وطنى المذبوح - بقلم محمد البلاط

وطنى المذبوح
-------------

وطنى المذبوح مليان بجروح
والناس بعنيهم شيفينو
وقتلنى النوح وكثير ببوح
بستنى معايا اللى يشيلو

واطبب فيه يمكن احيه
ويعود ويقيد فى قناديله
اترينى لوهم بستنى
وعشمان فى النار القى الجنة

والناس الخوف مكتفها
هتموت من الجوع ومش عارفه
ملهية فى قوتها يوم بيوم
وكأن الصبر لهم وصفة

الصبر يكون على شىء هيهون
مش بيع اوطان والناس عارفة
والخوف للناس مكتفها
وكأن الصبر لهم وصفة

وطنى المذبوح مليان بجروح
والناس بعنيهم شيفينو
وقتلنى النوح وكثير ببوح
بستنى معايا اللى يشيلو

بقلم محمد البلاط

تصدق مين - بقلم محمد البلاط

تصدق مين

ابو صوت جميل كله شجن ولاه اللى جنبه طبالين

ومصوراتى قاعد لهم منه بصراحه حمضنين

خايفين يصور النشاز ويبروزه فى برواز ازاز

وبأمر ركذ على النحاس وانسى الحقيقه وشكلهم

والفلم يطلع بالف لون تشوف يصيبك الجنون

شىء من الهبل ولاه خبل وتدور فى راسك الظنون

مقصوده تتساب للعبر ولاه ده فن من الفنون

سيبك يا صحبى واعتبر واوعى تصدق القمر

لو غنى منغير الهدوم كل الحكاية عشان خبر

ويحلله اللى اعتبر واللى ملهش فى العبر

واخر الخبر ركذ عليه صاحب الفرح كان قصده ايه

نقطه وبس يلمها ومفيش حد يعصى ليه

بقلم محمد البلاط

صحيح فيه فى الحياة محبين - بقلم محمد البلاط

صحيح فيه فى الحياة محبين

وفين ومنين

وكل اللى عينى شيفاه مصالح بس وتجارة

واوقات القى سناره وفخ منصوب لاثنين

واللى بيعطى مستنظر يرد الجميل واكثر

يا اما يكون بيتمنظر بشىء مصنوع فى الصين

وبنت تقوله بحبك وهو يقول و انا ميت

ومتعلق فى حبل الشوق علشانك ومتشعبط

وجواهم هوا بارد وحبل الشوق كمان عاتت

وبعد ايام تلاقيهم على الحامى وعلى البارد

وجواهم شيطان راقد لفرقتهم ده بيخطط

وصاحب صاحب اصحابه

على القهوة وقافل بابه

وباب الناس اعتابه

يوماتى فيها يتنطط

فى مد الايد بيه واستاذ

وللى ليه عامل كراس

تقوله محتاج ومحتاس

يقولك والله مشحط

وجار يضحك فى وش الجار

يقضى اليوم معاه فى هظار

ولو سابه وراح مشوار

يدق فى نعشه ميت مسمار

ويلعن فيه ويمرمط

صحيح فيه فى الحياة محبين

وفين ومنين

بقلم محمد البلاط

ليها نهاية المهزلة - بقلم محمد البلاط

يكفيك شهامة ومرجلة
وسط زبالة ومزبلة
وان طالت الرحلة بقسى
ليها نهاية المهزلة
ابن بلد عارف الاصول
وانسان بطبعه محترم
بيشع من الوجه نور
بتحقد عليه كل الصرم
وطنى وكرامته بتوجعه
ولا بعش ارضه ومضجعه
قاصد الحزين يضيعه
خدام من ضمن الخدم
يكفيك شهامة ومرجلة
وسط زبالة ومزبلة
وان طالت الرحلق بقسى
ليها نهاية المهزلة

بقفلم محمد البلاط

قتلت الحب برصاصة - بقلم محمد البلاط

بكى قلبك ؟؟؟؟؟

دموعك باتت فى خدك ؟؟؟

تكلمنى وتوهمنى تقولى ان انا بحبك

تعشمنى تطمنى بأن جنتى فى حضنك

كلام الحب كان قصة

بتحكيها على منصة

وانا واحده من المخاليق

بنظره صبتها فى لحظه

وفكرة الكلام ليا

وصابنى من الهوس رعشه

سحبت الخيط بحنيه

وكنت فى ايدك القشه

حاولت كثير انا اجرب نتبت بينا العشره

بتبعد ليه وتتهرب حاسبنى من الذهب قشره

انا ماسه وحساسه بغدر ضربها برصاصه

رحيلى تاج لكرامتى ولا يقولوا دى قشاشه

بكيت على حب انا عرفته

وقلبى اللى انت جرحته

هقدر الجاحد جانى طلب قلبى وسلفته

وهنسى ان انت الجانى على قلبى وعشمته

وحبك من داخل قلبى هشيل جمره انا بماشه

رحيلى تاج لكرامتى ولا يقولوا دى قشاشه

بكى قلبك ؟؟؟؟؟

دموعك باتت فى خدك ؟؟؟

قتلت الحب برصاص

بقلم محمد البلاط

ميغلاش عليك -بقلم محمد البلاط

ميغلاش عليك سهر الليالى
وهبقى اللى ليك لانى اللى غاوى
وحبك فى قلبى سعاده وغناوى
وانا اللى فى ايديك مسلم وناوى

هتتقل عليا هحايلك كمان
يا مالك لقلبى وكل الكيان
لغيرك ما اسلم ولا اعطى الأمان
ولو هتجادلنى وتبدى الخصام

بنظرة عنيك بتسلبنى روحى
ولمسة ايديك بتشفى جروحى
وهمسة شفايفك وبوحك بسرك
يخلينى اقولك بحبك بروحى
وميغلاش عليك سهر الليالى

هتطلب عيونى بيدى اديهملك
ولو فيه فى ظنونى شكوك راح اقولك
واخلص فى حبى وعمرى ما اخبى
ويكفينى تعرف بانى اللى صونتك

ولو هتخصمنى مش هقبل خصامك
ولو هتجادلنى مش هقبل جدالك
مهو انت اللى ليا وليك انا غاوى
وهفضل اودك واطلب حنانك
وميغلاش عليك سهر الليالى

بقلم محمد البلاط

الدنيا مبقتش الدنيا - بقلم محمد البلاط

الدنيا مبقتش الدنيا
ولا حتى نحاس ولا المونيا
واللى عاملين فيها رجالة
دى قشاشة وحبة سكسونيا

فيه ناس بتقلب فى صورها
وطرطور كبير بيدورها
يستعرضو بالعضلات والشو
وابو شبشب فكره محيرها

صراصير وفران فى كل مكان
وتشوف اللوح تقول دا زان
ويتشطر على حرمة ويحلف
انه بيصون بلاده ما خان

الطور فى الساقية متعلق
ولا عدش قادر يفرق
مش هيفهم لو شعره هيحلق
ان كانت هتعوم ولا هتغرق

الدنيا مبقتش الدنيا
ولا حتى نحاس ولا المونيا
واللى عاملين فيها رجالة
دى قشاشة وحبة سكسونيا

بقلم محمد  البلاط