يا مشترى المسروق - بقلم محمد البلاط

يا مشترى المسروق
مضروبه مش فى السوق
حق الغلابه أذى
افهم كلامى وفوق

ايام قليله وبكاك
على مالك الضايع
تاجر الحرام مش ملاك
ده امرتى وصايع
بتشترى المسروق
من شله نصابه
الحق جوه السوق
مش ركن خرابه
اصحى يا عم وفوق
لقطوك عصابه
بيقلبوك بالذوق
ما هو شغل ديابه
يا مشترى المسروق
ثمن العلاج ده حرام
عمر العليل ما يفوق
لو عنده حتى ذكام
اللى بعولك خنوك
وباقي من الزمن ايام
على قفاك كرتوك
وصاحبها مش هينام
بقلم محمد البلاط