رحمة من الله ونور عليك - بقلم محمد البلاط

رحمة من الله ونور عليك
--------------
من بعد ايامك عدم
وبتتهدم كل الحجات الطيبة
وقلبى من الخلق اتصدم
والروح عيشة معزبة
كبرتنا وعلمتنا
نبقى فى الخير الخدم
والقصد يبقى ربنا
ومنعرفوش يوم الندم
وكنت فاكر الحياة
هتبقى هى الحياة
واللى بيمشى فى طريق
ما بيلتفت ابدا وراه
حاسس بأنه فى الامان
والعدل مسموع صداه
لكن اللى كنت متعرفوش
الاخ خان والدم هان
وبقى المكان غير المكان
رحمة من الله ونور عليك
يا اللى بأديك
كبرتنا وعلمتنا
نبقى فى الخير الخدم
رحمة من الله ونور عليك

بقلم محمد البلاط

جتنا ايام ومعها النت - بقلم محمد البلاط

( جتنا ايام ومعها النت)
-----------------
هجرى اتنطط
وعلى الحيطة اشخبط
والعب زى زمان فى الحارة
واللى يمر انا فيه اتشعبط

وهجيب كورة معاها صفارة
واعمل جون على باب الحارة
واللى يحكم لينا ويحكم
اللى فهمها وكله شطارة
يمكن انسى الحاضر حبة
وتفكرنى بعصر محبة
وانسى الشعر الابيض فيا
ومن الاحزان ليوم اتخبى
فين ايام كانت بجمالها
راحة وجاية شايلة جمالها
ورغم الجهد وتعب القلب
كانت بتهون علينا الامها
كان فيه حب بين الناس
واللى يعاملك بالاخلاص
وكل كبير مسموع لكلامه
وبيتشال فوق على الراس
جتنا ايام ومعها النت
ومعاد حد يكلم حد
واللى يجاملك لو هيجاملك
هيشغلك حبة التت
ايام جايبة معها العار
واخدة مكان فى كل جدار
ومش معروف راجل ولا ست
ولا عادة تدارى اسرار
نفسى اغيب عنها وتغيب
وميكونليش فيها اى حبيب
وتعودلى ايام زمان
وتصيبنى فى منين ما تصيب
واجرى اتنطط
وعلى الحيطة اشخبط
والعب زى زمان فى الحارة
واللى يمر انا فيه اتشعبط
بقلم محمد البلاط

يا اما يا ست الناس - بقلم محمد البلاط

( يا اما يا ست الناس )
------------------
يا اما يا ست الناس وفى قلبى
عمرى ما هنسى وعمر ما اخبى
انك كنتى الحنية
وكنتى دوايا ونور لعنية

فاكرك عمرى ما هنسى ايامك
واتحملتى كثير لالامك
علشان تبنى حياتنا فى بيتنا
ورغم الالم بتعطى حنانك
فاكر سهر الليل علشنا
وفاكر ايه من بعدك حالنا
كنتى فى حضنك لمنا لمة
تحت جناحك كانت الجنة
يا اما يا ست الناس وفى قلبى
عمرى ما هنسى وعمر ما اخبى
انك كنتى الحنية
وكنتى دوايا ونور لعنية
بطلب من رب العالمين
واختم طلبى بالف امين
ليكى الرحمة يا ضى العين
و جنة تكونى بيها مرضية
يا اما يا ست الناس وفى قلبى
عمرى ما هنسى وعمر ما اخبى
انك كنتى الحنية
وكنتى دوايا ونور لعنية
بقلم محمد البلاط

امة بيحكمها الكلاب - بقلم محمد البلاط

( امة بتحكمها كلاب )
---------------
ليه وليه وليه
وايه السبب
فى اللى وصلنا ليه
وفيه العجب
امة بتحكم من كلاب
ومنلش منها الغضب

ملهية فى اللى ملهاش فيه
ولا دين اله حتى تراعيه
وان يوم بطلها فى سجن غاب
ميسألوش حتى عليه
بعو الشرف باعو الضمير
وبيشتكو من ليل طويل
ونسيو ان العويل
من معرفتهم يتقرف
حبو السمر ويا السهر
على كاس نبيذ طاب واتخمر
وعقول ضاعت فى الفلا
ورا جلجلة نغم الالاتى اللى فجر
ليه وليه وليه
وايه السبب
فى اللى وصلنا ليه
وفيه العجب
امة بتحكم من كلاب
ومنلش منها الغضب
جبن وعشش فى القلوب
مش عايزه منه ليه تتوب
وحسة انها رص طوب
على جرف شط اتحفر
اعرف طريقك اخره ايه
قبل ما تبداء مشى فيه
وان كان نهايته ليك شرف
لو راح تموت امشى عليه
الموت قدر وليه معاد
ومش بأيد حتى العباد
لا قل عمر ولا طال وذاد
وان جيه معاده ما ينقدر
احفظ كرامتك بالدراع
من بين نياب كل الضباع
وانسى اللى راح وانسى اللى ضاع
واتفادى من اللى كان سبب
فى اللى وصلنا ليه
وفيه العجب
امة بتحكم من كلاب
ومنلش منها الغضب
بقلم محمد البلاط

اتفقنا نختلف - بقلم محمد البلاط

(اتفقنا نختلف)
------------
خطبة كنت ناوى اقولها
من قرونها لحد ذيلها
للى محشور فى الطبور
واللى مش عارف يدور

اتعملت بالاصول
لجل ما اجبر الكسور
وفتن شيطان عملها
ولسة بردوه بنختلف
اتفقنا نختلف واللى منه بنتقرف
بنعاند بعض عليه
طب وليه واللى بيه معروف بيه
والنهاردة بيتكرف
والصغير فاكر انه بالمخالفة هيتعرف
يفتى فى اللى ملوش فيه
وفى التناكة تقول ده بيه
وكل اهل الذكر عنده
فهمهم موصلش ليه
معمارى واستاذ وشاطر
تصميمه كبرى القناطر
واللجان بتستشيره
قبل ما بمشروع تخاطر
منده ياما وبالسلامة
تم لينا الله مسجد
لا فيه شيخ ولا عمامة
وكله لله بيسجد
كسبنين وبدون غرامة
ولسه بردوه بنختلف
على الامام وناس كرام
واللى يرفع الاذان
واللى هينظف مكان
ودينا اصبح فيه مجاملة
والرسول قال المعاملة
واحترام راى الكبير
والاراء تكون شاملة
واتفقنا نختلف
واللى منه بنتقرف بنعاند بعض عليه
طب وليه واللى بيه معروف بيه
والنهاردة بيتكرف
والصغير فاكر انه بالمخالفة هيتعرف
بقلم محمد البلاط

اكثر من الحب ده عايز ايه - بقلم محمد البلاط

اكثر من الحب ده عايز ايه
وانا ليه بالهجر يعزبنى
اسهر الليل ادادى انا فيه
واصالح فيه ده مغلبنى

من كاس الحب بأيدى بسقيه
والمر سقينى وتعبنى
اكثر من الحب عايز ايه
وانا ليه بالهجر يعزبنى
لدموع العين بأيدى بمسحها
ولا فكر مرة يريحها
ولا بص بعينه فى مطرحها
ايه شق الخد وعلم فيه
اكثر من الحب ده عايز ايه
وانا ليه بالهجر معزبنى
والقلب ليه يمرمط فيه
وان جيت اعاتبه ده يسيبنى
اكثر من الحب ده عايز ايه
وانا ليه بالهجر معزبنى
واسهر الليل ادادى انا فيه
واصالح فيه مغلبنى
بقلم محمد البلاط

طلباته بعينى انا بقضيها - بقلم محمد البلاط

طلباته بعينى انا بقضيها
وبزود فوق طلبه عليها
وان غبت عليه بيخليها
ليلة غم ويبعد ويسبنى

من شغله بيرجع من بدرى
ويتلكك بصيامه ويجرى
ويسيبنى فى مطبخى مطحونة
ذى المكوك انا على رجلى
على النت مضيع اوقاته
وان جتله فى عزومة حماته
ينسها وينسى انى مراته
ودى برضو امى ومن اهلى
يسمع المدفع يجنن
على الغم بلقاه مصمم
بالطيب احاول انا احنن
اتريه كان فاطر من بدرى
طلباته بعينى انا بقضيها
وبزود فوق طلبه عليها
وان غبت عليه بيخليها
ليلة غم ويبعد ويسيبنى
بقلم محمد البلاط