الكلام ملهوش معنى - بقلم محمد البلاط

الكلام ملهوش معنى
--------------------

الكلام ملهوش معنى بعد ما ضاعت وضيعنا
واللى خلعها وباعها فى المزاد ناوى يبيعنا
واحنا احلامنا اللى ضاعت والحكاية معانا ماعت
كتمين بصمت الوجيعه والدموع فى العين غارت
الغريب بيواسى فينا والقريب خاين وواطى
يظهر انه داء فينا للى يركب ليه نطاطى
والمذلة شىء نحبه والاهانة شىء عادى
قولى ايه اللى عملتو فى تاريخك كان تمام
غير فخر بمجد ناس من بعيد كانو كرام
لا المعز كان مصرى ولا الباشا سليمان
وقطز ويا بيبرس والباشا محمد كمان
واللى علمكو الكرامة وحرر القدس بشهامة
النهاردة يا لمامة فى التاريخ ملهوش مكان
يظهر انه داء فينا للى يركب ليه نطاطى
والمذلة شىء نحبه والاهانة شىء عادى
الكلام ملهوش معنى بعد ما ضاعت وضيعنا
الكلام ملهوش معنى

بقلم محمد البلاط

الخيار اللى عشانه بعنا قوتنا ببلاش - بقلم محمد البلاط

الخيار اللى عشانه بعنا قوتنا بلاش
والسمك لسه فى مكانه والجريح محتاج لشاش
والجنود اسأل عليهم مين اللى مات ومين اللى عاش
ااااه يا جيش يا جيش حليمة هى سيما وفلم باش
ومنه ياما استوينا وضيعونا بلتر جاز
ضيعو ولادنا وقوتنا وعار جبوه لحد بيوتنا
ويقولولنا انتصرنا وجيشنا على وسام حاز
طب منين واللى حاكمنا على الجزم طاطى وباس
باع خيرنا وباع نصيبنا وقال ابيع نفسى ببلاش
بس على الكرسى تسيبونى اهدم الصرح بفاس
انتو اللى نور عيونى وعلى خيركم الكل عاش
ااااه يا جيش يا جيش حليمة هى سيما وفلم باش
ومنه ياما استوينا وضيعونا بلتر جاز
ضيعو ولادنا وقوتنا وعار جبوه لحد بيوتنا
ويقولولنا انتصرنا وجيشنا على وسام حاز
الخيار اللى عشانه بعنا قوتنا بلاش

بقلم محمد البلاط

مش هوا ده اللى كنت بتحبه يا قلبى - بقلم محمد البلاط

مش هوا ده اللى كنت بتحبه يا قلبى
مش هوا ده مش هوا ده
الثانى كان انسان حنون ومناه حبى
مش هوا ده مش هوا ده
واللى انتا شايفه بيجرح وبيألمك
وسايق دلالو وعاصى انه يكلمك
مش هوا ده مش هوا ده
دا الثانى يشبه الملك
دا الثانى يشبه الملك
واياك تدور وياه فى فلك
لو يوم عاد يستعطفك
اللى سقيتو من الحنان
وكلامه كان ليك شرك
مش هوا ده مش هوا ده
دا اللى لعمرك سرق
وبنى قصور ليك من ورق
ورماك فى نار الفكر
سابك تتحرق
مش هوا ده اللى كنت بتحبه يا قلبى
الثانى كان انسان حنون ومناه حبى
واللى انتا شايفه بيجرح وبيألمك
وسايق دلالو وعاصى انه يكلمك
مش هوا ده مش هوا ده
دا الثانى يشبه الملك
دا الثانى يشبه الملك

بقلم محمد البلاط

بتسألنى رايح فين قطر الهموم بينا - بقلم محمد البلاط

بتسألنى رايح فين
قطر الهموم بينا
راكبين بقلنا سنين
وما حد رسانا
والتذكرة ببلاش
وعليك الاف حراس
ومغمية عنينا

خانك صديق عمرك
فتش لهم امرك
منصب غاوى يملك
لو حتى ياذينا

واخوك اتبرى
وعنك اتخلى
ومعدش فيه خلة
يسالو علينا

حتى اللى اسمهم شلة
ببلاش باعونا
وبتسألنى رايح فين

رايح يزيد الهم
على همنا بهموم
نبكى بقسى ونتغم
على دم المظلوم

اصل اللى ما بيشم
فرض علينا النوم
ونتحرم من الحلم
ويضرب فينا بالشوم

عطشنا جوعنا
وبالدور بيبيعنا
ما احنا اللى ضيعنا
الحق بحبة دوم

راكبين بقلنا سنين
وما حد رسانا
والتذكرة ببلاش
وعليك الاف حراس
ومغمية عنينا

بقلم محمد البلاط

﴿ وداعاً حفتر هرب الي فنزويلا ﴾

﴿ وداعاً حفتر هرب الي فنزويلا ﴾ أردوغان : حفتر خارج المعادلة .. ونؤدي عملنا في ليبيا دون التفات لمن يدعمه والثوار يعثرون علي ضباط من الامارات

نشر

تصريحات أردوغان جاء خلال مقابلة مع قناة "TRT عربي" التركية الرسمية، مساء الاثنين.

ورأى أردوغان، الذي تدعم بلاده حكومة الوفاق الليبية في مواجهة قوات حفتر، أنه "وفقاً لوجهة نظري والتطورات الأخيرة، حفتر سيكون خارج المعادلة في ليبيا في أي لحظة"، مؤكدًا: "نحن نؤدّي عملنا دون التفات إلى الأطراف التي تقدّم له الدعم".

وقال الرئيس التركي: "مساعينا في تعزيز النجاح على الأرض في ليبيا مستمرة، وأصبحت كل المناطق تجاه الحدود التونسية تحت سيطرة حكومة (فائز) السراج".

واعتبر أردوغان أن "النجاحات التي حققتها حكومة السراج جعلت حفتر يُجن، ومساعي حكومة الوفاق لتحرير سرت مستمرة"، لافتا في الوقت ذاته أن عمليات جارية للسيطرة على قاعدة الجفرة الجوية، التي مازالت في قبضة قوات شرق ليبيا.

ومنذ أيام تحاول قوات تابعة لحكومة الوفاق الاستفادة من زخم تقدمها أمام تراجع قوات حفتر في الآونة الأخيرة، وذلك عبر سعيها لاستعادة السيطرة على مدينة سرت الكائنة في منتصف الساحل الليبي.

ومع تأخر دخول الوفاق إلى سرت على عكس ما حدث لدى سيطرتها على ترهونة ومدن الساحل الغربي، قال أردوغان إن "وجود آبار النفط والغاز يجعل العمليات حساسة".

وذكر الرئيس التركي أن روسيا تعد الداعم الرئيسي لحفتر في ليبيا "وهي منزعجة من التقدم الذي حققناه مع حكومة الوفاق على الأرض"، مرجحًا اتصالات قريبة سيجريها مع نظيره الروسي فلاديمير بوتين.

وتابع أردوغان: "بعد الاتصال مع الرئيس الأمريكي بإمكاننا القول إن مرحلة جديدة ستبدأ بالنسبة إلى تركيا". 

ليه مش حاسس باحساسى - بقلم محمد البلاط

ليه مش حاسس باحساسى وقلبى بهواك مشغول
وقلبك للحنين عاصى ومش باين يجيلو الدور

فى حبك ضايع عمرى ومش بيدى ولا بأمرى
دا انا اللى فى هواك فكرى صبح مشلول

لا قادر احمل بعادك ولا قادر على عنادك
ولا فاكر فى يوم تقول انا المسؤل لما اصابك

ليه مش حاسس باحساسى وقلبى بهواك مشغول
وقلبك للحنين عاصى ومش باين يجيلو الدور

طريق اخترته وبتبعد وصد لقلبى وبتعند
وعايش الوهم وبترفض يكون لقلبى فى حياتك دور

وهقبل وانت الجانى على نفسك وما جانى
ومعدش فى قلبى لك ثانى مكان ولا دور

طريق اخترته وبتبعد وصد لقلبى وبتعند
وعايش الوهم وبترفض يكون لقلبى فى حياتك دور

بقلم محمد البلاط

عيد العمال - بقلم محمد البلاط

عيد العمال
--------------

من امتى كان لى عيد
ولا امتى كنت سعيد
شقيان وببنيلكم
بمونة وخشب وحديد
ولا شوفت رد جميل
غير الزمن بيميل
ولحقى دا واكلين
ومعاه اهانتكم

تأمين مفيش تأمين
ولا حتى بالاسكين
وان قولت يوم تعبان
بتقطعو بسكاكين

روحت وسيبت الدار
بلف ليل ونهار
فى الغربة متغرب
من الفقر دا بهرب
اقول يا واد جرب
السعى دا مش عار
ولو مرار اشرب

بالهم دا رضينا
ومش راضى بينا
وجت لينا كرونا
مين اللى سأل فينا

لا علاج عالجونا
ولا حتى ردونا
وطمعنين فينا
وشغلو المنشار

وتقولى يومك عيد
وتعيد فيها وتزيد
فاكرينا ليه عبيد
وبتجددو اللى غار

من امتى كان لى عيد
ولا امتى كنت سعيد
شقيان وببنيلكم
بمونة وخشب وحديد

ولا شوفت رد جميل
غير الزمن بيميل
ولحقى دا واكلين
ومعاه اهانتكم

بقلم محمد البلاط