قول بغنى من الالم
قول جراحنا واخده روحنا
من الحياه لبحر العدم
قول ظلمنا اللى افتكرنا
انهم طب لسقم
قول ومتخبيش فى قلبك
اصل حبك كان كرم
واتخدعت فى ناس ديابه
بيعوك حتى الهرم
قول يا ريس مش كويس
شعب ينداس بالجزم
قول وعيد القول تانى
اصل فيه جزىء انانى
مستعد يبيع كرامته
وللى هانوا يقول اغانى
قول عساهم يصحوا مره
ويزرعوا بايدهم عشاهم
قول علاجكم من اللى فيكم
اصنعوا الدوا بايدكم
والسلاح اللى حاميكم
صنعوه يكون محترم
ده اللى يطلب من عدوه
يبقى مخه اتخرم
قول وفكرنا بكلامك
ياللى شعب اشتريته
بالرخيص خانك وباعك
وافتكر صدام وحبه
رغم بهدلته وغلبه
قالها للقاضى صريحه
انه قاصد بس ربه
والوطن هو اللى دايم
مهما بالشال استخبوا
قول وفكرنا بكلامك
ياللى شعب اشتريته
بالرخيص خانك وباعك
قول جراحنا
واخده روحنا
من الحياه لبحر العدم
قول ظلمنا اللى افتكرنا
انهم طب لسقم
ولو هيسألوك عنى
قول بغنى من الالم
قول بغنى من الالم
بقلم محمد البلاط
ليست هناك تعليقات:
إرسال تعليق