اشتقت كثير
وبقى التفكير سر جنونى
وبقى التفكير
بتمنى يعودوا من تانى
ويعود معاهم لى زمانى
انا حاسس بغيابهم عنى
غرقان فى بير
كان بينا الحب بيغرق
وحلاوته كانت بتشرق
وبنغرف منه وبنفرق
على الناس من زير
الحظ ظلمنا وفرقنا
وجرحنا وجرح اشواقنا
وبرغم البعد اللى فرقنا
مشتاق ليه كثير
فى العين دموعى برجعها
وبحاول بأيدى انا امسحها
وبخاف تنهيدة تفضحها
ويقولو اسير
انا صح اسير لمحبتها
وبصبر قلبى بباب بيتها
وبحاول امشى فى سكتها
جايز القى عبير
وبقلب فى الذكرى وماضى
وحزين القلب ومش راضى
وبحاول اصبر واراضى
رغم التفكير
اشتقت كثير للى فتونى
اشتقت كثير
بقلم محمد البلاط
ليست هناك تعليقات:
إرسال تعليق