يا كل ما ليا فى الدنيا - بقلم محمد البلاط

يا كل ما ليا فى الدنيا وكل منايا وامالى
يا نور الروح وعينيه يا كل كل احلامى
ما بيكفى ولا يوفى كلام الحب فى حبك
يا شهد مكرر مصفى يا بلسم شافى بحتاجلك

صحيح من الحب بتشكه وبتمنى اكون جنبك
ومحتاجه ولو تكه هتلقانى كده فى حضنك
انا منك وليك وبيك ولو تبعد بنادى عليك
وما يغركش لو بغضب ده غضبى معنتو بناغيك
يا كل ما ليا فى الدنيا وكل منايا وامالى
يا نور الروح وعينيه يا كل كل احلامى
انا لو فى الحياه زهره حنانك ماية ترويها
وكلمة بالرضى منك تنعنشها وتحيها
ومنغيرك وببعادك تموت تذبل ومين غيرك يداويها
وكذاب من جامل وقال تموت الورده وعابيرها
باقى ودايم محليها
مقام المهره ما بيعلى بدون سايس يراعيها
وست الكل ما تبقى بدون وصيفه تداديها
انا لو فى الحياه زهره حنانك ماية ترويها
وكلمة بالرضى منك عبيرها الباقى ليها
ما بيكفى ولا يوفى كلام الحب فى حبك
يا شهد مكرر مصفى يا بلسم شافى بحتاجلك
بقلم محمد البلاط