بتكه واحده بتصاحب - بقلم محمد البلاط

بتكه واحده بتصاحب
وتكه بتبيع الاصحاب
وفيهم اللى يتمنى يكون
يكون فعلا من الاحباب

زمن الحب فيه كذاب
وكل وعوده وهم سراب
امانه يا قلبى لا تسأل
على الحاضر ولا اللى غاب
فاتوك الاهل والجيره
وسابو بس ليك حيره
مين المخلص مين الكذاب
وصحبه شبه تعميره
زمن الحب بالوسطه
وكل كلامه بمعانده
عايش فى الدنيا وتايه
كما المسطول فى محطه
مجرد رحله هتروحها
ما بين مخاليق ما تعرفها
بتحكى وياهم سرك
وبعد ساعات ما تشوفها
ودنيا توهنا فى زحامها
تعزب ناس ما ترحمها
وناس بتعزب الدنيا
عشان عرفت دى تفهمها
بتكه واحده بتصاحب
وتكه بتبيع الاصحاب
وفيهم اللى يتمنى يكون
فعلا من الاحباب
بقلم محمد البلاط