بعثت ليك فى مراسلى - بقلم محمد البلاط

من قد ايه وانا بترجاك وبعثت ليك فى مراسلى
انا لسه بردو بستناك وعشمى انك هتجيلى
قفلت ليه بينا اللعتاب وكل الرجاء معاك ليه خاب
حاولت ادور على اسباب مش لاقيه شىء يرسينى

مش كنت ليك كل الماضى وكنت بتقول الحاضر
عشت الليالى معاك راضى تأمر وتنهى واقول حاضر
فى لحظه اتغير حالك معرفش ايه اللى جرالك
طب ارضى الله فى افعالك وكن معايا فى يوم عادل
طب قولى ايه معنى الاخلاص لما انت بيا مش حاسس
سوقت عليك الطوب والناس وفاكر بهجرك ده شاطر
ماكنش عشمى فيك تقسى تبعد وتهجرنا وتنسى
يا ابن الحلا شوفلك مرسى من قد ايه وانا بترجاك
وبعثت ليك فى مراسيلى انا لسه بردو بستناك
وعشمى انك هتجيلى
بقلم محمد البلاط