يا بياع الضمير بمال - مقصوده ومودهة - بقلم محمد البلاط

يا بياع الضمير بمال
ويبياع الكرامة ودين
يا عابد ابليس والجان
هتبقالك كرامة منين
فاكر باللخيبة تلهينا
وبجنانك تنسينا
منين اصلك
وجيت منين
واحنا اللى فهمينك
فاكر المال هيزيدك
وهتكون فى يوم انسان
كتبت اسمك بايدك
ما بين الخلق الحيوان
قليل الاصل والمبداء
ومش عارف منين ابداء
طفولة كانت بعلة
وشلة كانت بتسرق
واقول الماضى وافتش
فى اوراقك وفيها انكش
واخلى الخلق تحتقرك
والموهوم فيك يهرش
حقيقة انت مخبيها
وناس كثير ما تدراها
وفاكر انى هنساها
واقول طنش
دا كان لو كنت متأدب
لكنك بتحاول تركب
فى مركب ناس محترمة
ملكش مكان ابد فيها
وفاكر انك الاوحد
وجان وابليس بتعبد
وبايع الضمير والدين
وللمال بقيت تسجد

بقلم محمد البلاط