بتسألنى على حالى ؟؟؟؟ - بقلم محمد البلاط

بتسألنى على حالى
وانت اللى جوايا
ومنك قلبى بيعانى
وافعالى ليك مرايا

ما حستش بنار فيا
ولا بصتش فى عنيا
ولا فكرة فى يوم تسمع
ندايا او مهاتية
وجاى تسألنى عن حالى
ماصمتى كان من يأسى
ودمع عين سيال
وجاى اليوم عشان ترسى
بتسألنى على حالى
مراكبى تايهة ما بترسى
ومش شايفة لها مرسى
وقلبك من الهوى خالى
ما تسألنيش نويت ارتاح
واضمد قلبى من اللجراح
وانسى الماضى والامه
واعتبره ده شىء وراح
ما تسألنيش
بقلم محمد البلاط

فى عينك نظرة استغراب - بقلم محمد البلاط

فى عينك نظرة استغراب
ووهم خالى من الأسباب
وخوف من اتى ومقدر
وجرح جاى من احباب

هقولهالك بدون عتاب
ما تسألنيش ليه عنى ده غاب
ودبر امرك وحالك
جالك مرسال لحد الباب
ما تهتمش ولا تحزن
وسيب الامر للمالك
ولو ينادوك ما تردش
عتابهم ده صبح هالك
وعيش ايامك الحلوه
هتلقى الطريق سالك
ولو تقضيها بالغنوى
يذيد الحسن فى جمالك
بأيدك اغزل الفرحة
وعيد من الزمن ماضى
وانسى القسوة الجارحة
وبطفولتك تكون راضى
وعيشها وجدد ايامها
ومهما تكون الامها
هيبقى القلب ده فاضى
وبيها او بعدمها
هتبقى مرتاح وراضى
لا يتحكم ولا يأمر
ولا يعمل عليك قاضى
وما تهتمش ولا تحزن
وسيب الامر للمالك
ولو ينادوك ما تردش
عتابهم ده صبح هالك
بقلم ممد البلاط

ليه زرعت الشوك بينا وبينهم - بقلم محمد البلاط

ليه زرعت الشوك بينا وبينهم
مش كافى عليك مجننهم
كثرة الاعيبك وياهم
بالغدر قسيت وظالمهم

الدين مردود مردود مردود
من غير ما تحدد اى وعود
العاصى بيتجازى بذنبه
وده امر من الله علينا مفروض
انظر بعنيك كده من حولك
لا هنافقك ولا عمرى هجاملك
الغضب اللى بيحصد فينا
سببه من طوعك وعمايلك
يا مغلى النعمة اللى وهبها
رب العالمين ومسببها
ما تقولى ايه راح يفيدك
لما بأيديك منا سلبها
صدقت كلامك فى الماضى
وعليه بصمت وانا راضى
ما عرفتش غلطى اللى غلطه
الا لما حكم سيدنا القاضى
بالحكم رضيت وحنيت راسى
ولله هجدد اخلاصى
من يوم ما عرفتك وانا عاصى
وضاع الاحساس
ليه زرعت الشوك بينا وبينهم
مش كافى عليك مجننهم
كثرة الاعيبك وياهم
بالغدر قسيت وظالمهم
بقلم محمد البلاط

اياك يا مجامل تتجامل بحقوق الغير - بقلم محمد البلاط

اياك يا مجامل تتجامل
بحقوق الغير
وبلاش مع سلطان تتعامل
ولا حتى امير
وتفكر تلعب الاعيبك
وتحس ان الكون ده نصيبك
وبقيت سليمان تحكم على الطير

اياك تقلل من قيمتك
وتبيع بالمنصب لكرامتك
مكتوبلك اللى مكتوبلك
لو تبعد عنه هيوصلك
وان كان الرزق ده من حظك
احفظها وبردو هيوصلك
من غير ما تظلم ولا تذوير
اياك يا مجامل تجامل
بحقوق الغير
بقلم محمد البلاط

يا بلدنا يا اجمل رقاصة - بقلم محمد البلاط

يا بلدنا يا اجمل رقاصة يا ست الكل يا بصباصة

بتحبى اللى بينهش فيكى وبتنهى شيوخك برصاصة

على قد ما وسطك بقى ديق والكل عليه بيتريق

فيه نقطة علينا بتتفرق ما يهمش لو قالو متعاصة

اااه يا ست الكل يا كيداهم اااه يا وخده الكل على قفاهم

فاكرة لحبايبك فكراهم ولأهل الشر طرداهم

حفلاتك هز وبالمغنى ومن تابعك لابد هيغنى

ظلموكى وقالو بتستغنى عن ناس كثير وسرقاهم

ما يهمش لو قالوا عليكى لو حتى فى الطين رجليكى

بنحبك ونحب ايديكى يا ست الكل يا بصباصة

يا بلدنا يا اجمل رقاصة

بقلم محمد البلاط

على القهوة - بقلم محمد البلاط

على القهوة فيه ميت مشكلة
وقصص لناس متبهدلة
وكله بينفخ فى الهواء
من حاجه عنده ومعضلة

عاطل ومش لاقى الهوا
ومريض مفيش ثمن الدوا
وناس ايدها بتنكوى
من فحمة فوق معسلة
والقهوة ساده من الألم
وصبى لتأخيره اتشتم
علشان رزقه بيتكتم
وقابل يكون المسخرة
ومعلمين كده وكده
منظر وهيئة وبغدده
قابلين قدرهم بالرضى
الكل من الدين استوى
وناس كثير بتنتظر
لناس وهى بتتعصر
قاعدين على كرسى القلق
خايفين قلوبهم تتكسر
وقليل ناس من الفخفخه
تايهين براس مدروخة
بيتعاطو شىء ينسو النكد
وناس كيفها السروخة
على القهوة تلقى العجب
ولو سألت على السبب
تلقى البداية مشكلة
وصلت بيهم حد الغضب
على القهوة فيه ميت مشكلة
وقصص لناس متبهدلة
وكله بينفخ فى الهواء
من حاجه عنده ومعضلة
بقلم محمد البلاط

لا انا ذى ده ولا ذى ده - بقلم محمد البلاط

عايزينى مش محتاج مكان
وهى الأصول بتقول كده
ولو تطردونى وعليكم هان
لا انا ذى ده ولا ذى ده

هقبلها وامشى من سكات
وبعدى هيكون بالرضى
ومقبلش دمعة من العياط
من بهدلتكم من العدا
خايف عليكم من الندم
ومن كلاب وعربده
انا واهلى لكم خدم
ومقفلين المصيده
معقول افرط فى الوطن
واترك مناصب للرمم
او اجيب حد من الخدم
علشان يدافع عنكم
مش سهل اسيبها لو الرطم
بقع حيطانها واتهدم
اكبر ضريح لملوك زمان
وفرقوا حجارة الهرم
ولو تطردونى وعليكم هان
لا انا ذى ده ولا ذى ده
هقبلها وامشى بالرضى
بقلم محمد البلاط

تاه الكيل من الكيال - بقلم محمد البلاط

ما تفكرش ولا تتعبش
وما تشغلش البال بالأتى
لما الحظ بيجى يا صحبى
يبقى الأعمى اصح ساعاتى

شوفت القرد سايق طيارة
والقرداتى ليه خدام
والنصاب كبير فى حارة
وبنضربله الف سلام
شوفت كلام من غير كلام
شوفت الطفل المولود عام
شوفت غفير فى عز الزحمة
ساب الخدمة يا عم ونام
ما تفكرش ولا تتعبش
وما تشغلش فى يوم البال
بعد ما رقو فيها الجحش
وتاه الكيل من الكيال
ما تفكرش يا صحبى وتتعب
لسه الجاى اتعب واتعب
بس العقل منا ده غيب
كله بيجرى ورا الدجال
ما تفكرش ولا تتعبش
وما تشغلش البال بالأتى
لما الحظ بيجى يا صحبى
يبقى الأعمى اصح ساعاتى
محمد البلاط

صارحنى وقول انا ولهان - بقلم محمد البلاط

صارحنى وقول انا ولهان
وقلبى فى الهوى دايب
ما انا ذيك كثير تعبان
وخايف اقولها وهايب

ما تيجى نحكى اوجاعنا
بدون ما حد يسمعنا
جايز نفهم ايه المعنى
ويطلع صمتنا العايب
صارح مجروح بجرحك
هيسمع ليك ويصارحك
ولو فى ايديه دوا يداويك
يرجع ليك تانى فرحك
صارحنى وقول انا ولهان
وقلبى فى الهوى دايب
ما انا ذيك كثير تعبان
وخايف اقولها وهايب
بقلم محمد البلاط

يا رقة الاحساس - بقلم محمد البلاط

يا رقة الاحساس حنى فى يوم على ناس
وطبطبى ورقى وداعبى شعر الراس

ولليتيم حبيه وفى حضنك ابقى خديه
فى الدنيا مين باقى ليه غير انتى وربى
يا رقة صاحبيهم وصبحى ببسمة
ومرى فى مساهم هتمر الازمة
الحظ وياهم ما كنش ليه لزمة
الجوع عشاهم وداقت الجزمة
يا رقة الاحساس حنى فى يوم على ناس
وطبطبى ورقى وداعبى شعر الراس
بقلم محمد البلاط

عايزه ايه يا دنيا منى - بقلم محمد البلاط

عايزه ايه ؟؟؟؟
عايزه ايه يا دنيا منى ؟؟؟؟؟
عايزه ايه ؟؟؟؟
بالقسى كبرتى سنى
قد ايه ؟؟؟؟
حلى عنى وريحينى
يا تسبينى
تسيبى ليه ؟؟؟؟
اللى بينى وبينك انتى
قد ايه ؟؟؟؟
ايه اللى خدته منك انتى
وخدته ليه ؟؟؟؟
غير قسية وظلمك انتى
ذنبى ايه ؟؟؟؟
اتولدت ذى ناس
ليا اهل ولى اساس
بس ليه ضاع الحماس ؟؟؟؟
لما وصلت حد عندى
الفرح مستخصراه
غاوية ليه يا دنيا عندى ؟؟؟؟
لفة هم وجيبهولى
موصلاه لحد عندى
عايزه ايه يا دنيا منى ؟؟؟؟
عايزه ايه ؟؟؟؟؟
عايزه ايه ؟؟؟؟
بقلم محمد البلاطعايزه ايه يا دنيا منى

وهم البتاع - بقلم محمد البلاط

ضاع اللى ضاع
وبقى البتاع بيهمنا
رغم انه عايش الضياع
وهمنا يوم هيكون لنا

وفينا اللى لسه ليه امل
وفينا اللى خالى من العمل
وفينا اللى كاره دنيته
وفينا اللى نفسه يتجبر
لكن الخبر فى عمته
ورسالة شفها وصلته
ان اللى جاى وصفته
بلون احمر معتبر
وعليه لازم نصتبر
صاحب جلالة وجلجلة
وبصيرة صلب مأصلة
بين الأمة ليه مقام
وليه كرامة مبجلة
فى حضوره يسكت الكلام
وعين الجميع مكسرة
مش قولنا عليه السلام
هو البتاع والمقصلة
ضاع اللى ضاع
وبقى البتاع بيهمنا
رغم انه عايش فى الضياع
وهمنا يوم هيكون لنا
بقلم محمد البلاط

انا حسه بيك - بقلم محمد البلاط

انا حسه بيك انا حسه بيك
وروحى دايما بتنديك
وسمعة صوتك بينادنى
وحسه ان روحى فيك
انا بين ايديك انا بين ايديك
وفى الهوى انا ملك ليك
انت اللى بلسم والدوا
وبنظرة واحدة من عنيك
قلبى العليل اللى اتكوى
طايع لأمرك مش عصيك
صبنى الجوى ملهوفة ليك
وادعى على اللى اسمه النوى
وانا عارفه قلبك ده نوى
يواسى قلبى حسة بيك
رغم البعاد انت الدوا
وعارفة انى الدوا ليك
ما احنا اتولدنا لبعضنا
انت اللى ليا وانا ليك
انا حسه بيك انا حسه بيك
وروحى دايما بتنديك
وروحى دايما بتنديك
بقلم محمد البلاط

من امتى الاخوات كانو اعداء - بقلم محمد البلاط

من امتى الاخوات كانو اعداء
والكره الداء اللى فصلهم
بشوية نفاق وشوية رياء
ابليس بجنوده دخل بينهم

وابو ذيل لابو قرن مسلملو
يسمع وساويسه وحكياته
وفى حبل ودانه مطوله
غضبلو مراته وولاده
والجحش مطاوع ما اتعلم
علشان برسيم لودانه سلم
وان بارت الارض وملقاش
يقعد مكتوم وما يتكلم
وساويس وساويس
من جند ابليس
والجد رائيس
فينا بيهدم
وابو ذيل مسلم فى ودانه
والجحش مطاوع ما اتعلم
وابليس بجنده واعوانه
بيدمر فينا وبيهدم
من امتى الاخوات كانو اعداء
والكره الداء اللى فصلهم
بشوية نفاق وشوية رياق
ابليس بجنوده دخل بينهم
بقلم محمد البلاط

ظنى فى الخلق خيب - بقلم محمد البلاط

ظنى فى الخلق خيب ولا عدش فيه طيب
على المستقيم يعيب الواطى واللائيم
انا شوفت بعينى ياما من الحسالة اللمامه
غراب يخطف يمامه ويقول الحظ خيب

وكلاب فى الدنيا سابت على ناس لله تابت
ولا عدش فيها رابط والحق عنها غيب
ظنى فى الخلق خيب ولا عدش فيه طيب
على المستقيم يعيب الواطى والائيم
بقلم محمد البلاط

انا كان لبى حبيب - بقلم محمد البلاط

انا كان لى حبيب بيطيب قلبى

لما اسمع صوته يكلمنى

وان ذاد الشوق غذب عنى

مرسله يجينى يطمنى

مرة ايام وانا معرفش

ليه طالت غيبته ومراجعش

وحاولت اتوصل لمكانه

مرسالى راح وموصلش

تاه منى يا ناس تاه منى

تاه منى خلاص تاه منى

كان قلبى وعقلى وفى الننى

مين يقدر عنه يطمنى

مرة ايام وانا معرفش

ليه طالت غيبته ومراجعش

وحاولت اتوصل لمكانه

مرسالى راح وموصلش

بقلم محمد البلاط

ضيعت عمرى معاك - بقلم محمد البلاط ( غنائى )

ضيعت عمرى معاك فى الوهم بستنى
لا كسبت يوم هواك ولا شوفت يوم جنة
كان ذنبى وياك ايه قلبى ليه تقسى عليه
يتمنى كل رضاك وعليه تتجنى

بوعود وكذابه كلحن ربابه
دنيا بقت غابة ومنها بنتعنى
فيها اللى كان حبيب فى لحظة صلر غريب
والعنزه صبحت ذيب والطيب اتدنى
تايه فى امر عجيب ولسه بستنى
موهوم بالألاعيب وللوهم بتمنى
وضيعت عمرى معالك فى الوهم بستنى
لا كسبت يوم هواك ولا شوفت يوم جنة
بقلم محمد البلاط

كام حمار شال الذكايب - بقلم محمد البلاط

كام حمار شال الذكايب
فوقها راكب المعلم
حظهم كان حظ خايب
ما خدوش درجة فى سلم

حتى من البرسيم ما نبهم
اللى كان مقسوم نصيبهم
الذهول خدهم وصابهم
صعب كرباج المعلم
الحمير خافت وركنت
وفى قلوبها غيظ وشتمت
قالهم دى حكاية قدمت
كله خدام للمعلم
النهيق وقف فى ذورهم
فهمو ان انتهى دورهم
كله ضاع واللى باقيلهم
قفى وعليهم معلم
بقلم محمد البلاط

ان كان على الصبر راح اصبر - بقلم محمد البلاط

ان كان على الصبر راح اصبر
ولا عمرى فى يوم هنساك
انا خوفى من الدهر ليغدر
واصحى من النوم ما القاك

ما بلاش تبعد وتسيبنا
ولا غبت عنا وغبنا
فى القلب انت اللى حبيبنا
وما نقدر يوم نسلاك
من الغربة هتاخد ايه
غير جرح لقلبى وقلبك
ليه تقسى عليا ليه
وتعزب قلبى بهجرك
ان كان على الصبر راح اصبر
ولا عمرى فى يوم هنساك
انا خوفى من الدهر ليغدر
واصحى من النوم ما القاك
بقلم محمد البلاط

اما مش هستنى انى اعاتبك - بقلم محمد البلاط

انا مش هستنى انى اعاتبك
ولا هسمع منك حكياتك
ياما مر عليا كثير منك
واتشرخت عندى اسطوناتك

بتحب الحب لمصلحتك
مش همك ان كنت جرحتك
وتقولى بسامح و انا ساكت
لو كلك عيب وبعينى شوفتك
من امتى سمحت وبتفوت
دا انا قلبى على الجرح اتعود
والهجر فى شرعك بقى سنة
ولكلمة اسف بتردد
الدفة عوجها ومتحول
من يوم ما عرفتك من الاول
وحاولت معاك ياما وطول
الكذب فى خنات يسدد
انا مش هستنى انى اعاتبك
ولا هسمع منك حكياتك
ياما مر عليا كثير منك
واتشرخت عندى اسطوناتك
بقلم محمد البلاط

ابعد عن الحب وغنيلو - بقلم محمد البلاط

ابعد عن الحب وغنيلو
وكفاية تسمع مواويله
ياما ناس من اخر احزانها
اتمنت لو خانها تجيلو

اللى ماجرحش الهوى قلبوه
عشمان من مكسب هيجيلو
ده لا حس بجرح ولا اتبلت
من الحزن بدمع مناديلو
ابعد عن الحب وغنيلو
وكفاية تسمع مواويله
ياما ناس اتمكن ااه منها
ولطوب الارض بتشكيلو
من الحب هتسهر اااه ليالى
ومن جرحو هتصرخ وتلالى
وان حن عليك ورضاك مرة
هيبيعك لو كنت الشارى
ده لا ليه كبير ولا صغير
وامور كثير فيه بتتغير
الصبح يصبح بالبسمة
وفى الليل يشوفك يدير
ابعد عن الحب وغنيلو
وكفاية تسمع مواويله
ياما ناس من اخر احزانها
اتمنت لو مشى تجيلو
ابعد عن الحب وغنيو
بقلم محمد البلاط

تستاهل اللى بيجرالك - بقلم محمد البلاط

فى هواهم وغرام سكتهم
حنيت وذادت دقاتك
ما كثير حظرتك حركاتهم
تستاهل اللى بيجرالك
خدعوك بالضحكة وبالبسمة
وقلولك انك القسمة
ما عرفتش ان العصمة
فى ايدهم حبل وخناقك
ليه بتبكى وبتندب حظك
ما كثير انا منهم حظرتك
ما طوعتش ولا مرة كلامى
وعاصتنى لانى انى بعارضك
كان خوفى عليك لتوه منى
او يخدك ريح تبعد عنى
وعاصتنى ومشيت وياهم
وتركت الهم محملنى
قولت اصبر يمكن كان على حق
راجع وجايبى جواك شق
ما حايلتك وعارضت كلامى
حنيت للقاسى ليه و بترق
فى هواهم وغرام سكتهم
حنيت وذادت دقاتك
ما كثير حظرتك حركاتهم
تستاهل اللى بيجرالك
بقلم محمد البلاط

مغرورة بشكلك وجمالك - بقلم محمد البلاط

مغرورة بشكلك وجمالك
ماكثير انا شايف امثالك
والفرق اللى لحظته مابينكم
تصميمك على الشىء وجدالك

انا صح بحبك وهويتك
وسألت كثير على باب بيتك
وحايلت البابا بألحاحى
بالوفق على طلبى فى ايدك
بالقرب عرفت انك وانك
مش سب ولا عمرى هجاملك
مغرورة بشكلك وجمالك
واتحدد فى التفكير عقلك
وده سبب انى ابعد واسيبك
مش هينفع فكرك ويايا
جايز يتقدر فى نصيبك
صاحب املاك عنده صرايا
انا فقرى وحظى على قدى
وخيالك اوسع من قدرى
راح اعيش ايامى ومين يدرى
ايه راح هيصبنى وهيصيبك
مش سب ولا عمرى هجاملك
مش هينفع فكرك ويايا
واتحدد فى التفكير عقلك
وده سبب انى ابعد واسيبك
جايز يتقدر فى نصيبك
صاحب املاك عنده صرايا
بقلم محمد البلاط