ذكرى ايامك عايزة انسها - بقلم محمد البلاط

هات من الصبر كاسات واسقينى
واعطينى حكمة اعاملك بيها
وهتلى حنين يقدر يكفينى
وعلى الأيام اقدر انسها

ده انا من قسوة قلبك ليا
والحنية مش لقياها
وياما الدمع بات فى عنية
ذكرى ايامك عايزة انسها
طالب منى اقلب ماضى
قلبى عليه عصيان مش راضى
وبتفكرنى بجرح فى قلبى
شىء مش سهل وشىء مش عادى
هات من الصبر كاسات واسقينى
واعطينى حكمة اعاملك بيها
بعد ما ضاعت كل ايامى
وفى احلامى بتلعب بيها
هتلى حنين يقدر يكفينى
وعلى الأيام اقدر انسها
يمكن اقدر انسى جراحى
او فى البوح يكون دواها
ده انا من قسوة قلبك ليا
والحنية مش لقياها
وياما الدمع بات فى عنية
ذكرى ايامك عايزة انسها
ذكرى ايامك عايزة انسها
بقلم محمد البلاط