متصدقش اللى يغنيلها - بقلم محمد البلاط

 متصدقش اللى يغنيلها

ويرقص ليها على مزيكا

واللى يقول شارب من نيلها

واللى يشوف جنسية يشيلها

وقت الجد يهرب بيها

اهل السيكا والشيكا بيكا

اكثر ناس نصبو عليها

اخدو فلوسها وداسو على راسها

ولما تقول فى يوم انا عايزه

متلقاش منهم حوليها

متصدقش وشوف حكياتهم

كله خدمها وهو فى بيتهم

واخر المدة يسلم مخلة

والتوقيع ليه بالاخلا

وجيبه ما يخلا من صورة ميرى

ويعمل حفلة انه اتصورها

ويشكى الازمة فى جزمة لبسها

حس مرارها ونام ليلة بيها

وفاكر انه بصورته الحلوه

من الاعداء البيه حررها

مصر عظيمة وقلة قيمة

ندافع عنها بشغل السيما

وهزة وزه الزمر رعشها

نكشت ريشها للى غويها

بقلم محمد البلاط

جهزو للرب مذبح - بقلم محمد البلاط

 - جهزو للرب مذبح -

فين نسور الجو يا اسطى ولا عايزين منا واسطه

ولا صاحب العش نايم ولا جتلو بدرى جلطة

فين نسور الجو راحو فى المطار ولا ساحو

وكل نسر باض بيضه وحطها تحت جناحه

فين اللى وجعو كثير دماغنا على طبلة وعلى مغنة

وعرض فيه شكل الرجولة فى جثة نتنة شايلة لحمة

فين اللى كنا مربينهم وشقينا علشنهم

واشترينا لهم علفهم لجل ما تظهر قرونهم

اكتشفنا النهاردة الذكورة حاجة واردة

والانوثة فى دمهم كل دا بان فى محطة

فين المعلم ؟؟؟ لسه نايم ولا معتكف وصايم ؟؟؟

ولا جتلو بدرى جلطة وجوه بحر الوهم عايم

فاكر ان الناس خلاص خوفها من ضرب الرصاص

راح يكون ليه الخلاص من اللى مجروح وكاتم

اطلبوه يقول الحقيقة ويعترف مصر بريئه

وانه هو اللى باع ومعاه كام بتاع طمعنين فى السريقة

واسألو كل اللمامة اللى ساقو الشهامة

واكتشنا خرم فيهم موجود بدل الحمامة

جهزو للرب مذبح ووفو بالنذر لالله

عسي يقبل ولا ينفع بعد رفع المسلة

واقطعو راس الافاعى مرة واحدة بحبل شلة

وعودو لله يا خلق يكفيكم شر المذلة

- بقلم محمد البلاط -

هى موته - بقلم محمد البلاط

 

- - هى موته -

هى موته وراح نموتها بالسكوت مش راح نزيدها

جيه معادها خلاص معادها تبقى روح ومعها زادها

مش بجوع او بالمذلة او سكوت لجل علة

يا نعيشها سوى فلة يا يا نسيبها ونبقى شلة

والحساب عند الله مين حمها ومين بعها

- ومين اللى طبطب ومين وجعها -

- بقلم محمد البلاط -

اخر البخل هتاخد ايه - بقلم محمد البلاط

 - اخر البخل هتاخد ايه -

اخر البخل هتاخد ايه حطب الدنيا بتجمع فيه

لا راح يفيدك ولا هيزيدك نار جهنم قايدها بايدك

رزق الفقرا اتقسم معاك يااللى شيطانك فيه غواك

سلك ليك طريق ضلالك حتى ولادك كرهو قفاك

اجمع قد ما تجمع كوم فوت على الخلق واوعى تسلم

يمكن كلمة تقولها لجارك فيه تتورط او يتعشم

صوم وصيامك فيه عبادة واعمل منه ورد وعادة

وان محصلش حاول تتعلم وفى تعليم البخل افادة

ابخل على نفسك واولادك وغمى عنيك لو شافك جارك

والبس خيش وبلاش هدوم وقل العيش لو حتى تصوم

وابعد عن حنفية البيت لو فى البحر تروح وتعوم

وامشى كثير فى المشى افادة واجعل منه ليك رياضة

ووفر ثمن مواصلة بواصلة لو راح تتعب وتكون سوده

فن البخل اتعلم منه واياك تدفع قرش فى سنه

واى طريق راح تكسب منه خليك فيه لو حتى فيه موته

واجمع قد ما تجمع كوم فوت على الخلق واوعى تسلم

يمكن كلمة تقولها لجارك فيه تتورط او يتعشم

واخر البخل هتاخد ايه حطب الدنيا بتجمع فيه

لا راح يفيدك ولا هيزيدك نار جهنم قايدها بايدك

- بقلم محمد البلاط -

- راجعة بينا السفينة -

راجعة بينا السفينة تبتدى رحلة جديدة

رحلة اخدت منا ياما ودى راح تاخد الحديدة

رحلة فيها ولادنا ماتت والبلد فى الوهم ضاعت

واللى ضيعها وخدعها كان من البيئة الفريدة

واشتكى منا ولينا وقال غلطنا وبايدينا

والنهارة خلاص نوينا ننسى اسم عبيد وسادة

والكلاب خرجت علينا قالو لا انتا اللى لينا

وان تركت يوم مكانك يبقى موتنا وانتهينا

واللى ضيعها وباعها قالنا الفين احا

والهدوم اللى عليها بايديه اللى خلعها

وسينا ضاعت ويا غزة بوسكى سك معاه مزة

والف باشا وباشا قاعد مسطول بغنوة ورقصة

والجنود على الحدود العدو دسها وهرسها

والمقابر لسة شاهدة على التناكة والمعانده

واللى كان عامل عمدة للايادى قام وباسها

قال يا ناس خلاص تنحى

الكلاب هاجت وزاطت والنشيد الوطنى قالت

احا احا ليه تنحى والنهاردة القصة عادت

ورجعة بينا السفينة تبتدى رحلة جديدة

رحلة اخدت منا ياما ودى راح تاخد الحديدة

- بقلم محمد البلاط

 

منتظر ايه لبلد اتظلم فيها الاماره - بقلم محمد البلاط

 

- منتظر ايه لبلد اتظلم فيها الاماره

منتظر ايه لبلد كرمة اهل الدعارة

واللى لله سجد اتظلم فيها باشارة

واللى ضيعها وباعها هيصولوه و بحراره

واللى حس بوجعها وجوه منه فيه مرارة

اتقتل اما فى شارع او فى حارة او مغارة

منتظر ايه لبلد اتظلم فيها الاماره

منتظر من الرقص ايه الا قلت الكرامة

ضيعو نيلهم بايدهم وبعملهم شالو شيلة

واللى شيلهم سيبهم وبكرة هيسافر لداره

بعد ما قلب جيوبهم باحلى فكرة واشتغالة

منتظر ايه للعبيط لما فى الزفا يزيط

ولما يجى من بعيد يعرف ان ابوه اللى مات

وكان بيرقص على موته

منتظر ايه للى ظالم وجوه قلبه الحقد كاتم

وما صدق يلقى خادم يريحه بظلم العباد

منتظر للفاجر ايه لما كلب يبقى بيه

واللى عايش محترم يتظلم وينداس عليه

لملمو كل الذنوب والمعاصى طمعو فيها

لوط وعاد وثمود للشراكة اشتروها

وضيعو قوتهم وزادهم وماية الجنة اهملوها

واهتمامهم فى اللى غنى وزرع الفرقة ما بينا

وشجعو الظالم فى ظلمه لما بايديه قتلنا

منتظر ايه لبلد كرمة اهل الدعارة

واللى لله سجد اتظلم فيها باشارة

واللى ضيعها وباعها هيصولوه و بحراره

واللى حس بوجعها وجوه منه فيه مرارة

اتقتل اما فى شارع او فى حارة او مغارة

منتظر ايه لبلد اتظلم فيها الاماره

- بقلم محمد البلاط

جالنا اللى مكنش على البال - بقلم محمد البلاط

 ااااه وااااه ااااه وااااه

من اللى جرلنا وخدنا معاه

جالنا اللى مكنش على بالنا

وضيع منا كل امالنا

داس على ناس من ذهب وماس

وكسر الفاس وفضى مشنه

جاى بالنار ورصاص فى جيوبه

وظهرت منه كل عيوبه

بدا المكر وخدعه يصيبو

اللى حضرلو واللى مجاش

هم بدم وصاب الكل

فيه المسكين اتجرع ذل

بعد ما باس الراس وفاز

داس على الناس و داس على الكل

خدنا فى سكة ملهاش اخر

منها لا ترجع ولا تتاخر

كره اب فى ابنه وسافر

وغلا علينا قطن وشاش

تاجر فينا وفى اهلينا

هدم بيوت وكسر الزينه

قتل الفرح بجرح وشرد

ناس من مشفى وكانت عيانه

هد مساجد لله فيها

ساجد عابد بيحيها

داس قرانه واسمه اهانه

بكلاب كانو ومربيها

ااااه وااااه ااااه وااااه

من اللى جرلنا وخدنا معاه

جالنا اللى مكنش على بالنا

وضيع منا كل امالنا

داس على ناس من ذهب وماس

وكسر الفاس وفضى مشنه

ااااه وااااه ااااه وااااه

- بقلم محمد البلاط -