتا بقيت الهدف وخيبتك خلت اهطل يلعب بيك
العصفورة فوق دماغك لا على كتفك لا فى جيبك
اوعى يا باشا شخاخها يصبك او منقرها يعلم فيك
وفيه عصافير حوليك بتلف زى زباب على شيء بيعف
تأرف منها تف تنف مش هتسيبك وتخليك
طول ما قضية سد النهضة وقفه فى بركة ونايمة وراقده
العصافير هتكون حوليك وبعنيك هتشوف وزياده
مرة فى مركب مرة فى قطر ومرة فى فيفى ونوع العطر
ومرة حريقة بعد حريقة وبين الاثنين مفبش فيه سطر
شوف واتفرج عد حكاوى وشوف الباشا على ايه ناوى
العصفورة بتدارى فى بلوة ولا فيه نهبة ولحم عكاوى
العصفورة لها كام صورة لو ترسمها على سبورة
فيه عصفورة تشوفها بعينك تسعد قلبك تفرح بيها
وفيه عصفورة تطلع دينك مصنوعة للناس تلهيها
- بقلم محمد البلاط -
ليست هناك تعليقات:
إرسال تعليق