قااصدة ليه تعزبينا - بقلم محمد البلاط

 

مش كفاية غدر ناس اشتريناهم بعونا
واللى قولنا دول ماس راحلو عنا ونسونا

انسى تخدينا معاكى ولا تانى تمرجحينا
ولا هنطلب رضاكى وانتى اللى بتذبحينا

خدنا ايه منك يا دنيا وقاصده ليه تعزبينا
قاصده ليه تعزبينا

من زمان وانا بدادى وبحاول فيكى اراضى
وانتى انكرتى ودادى وياما بتحطى علينا

ايه اللى باقيلك يا دنيا بتشترى وتبيعى فينا
خدنا ايه منك يا دنيا وقاصده ليه تعزبينا

صبرنا هيكون عليكى مهما تأسى وتظلمينا
بيأسنا مش هنرضيكى لو عملتى ايه فينا

انسى تخدينا معاكى ولا تانى تمرجحينا
ولا هنطلب رضاكى وانتى اللى بتذبحينا

خدنا ايه منك يا دنيا وقاصده ليه تعزبينا
قاصده ليه تعزبينا

بقلم محمد البلاط

نسيو يسمو عليك - بقلم محمد البلاط

 
نسيو يسمو عليك
-----------------

بحلف بيك انا بحلف بيك
وطول الوقت انا مستنيك
واللى عملها فيا
دول حبة حرامية
عجنو دقيق بماية
ونسيو يسمو عليك

بحلف بيك عارف من امتى
من ساعت ما دخلت الحته
وشاغل عقلى وشاغل بالى
وكانت الشنطة فى ايدى نسيتها

منتظرك من الفجر واقفلك
تدلع وتجينا براحتك
ليه بتسوق علينا دلالك
اوعى تفكر ان انا شاحتك

ايوا صحيح ان بحلف بيك
وطول الوقت انا مستنيك
واللى عملها فيا
دول حبة حرامية
عجنو دقيق بماية
ونسيو يسمو عليك

خسسانك مهش بالكيف
ولا محتاج شرح وتعريف
انا فاهم اللعبة وكيف
ان دا كان امر وتكليف

واللى عملها فيا
دول حبة حرامية
عجنو دقيق بماية
ونسيو يسمو عليك

نسيو يسمو عليك

بقلم محمد البلاط

يا رغيف العيش - بقلم محمد البلاط

 يا رغيف العيش

-----------------
فرحتنا بقدومك فرحة وهنزفك على خيل بالطرحة
وقلوب الناس المنشرحة هتدلع فيك وهتشيلك
ويا رب تعيش وتتهنى وتتشال من طاولة لمشنة
يا جاى اتعشمنا بخيرك وفى قدومك متدعور حالنا
يا غير الخلق ومتغير لا مطاول ولاحتى مدور
وجمالك باين فى شكلك ومشاكلك يظهر راح تكثر
يا رغيف العيش وجاى من الجيش بركاتك باين راح تظهر
يا افضل من الكعك وقراقيش ومعجون بالزعتر والسكر
وان جانا الضيف هنقولو مفيش ويبوسك ويقولك تشكر
ونعملك جوة البيت برواز بازاز وكهارب بتنور
يا رب تعيش وتتهنى وتتشال من طاولة لمشنة
يا جاى تعشمنا بخيرك وفى قدومك متدعور حالنا
فرحتنا بقدومك فرحة وهنزفك على خيل بالطرحة
وقلوب الناس المنشرحة هتدلع فيك وهتشيلك
يا رغيف العيش يا رغيف العيش
يا جاى من الجيش تجننا

بقلم محمد البلاط

نسيت الماضى والحاضر - بقلم محمد البلاط

 نسيت الماضى والحاضر

---------------------------

نسيت الماضى والحاضر بتطويه طى

وانا اللى عملت ليك خاطر وبدارى بأيدى عينى

وابررلك كمان فعلك لكنك كنت قاسى عليى

يمين بالله ومافى سواه لترجعلى تبوس ايدى

ما انا عرفاك وفهمة هواك رايح وجاى

لكنى ساعتها مش هنسى وهعصى لو حايلنى الحى

وهنسى ايامى وايامك وعنوانك ومكانك

واسيب الحى وابعد وما اسجدش لاحلامك

وانا اللى عملت ليك خاطر وبدارى بأيدى عينى

وابررلك كمان فعلك لكنك كنت قاسى عليى

محمد البلاط

ومستنظر يعين الله بقلم محمد البلاط

 ومستنظر يعين الله
-----------------

ومستنظر يعين الله
بشر جاهل يا عبد الله
نسوا الخالق و البارى
وعبدو اللى خيره الجلة

وعبدوا ابليس والدجال
وحبوا اللى يمشى الحال
حرام يجيبو بيه عيال
وفكرين لحياة فلة

ونسيو غضبة يغضبها
اله الكون ويقلبها
زلازل وياها كام سيل
يا اما بنار يعزبها

وفيهم اللى قال بركة
يا جامع واهى جت منك
هريح نفسى من المشاوير
ومعدتش تانى اروحلك

ومستنظر يعين الله
بشر جاهل يا عبد الله
نسوا الخالق و البارى
وعبدو اللى خيره الجلة

بقلم محمد البلاط

قولتلك جاى السواد - بقلم محمد البلاط

 

قولتلك جاى السواد
--------------------

اختيارك وانت راضى
ليه النهاردة جاى تقاضى
قولتلك جاى السواد
قولت قابل شىء عادى
علشان نبنى بلدنا
يبقى لازم ننسى قوتنا
مش مهم نبنى بيتنا
فى العجوزة والمعادى
ولو فى عشة راح نعيش
ونستغطى بخيش وريش
ودمنا لجل بلدنا
يبقى الشىء الرخيص
قولتلك مش لجل بلدك
ولا ليك ولا لولدك
الحكاية ازاى يذلك
تبقى كلب ليه حبيس
قولت راضى لو ههوهو
وابقى عصفورة واصوصو
بس يكفينى لعرمرم
انظره واكون جليس
قولتلك حر وبراحتك
وغلطت لانى لومتك
وطريقى غير طريقك
ليا بختى وليك بختك
والنهاردة بعينى شوفتك
بتقاضى العفيف
والدموع ملية عنيك
على نقصان الرغيف
اختيارك وانت راضى
ليه النهاردة جاى تقاضى
قولتلك جاى السواد
قولت قابل شىء عادى

بقلم محمد البلاط

انت عارف يحصل ايه - بقلم محمد البلاط

 

انت عارف يحصل ايه
----------------------

حبة حبة بالمحبة راح تشوفه تستخبى
يا تصوم العمر كله ياتشوفلك اى غربة

وعشان تحلف عليه يبقى تدفع الجنيه
ولو كلامك فيه مسبة انت عارف يحصل ايه

لا انت اكبر من اللى قبلك ولا راح ينفعك اهلك
ولو تطول فى كلامك اضمن انك راح تهلك

مش عشانى عشان حبيبتك اللى ليا نصيب فيها
ولا صعب صعب انك بالمساهمة تراضيها

اعتبرها من كيانك ولا بنت من ولادك
راح تسيبها النار تصيبها ولا بالمال تراعيها

مش عشانى طلبت منك ولو فى مقدورى هجيبلك
دا انت عين من عيونى واعتبرنى كمان ابنك

اعتبرها يا سيدى لقمة بنقصها فى الرغيف
وكفاية علينا تخمة بدون علاج تبقى خفيف

لا هتتعب وانت ماشى ولا تحتاج لكراسى
دا انت منا وبردو راسى مش علينا جاى ضيف

حبة حبة بالمحبة راح تشوفه تستخبى
يا تصوم العمر كله ياتشوفلك اى غربة

وعشان تحلف عليه يبقى تدفع الجنيه
ولو كلامك فيه مسبة انت عارف يحصل ايه

بقلم محمد البلاط

اقتل الخوف بوقوفك - بقلم محمد البلاط

 اقتل الخوف بوقوفك

خلى كل الناس تشوفك
وانطق وقول الكلام
اللى هيريح ضميرك

ومتسومش على حقك
اللى ليك من يوم ما خلقك
يبقى ايه البيه عشان
يسرقك ويدوس رقبتك

ولو فى فكره انه اللى سايق
قولو لا دا انتا اللى سارق
وعدل الله انى احاكمك
والشهود كل الخلايق

قتل قتلت وبعت
ولبيوت الله هدمت
وافتريت وذاد ظلمك
والنهاردة فيه خسأت

والحدود حددها الله
بدون ظلم او مذلة
واللى فى يوم ظلمته
حقه لازم ليه يرد

عين بعين ودن بودن
ولو ليه دم يبقى قتل
والقاضى اللى هيحكم
مش هينفع وياه فتل

كل واحد ليه حقه
وبايده يخده وعدل
فى الماضى انت قتله
وحبسته ويا سطل

وحرمته يشوف عياله
وفيه منكم كثير هانه
وحرمتوه من زيارته
واتأمرتو والكل خانه

والحدود حددها الله
بدون ظلم او مذلة
واللى فى يوم ظلمته
حقه لازم ليه يرد

اقتل الخوف بوقوفك
خلى كل الناس تشوفك
وانطق وقول الكلام
اللى هيريح ضميرك

ومتسومش على حقك
اللى ليك من يوم ما خلقك
يبقى ايه البيه عشان
يسرقك ويدوس رقبتك

بقلم محمد البلاط

عمر الشوق ما هيلعب بيا - بقلم محمد البلاط

 عمر الشوق ما هيلعب بيا

ولا هسمحله ان يعزبنى
قلبى خلاص هيكون فى ايديا
وعمره ما يبعد ولا هيسيبنى
اتعلم ازاى بقى يخدع
ويلاعب الناس على اصبع
واللى هيرحل يرحل يرحل
لو حتى من غير ما يودع

علمتوه واتعلم منكم
بعد ما جض من عمايلكم
فهم ازاى يقدر يلاعبكم
باللى يزعل واللى بيوجع

علمتوه معدش يسامح
ولا يزعل ابدا على الرايح
ولايتألم ولا يتكلم
لومجروح ودمه دا سايح

اجبرتوه يبعد ويسيبكم
ولا يهتم يوم بفرحكم
وعشان كدا فى حزنكم انسوه
علمتوه علمتوه

علمتوه واتعلم منكم
بعد ما جض من عمايلكم
فهم ازاى يقدر يلاعبكم
باللى يزعل واللى بيوجع

قلبى خلاص هيكون فى ايديا
وعمره ما يبعد ولا هيسيبنى
اتعلم ازاى بقى يخدع
ويلاعب الناس على اصبع

عمر الشوق ما هيلعب بيا
ولا هسمحله ان يعزبنى
ولا هسمحلو انو يعزبنى
بقلم محمد البلاط

اتعلم مرة تقسى - بقلم محمد البلاط

 اتعلم مرة تقسى

----------------

انسى يا قلبى انسى اللى فاكرهم حبايبك
واتعلم مرة تقسى على الى باعك وظلمك
مش كنت بتجاملهم وبالحسنى بتعاملهم
ادى اخر المجاملة وياما لسة تشوف منهم
حظرتك ياما ياما وشوفت بعينى الخيانة
واتعرضت لملامة وضيعك عشمهم
برخيص اهم بعوك وسط الطريق سبوك
لا كملت معاهم ولا حتى اشتروك
ياما لسة تشوف منهم اللى انت بتجاملهم
وفاكرهم دول حبايبك وشريهم وبعوك
انسى يا قلبى انسى اللى فاكرهم حبايبك
واتعلم مرة تقسى على الى باعك وظلمك

بقلم محمد البلاط

امشى فى ظل الخوف - بقلم محمد البلاط

 

امشى فى ظل الخوف
وادارى من نفسك
وكون فى اخر صف
وخبى فيك يأسك
يمكن فى يوم تشوف
بين الحظوظ حظك
وان تهت بين الناس
ومات فيك الأحساس
متقولش يبقى خلاص
وتدوس على درسك
خليك صبور وشيل
على اكتافك حمول
وان دارت الدنيا
وياها لف ودور
واوعى يجيك ثانية
فيها تنخ تميل
زمن اللى مش عارف
هو اللى بقى كاشف
واللى معاه دليل
تايه ومش شايف
امشى فى ظل الخوف
وادارى من نفسك
وكون فى اخر صف
وخبى فيك يأسك

بقلم محمد البلاط

كان لازم انا ابعد عنك - بقلم محمد البلاط

 كان لازم انا ابعد عنك

----------------------

علمنى الغدر وسوء ظنك
انا اكره ايام ماعرفتك
وعشان ارتاح من افعالك
كان لازم انا ابعد عنك

من القسوة تعبت كثير ياما
من بعد ما كنت انا عشمانة
راح الاقى فى قلبك حنية
وطلعت الاخر غلطانة

لا بندمى هرجع الماضى
ولا هقدر اشوفه شىء عادى
ولا عمره هيرتاح فؤادى
الا اما انسالك افعالك

وان نسى العقل ورضى قلبى
وادير من حالة لحالة
وحاولت اتناسى واخبى
القلب فيه الف علامة

علمنى الغدر وسوء ظنك
انا اكره ايام ماعرفتك
وعشان ارتاح من افعالك
كان لازم انا ابعد عنك
كان لازم انا ابعد عنك

بقلم محمد البلاط

بتحمى مين يا ابن الفقير - بقلم محمدالبلاط

 

بتحمى مين
----------

بتحمى مين يا ابن الفقير يا اكلها بالذل وعليل
لا لاقى لقمة كويسة ولا فرشة يفرشها سرير
فرحان بسلطة ومريسة على ناس غلابة متدهوسة
مش لقيا لقمتها اللى حاف و لا بالتراب متغمسة
بتحمىيها بسوق الخضار للست خدام بالنهار
رايح وجاى المدرسة مرضع وداده للصغار
وتقولى بحمى الوطن والشعب على كتفك ركن
وانت اللى بتهد العمار وانت اللى بتهد السكن
وانت اللى قاطع الطريق على الغريب والصديق
وعلى اللى تعبان وركن لعنة وحريق
بتحمى اللى مخدرك فى ساقية طور معلقك
من عز نومك اومك علشان تحمى العفن
بتحمى ولا مرتشى بتحمى مين يا ابن الفقير
يا واكلها بالذل وشقى مش عيب عليك و تختشى
ولا الكرامة بعتها بجزمة ميرى لبستها
وعشان متدفعش ثمن بلدك رخيصة خنتها
بتحمى ناس داسو بالمداس على تاريخها ومجدها
بكرة هتندم على اللى فات وتركن فى جنب من سكات
وتطلب من الله يرحمك او منها تخرج بالممات
شوف اللى قبلك من الكبار واسأل عليهم راحو فين
ولا البعيد اصلا حمار القلب اعمى و العنين
بتحمى مين يا ابن الفقير يا اكلها بالذل وشقى
بتحمى مين

بقلم محمد البلاط

هنيالك - بقلم محمد البلاط

هنيالك
-------

انا وانتا والماضى
وقصة شوق كتبنها
كانت فى الحب شىء عادى
وناس كثير سمعها
ليه جاى اليىوم تقاضى
فى قصة خلاص طوينها
وقلبك كان بيها راضى
وانا اللى رضيت انساها

من القسوة ومن هجرك
ومن ظلمك ومن بعدك
ومن رفضك ومن صدك
ومن كثر المحايلة فيك
خلاص بعتك ونسيتها
ورافضة تانى سيرتها

وجاى اليوم تقاضى
ومعتبره دا شىء عادى
وبتجدد فى شىء مهدود
ملوش وجود وفى الفاضى

منين يعود منين يعود
وانا نفسى بقيت مفقود
على الذكرى عيش ايامك
وانسى بكرة يبقالك
فى قلبى مكان من تانى
وانسانى وهنيالك
هنيالك

بقلم محمد البلاط

 

غريبة سطور قاموسى - بقلم محمد البلاط

غريبه سطور قاموسى
------------------------

غريبه سطور قاموسى
بتحكى المثاليه
وناسيه حتى احساسى
حروف من نار تأكل فيا

وألف فكرة فى راسى
ولو انطقها بالسانى
قاموسكم يحكى شىء تانى
بيحكى حكاية مش ليا
لأنثى مصنوعة من صخر
بيشغلها الذهب والمهر

انا فى الحب جنيه
قاموسها تعلمه هي
ولا راجل بيفهمها
ولا قاموس يترجمها
ونار شوقها ما تطفي
ولا من العشق تتصفى
حروفها عجزت قواميس
ما يفهمها ولا ابليس

وانا فى الحب جنيه
شباكى غزلها معقود
بريح من مسك وريح من عود
سطورها بقلم مرصود
حروفها ماس وحنيه
وبروازها سياج ورود

انا فى الحب جنيه
و تفكيرى ساكن راسى
يلملم كل حواسى
بكلمة شوق وحنيه
وكلمة حب لو بالكذب
تتوه حروفى فى عنيه
واسلم كل ما املك
وأملكك قلبى وعنيه
وجلدى يدوب كما المايه
بلمسه رقيقه ترعشنى
تنعنشنى تبرد اصابع ايديا
تقيد النار فى جسمى
يزوغ هيامى فى عنيه

واقراء كل قاموسى
بأحساسى
اتوه فى دنيتى التانيه
ومن عينى هتقرانى
ورغم انى جنيه
اعود للطابع الانسى
اعيشك وتعيش فيا
عجيب قاموسى فى قرأته
حروفه تشوفها فى عنيه
انا فى الحب جنية
وغريبة سطور قاموسى

بقلم محمد البلاط

الجمال صنع الاله - بقلم محمد البلاط

الجمال جيباه منين
-------------------
🧒 الجمال اللى فى عنيكى
وبايديكى بترسميه
كحل من مسك وعنبر
بريش طاوس بتحدديه
سجن لقلبى اللى فكر
يوم تحنى وتسجنيه
مرة ترضيه بنظرة
والف مرة تذبحيه
فى الخطاوى ليكى خطوة
وكنت ناوى اشوفلى فتوة
بالسماح امشى وراكى
اصل خلخالك ليه سطوة
الجمال جيباه منين
وكنتى فين وانا فين
العمى دا كان فى قلبى
ولا كان فى العنين
مش قادر من اللهو اخبى
ولا عارف انا فين
واللى عارفه ان قلبى
حن ليكى بميت يمين
الجمال جيباه منين

👩‍🦰 مالك انت ومال عينى
وايه اللى شاغلك بالخطاوى
مسكين وجاى فى طريقى
ولا تلميذ وهاوى

الجمال صنع الاله
لا بمال ولا بجاه
اطلب انت انه يرضى
وتنول بس رضاه

نظرتى ليك معاتبة
مش مشاغلة او موافقة
ولا كنت ناوية انى
اعمل قلبى ليك عزبة

انت تلميذ وفاضى
ولا عن فعلك دا راضى
ولا موهوم ووهمك
حسسك بالامر عادى

الجمال صنع الاله
لا بمال ولا بجاه
اطلب انت انه يرضى
وتنول بس رضاه
وتنول بس رضاه

بقلم محمد البلاط

حدد قولى نهايتك ايه - بقلم محمد البلاط

حدد قولى نهايتك ايه
--------------------

ليه بتتعبنى وتغلبني
بين ان انتا بايع او شارى
انا مش كنت اللى انتا هويها
وبتتمنى تسكن جارى

ليه اليوم منى بتتهرب
مره تغيب ومرة تقرب
ولا عاملنى ليك سليوة
وبترميها وقت ما تتعتب

ليه بتتعبنى وتغلبنى
ولما بصارحك انت بتكذب
واخد ايه من شغلت بالى
وليه بتشمت فى عزالى

شاغل قلبى وقلبك خالى
ولما بعاتبك منى بتهرب
ليه بتتعبنى وتغلبني
بين ان انتا بايع او شارى

حدد قولى نهايتك ايه
وليه بتمالط ويايا ليه
انت بايعنى ولا شارينى
ولا شىء بتلعب بيه

ليه اليوم منى بتتهرب
ومره تغيب ومرة تقرب
ولا عاملنى ليك سليوة
وبترميها وقت ما تتعتب

حدد قولى نهايتك ايه

بقلم محمد البلاط

القصاص ههيكون مهرى - بقلم محمد البلاط

القصاص هيكون مهرى
----------------------

رغم ظلمى ورغم قهرى
وقتل ابويا وكسر ظهرى
راضية بقدر الاله
والقصاص هيكون مهرى

رابعة عهد ومنسهوش
مهما قالو فيه الجحوش
اللى فاكرينها دى غابة
وهما فيها الوحوش

عارفة ابويا لسة عايش
عند الله وممتش
عهد منه ووعد الله
الشهيد حى وممتش

ريحته مسك ويا عنبر
والتاريخ عنه هيذكر
انه مرضيش بالمذلة
الا لله وكبر

رغم ظلمى ورغم قهرى
وقتل ابويا وكسر ظهرى
راضية بقدر الاله
والقصاص هيكون مهرى

بقلم محمد البلاط

كنت بصور اسود فاتح - بقلم محمد البلاط

كنت بصور اسود فاتح
طلع الاسود غامق خالص
اسم مسمى وكنت انا شمة
ان القصة كبيرة ولمة
فيها المخرج اللى بيخرج
كل مسلسل وفيه فالح
ومعاه عمة النطع الرمة
واللى لبسها شعب وحارس
ويا ريت جت على وجهة بيتى
كنت سكت وقولت خلاص
قطعو يومها عيشى وقوتى
واتكسر في الوجهة ازاز
والعاملات فيهم اللى اتجرح
فى الاكتاف والعين والراس
فيهم اللى محتاجة تروح
وانا مملكش حق الجاز
على مين هعتب
ومين راح اسامح
طلع الاسود غامق خالص
اسم مسمى وكنت انا شمة
ان القصة كبيرة ولمة
فيها المخرج اللى بيخرج
كل مسلسل وفيه فالح
ومعاه عمة النطع الرمة
واللى لبسها شعب وحارس

بقلم محمد البلاط

زلزليها زلزلة - بقلم محمد البلاط

زلزليها زلزلة

---------------

مهزلة اااااه مهزلة
كل حاوى بجلجلة
بالكلاب بيحكموكى
فى الحياة توهوكى
بين جلا وجلا وجلا

لملمى جراحك وقومى
من سباتك وانهضى
اقتلى جواكى خوفك
صدى كل معتدى

اللى خانك واللى باعك
كله معروف اصمدى

انتهى زمن المزلة
ارفعى لمجدك مسلة
اكتبى العهد اللى فات
من سكات كان سببه علة

النهاردة لله عودى
طولى ليه السجود
هو صاحب الوجود
وليه وحده اعبدى

لملمى جرحك وقومى
من سباتك وانهضى

انسى كل المشاكل
للعزيمة وحدى
اعزلى كل اللى فاكر
للعدو يكون مرشد

انسى سيكس وانسى بيكو
واللى فرضينو عليكى
قوتك فى ايد شبابك
ولله وحده مجدى

مهزلة اااااه مهزلة
كل حاوى بجلجلة
بالكلاب بيحكموكى
فى الحياة توهوكى
بين جلا وجلا وجلا

مهزلة ااااه مهزلة
قومى وانسى العواطف
وزلزبيها زلزلة
زلزليها زلزلة

بقلم محمد البلاط

من نهضة انهضة يا مصرين - بقلم محمد البلاط

من نهضة لنهضة يا مصرين
خليكو مسكين فى احبال الشوق
خليكو فاكرين ان السلاطين
مجبتش تاريخ من تحت لفوق
ودليل كلامى اهو قدامى
ومنايا ادوسه باقدامى
اصل اللى عمل لينا النهضة
اكبر نصاب وحرامى
خليكو شاهدين خليكو شاهدين

اتباع تاريخنا واتوزع
وكلاب بحقه بتبرطع
وشيوخ المنصر نحتتلك
اللى اجمل منه والاجدع

من نهضة لنهضة بنتقدم
وللخلف بسرعة وللاقدم
من نهضة لنهضة يا مصرين
خليكو مسكين فى احبال الشوق
خليكو مسكين فى احبال الشوق

بقلم محمد البلاط

الكرونا لناس وناس - بقلم محمد البلاط

الكرونا
ليها ناس
ناس وناس
وناس وناس
واللى عارف الزيتونة
يقفل الباب وخلاص
واللى مش فاهم وعايش
ركبلو جرس نحاس

الكرونا لناس وناس
للى بيصلى وصايم
واللى ليله فيه قايم
واللى يعبد ولا يسجد
يبقى يومه فى زفت عايم

واللى رقاص وفلاتى
واللى فى حفلة ليلاتى
واللى سكران وتايه
يمشى فى الزحمة وعادى

المساجد قفلوها
لجل ما يرضى الشيطان
وبلاد بيدمروها
لجل ما يفضى المكان
واللى مش فاهم وعايش
ركبوله زيل حصان

رغم تمهيد الابالسة
والدجل والكذب ياما
والخداع اصبح ممارسة
والمحاربة للعمامة

وعد من الله بكارثة
على الدجل تقوم قيامة
يظهر اللى راح يخدها
لشط فيه كل السلامة

واللى عارف الزيتونة
يقفل الباب وخلاص
واللى مش فاهم وعايش
ركبلو جرس نحاس

الكرونا لناس وناس
الكرونا لناس وناس

بقلم محمد البلاط

اكتبلى جواب وطمنى - بقلم محمد البلاط

كتبلى جواب وطمنى
---------------------

اكتبلى جواب وطمنى انك منسيتش وفاكرنى
دا انا قلبى بيتألم بعدك وتعبت بين شكى وظنى

اكتبلى جواب وطمنى غربة سرقاك ولا هجرنى
واصبر على بعدك واستناك ولا انسى العشم اللى قتلنى

عرفنى ان فى قلبك ليا لسة باقى من الحنية
وان جيت لحدك وقصدتك هتقولى فى قلبى وفى عنية

واكتبلى جواب وطمنى

انا لسة بحبك وحنينى ساكن فى القلب وفى عينى
وبتلومنى الناس على طول صبرى وعشمى بيقولى راح تجينى

انا لسة حنينى سكن فيا ودموع العين على بعدك
بايت على الخد وفى عنيه والقلب عشمان بجوارك

اكتبلى جواب وطمنى انك منسيتش وفاكرنى
دا انا قلبى بيتألم بعدك وتعبت بين شكى وظنى

اكتبلى جواب وطمنى

عرفنى ان فى قلبك ليا لسة باقى من الحنية
وان جيت لحدك وقصدت هتقولى فى قلبى وفى عنية

اكتبلى جواب وطمنى

بقلم محمد البلاط

اكتبو فى دينكم رثاء - بقلم محمد البلاط

اكتبو فى دينكم رثاء
--------------------

بين وباء وداء وماء
ابتلينا بالغباء
واللى تمتمها علينا
محبوس حتى الغناء
واللى يشكى يوم بهمه
واللى ينطقها بفمه
واللى قلمه يخط عنه
واللى يكتب فيه رثاء
كله ممنوع من الكلام
واتفرض عليه الصيام
واللى مسموح لك تخطه
اللى ما يخص العوام
مين اللى قال ان الثقافة
كلمة خاصة بالهيافة
واتنزع منها النظافة
واتحصر فيها النظام
يا بغزل يا بشكر واجب
يا تمجد فى اللى راكب
يا تشوف كل المصايب
وتقول كله تمام
مين اللى قال ان الثقافة
والادب بس احترام
مين اللى فال ان الثقافة
محصورة لربط الحزام
مين الى قال ان الثقافة
تعمى عينك عن الهيافة
والحياة تبقى كنافة
والزبيب ممنوع حرام
بين وباء وداء وماء
ابتلينا بالغباء
واللى فاهم كل حاجة
فى زمنا الاغبياء

اكتبو فى دينكم رثاء
اكتبو فى دينكم رثاء
بقلم محمد البلاط

مش معيوب يا زمان ولا عيبك - بقلم محمد البلاط

مش معيوب يا زمان ولا عيبك
----------------------------

لو سألونى عليك يا زمان
مش راح اقول اسى ولا ظالم
دا اللى ظلمنى منى وهان
دمعى عليه وحزنى وكاتم

يومك هو اليوم وطبعه
لا بيتغير ولا بيدور
شمس وقمر الليل بيتابعه
وبعد الظلمة بنلقى النور

والاوجاع بنشوفها تجينا
من احبابنا ومن اهلينا
واللى عطيه المولى وراضى
واللى بيقطع بالسكينة

مش معيوب يا زمان ولا عيبك
سيبك منهم خالص سيبك
كل الناس عيشين ايامك
ودى الاعبهم مش الاعيبك

لما تشوف غلبان مش لاقى
وناس للمال عاملة سواقى
ويتم دمعه فى عينه بيبكى
ولله بيشكى ومهش لاقى

ويومك هو اليوم وطبعه
لا بيتغير ولا بيدور
شمس وقمر الليل بيتابعه
وبعد الظلمة بنلقى النور

لو سألونى عليك يا زمان
مش راح اقول اسى ولا ظالم
دا اللى ظلمنى منى وهان
دمعى عليه وحزنى وكاتم

مش معيوب يا زمان ولا عيبك
مش معيوب يا زمان ولا عيبك

بقلم محمد البلاط

تعبنا وتعبت ايامنا - بقلم محمد البلاط

تعبنا وتعبت ايامنا
وطال الانتظار بينا
لا دق جارعلى بابنا
ولا فكر حد يجينا
وجارت علينا الايام
ما حد جيه يواسينا
وشربنا الصبر مر وخام
وجربنا ما خلينا

لحد امتى راح نصبر
وامتى من الأسى نعبر
ونوصل شط فيه راحة
يكون من اللى احنا فيه افضل
تعبنا وتعبت ايامنا
وطال الانتظار بينا
لا دق جار على بابنا
ولا فكر حد يجينا

هننسى الدنيا ننساها
وننسى ناسها وياها
ولو على الشمس ونورها
نعيش فى ظلمة وبلاها
نشوف الناس واعمالها
ونتعب نفسنا بحالها
ولو تسأل تقول مالها
كلاب مسعورة تلقها

زمن الكذب والخدعة
وماشية فيه البدعة
وعايش فيه النصاب
ومشهور وليه سمعة
وحق المظلوم لو غاب
بيشرب بالكسات عزاب
ولو راح يشكى للقاضى
بيلقى حظه دا فاضى
ومقفول فى وشه الباب

هننسى الدنيا ننساها
وننسى ناسها وياها
ولو على الشمس ونورها
نعيش فى ظلمة وبلاها
نعيش فى ظلمة وبلاها

بقلم محمد البلاط

لو قلبك كان فيه حنية - بقلم محمد البلاط

لو قلبك كان فيه حنية

-------------------

غلبنى الشوق وغلبنى
غلبنى هواك
ولا منك بتقول هتسيبنى
ولا شايفة رضاك
بين اه ولا انا محتارة
وبلف من حارة لحارة
ولا شايفة لودك دا امارة
ولا عارفة انساك

وغلبنى الشوق وغلبنى
غلبنى هواك

لو قلبك كان فيه حنية
وسالت لو مرة عليا
كان قلبى اطمن لرجوعك
ومش هشغل نفسى بموضوعك
ايه سر البعد والقسوة وايه سر قساك

مشغول بغيرنا ونسينا ؟؟؟؟
ولا انت اللى بتلعب بينا؟؟؟
وعايز تتاكد وتاكد
ان احنا اللى عليك اسينا

مش لاقى حجة تتحجج
وعلى كلمة منا بتتلكك
ان كان الود اللى مابينا
احبله عتت واتفكك

رسينا على برك رسينا
وبلاش تتعبنا وتسقينا
من مر القسوة وتشكك
فى قلوبنا وفى سر هوانا

لو قلبك كان فيه حنية

بقلم محمد البلاط

البيت معمول للذكر وبس
-----------------------

خليك فى صلاتك وعبادتك
ولسانك احفظه افضلك
البيت معمول للذكر وبس
موش للتغميز ولا ولا للمز
وان كنت صحيح انسان بتحس
احفظها لو مرة كرامتك
يا كبير السن ومقامك
موصلش لخطوة قدامك
مستكثر اقولها فى غيابك
ولا عايز بالعيبة اصدك
سيبنالكم المسجد والحتة
وبنقفل بابنا الساعة ستة
ولا جيبنا سيرتكم مع مخلوق
ولا قولنا اكلتكم العتة
انا لامم نفسى ولسانى
ولا روحت لحد ولا جانى
ولا عايز حتى تشاركونى
فى الفرح ولا حتى احزانى
ويكفينى ان انا ابعد عنكم
والسم المعقود فى لسانكم
يا ريت تخلوه فى بيوتكم
فيه ناس منه بتعانى
البيت معمول للذكر وبس
موش للتغميز ولا ولا للمز
وان كنت صحيح انسان بتحس
احفظها لو مرة كرامتك

بقلم محمد البلاط