الود طريقه اتقفل - بقلم محمد البلاط

طريق الود بينا اتقفل
.......................
عارف طريق الود ليه بينا اتقفل
علشان نسيت اللى هواك وقلبك غفل
وانا كنت بستناك ساعات
واشرب بكاس الصبر مر و اهات

لما قلولى ان انت جيت من السفر
قلبك غفل
عقلك قفل
وانا من مرار الانتظار قالوا كفر
فاكرين بان اليأس يوم راح ينتصر
وصبرت عند فى شكهم
قولت انى اقوى منهم
وعشان تميل ولا تحن
ولا تحس بمكرهم
قلبك غفل
عقلك قفل
ونسيت وتهت فى وسطهم
وكأنى كنت الغريب
وضيف وقاعد عندهم
ورجعت تانى للسفر
قلبك غفل
عقلك قفل
وده كان طريق الود بينا اللى اتقفل
قلبك غفل عقلك قفل
والود طريقه اتقفل
بقلم محمد البلاط