تاه الكيل من الكيال - بقلم محمد البلاط

ما تفكرش ولا تتعبش
وما تشغلش البال بالأتى
لما الحظ بيجى يا صحبى
يبقى الأعمى اصح ساعاتى

شوفت القرد سايق طيارة
والقرداتى ليه خدام
والنصاب كبير فى حارة
وبنضربله الف سلام
شوفت كلام من غير كلام
شوفت الطفل المولود عام
شوفت غفير فى عز الزحمة
ساب الخدمة يا عم ونام
ما تفكرش ولا تتعبش
وما تشغلش فى يوم البال
بعد ما رقو فيها الجحش
وتاه الكيل من الكيال
ما تفكرش يا صحبى وتتعب
لسه الجاى اتعب واتعب
بس العقل منا ده غيب
كله بيجرى ورا الدجال
ما تفكرش ولا تتعبش
وما تشغلش البال بالأتى
لما الحظ بيجى يا صحبى
يبقى الأعمى اصح ساعاتى
محمد البلاط