عايش فيها بتعمل ايه
لو لكرامتك تاج المونيا
كنت حفظت بجد عليه
لكن يظهر فيه ناس ناس
ناس من ذهب وناس نحاس
وناس علشان القرش بتسجد
للعربجى او للكناس
ياللى كرامتك سهل تبيعها
للى يمدك لو بوجعها
ياما كثير غيرك ضيعها
علشان مال قبل ينداس
سهل تبيع الدنيا وناسك
وتعطى الظالم كل اخلاصك
علشان شهرة تهد اساسك
ويبقى ملكش اساس ولا ناس
ياللى ملكش عزيز فى الدنيا
عايش فيها بتعمل ايه
لو لكرامتك تاج المونيا
كنت حفظت بجد عليه
ليه بتورث ليه لولادك
ولأحفادك خسة وعار
فاكر راح ينفعهم مالك
او هيكونو فى يوم احرار
مش بالسهل يمسحو عارك
والباقى ليهم ذكرة مرار
واللى هيسمع عن افعالك
هيقول منه ارتاحنا وغار
لو لكرامتك تاج المونيا
كنت حفظت بجد عليه
ياللى ملكش عزيز فى الدنيا
عايش فيها بتعمل ايه
بقلم محمد البلاط
