خفو النفخ وخفو الهبد - بقلم محمد البلاط

خفو النفخ وخفو الهبد
--------------------
خفو النفخ شوية يا ناس
عمر الماس ما اتقلب نحاس
ولا القط اتقلب لسبع
ولا الورد اتقلب رصاص

خفو النفخ شوية يا ناس
اللى كريم من طبعه واصله
عمر العز ما اثر فيه
واللى لائيم تلقاه من رخصه
كل كلامه وفعله سفيه
الكذاب عمره ما بيصدق
ولا تسمع لكلامه فى يوم
موت الخلق معاه ما يفرق
لو بيموتو بضرب الشوم
خفو النفخ شوية يا ناس
عمر الماس ما اتقلب نحاس
ولا القط اتقلب لسبع
ولا الورد اتقلب رصاص
كثر النفخ يخلى القرد
على اكتاف الناس بينط
ويفكر الحر فى عرفه
اصبح ليه مملوك وعبد
خفو كلام وخفو الهبد
ياللى اخذتو كلامه بجد
ايه بان منه غير ان انه
قفل الماية علينا بسد
خفو شوية خفو الهبد
لسة قريب بايع ارض
ياللى ما كانت ليكم نخوة
ولا للرب قضيتو الفرض
خفو النفخ وخفو الهبد
بقلم محمد البلاط