البيت معمول للذكر وبس
-----------------------
خليك فى صلاتك وعبادتك
ولسانك احفظه افضلك
البيت معمول للذكر وبس
موش للتغميز ولا ولا للمز
وان كنت صحيح انسان بتحس
احفظها لو مرة كرامتك
يا كبير السن ومقامك
موصلش لخطوة قدامك
مستكثر اقولها فى غيابك
ولا عايز بالعيبة اصدك
سيبنالكم المسجد والحتة
وبنقفل بابنا الساعة ستة
ولا جيبنا سيرتكم مع مخلوق
ولا قولنا اكلتكم العتة
انا لامم نفسى ولسانى
ولا روحت لحد ولا جانى
ولا عايز حتى تشاركونى
فى الفرح ولا حتى احزانى
ويكفينى ان انا ابعد عنكم
والسم المعقود فى لسانكم
يا ريت تخلوه فى بيوتكم
فيه ناس منه بتعانى
البيت معمول للذكر وبس
موش للتغميز ولا ولا للمز
وان كنت صحيح انسان بتحس
احفظها لو مرة كرامتك
بقلم محمد البلاط
ليست هناك تعليقات:
إرسال تعليق