لمة حبايبنا فى افراحنا - بقلم محمد البلاط

لمة حبايبنا فى افراحنا
----------------------

لمة حبايبنا فى افراحنا
بتزيدنا افراح
وتطبب فى قلوبنا جراحنا
وبيهم نرتاح
ونحس ان الدنيا دى لسة
فيها حب وناس تعرف عشرة
وان كانت كبرة القشرة
قلبها تفاح
لمة حبايبنا فى افراحنا
بتزيدنا افراح
وان جانا عذول يهنينا
وفى قلبه الشر كامن لينا
مش هنأسى عليه لو يأذينا
ونقولو سماح
ويا رب الكل يكون فرحان
ولا تجعل فينا واحد تعبان
ولا تبعد خل عن خله
ولا خير على انسان دخله
واللى بيكره الناس شله
لو كان سلطان
يا حبايب جيتو انستونا
بحضوركم كثير فرحتونا
وان كان فيه بينكم اللى كراهنا
مش هنبخل ابدا بليمونة
ونهدى اعصابة بالسكر
ونقولو اقعد حبة وفكر
ان كان العيب صدر منا
اسفين يا عم وكده تشكر
وان كان العيب صدر منك
هنعاملك بردو على سنك
ان كنت كبير راح نعاتبك
وان كنت صغير هنسامحك
وبكل محبة وتراضى
وبدون محاضر وقواضى
هنرحب بيك ونقولك
لمة حبيبنا فى افراحنا
بتزيدنا افراح
وتطبب فى قلوبنا جراحنا
وبيهم نرتاح

بقلم محمد البلاط