اوعى تقول على دول احبابك - بقلم محمد البلاط

اوعى تقول على دول احبابك
ولا تحن يا قلبى عليهم
سهم الغدرده منهم صابك
طب فى الامهم ليه تواسيهم

مش بطلب منك تخدعهم
او تفرح حتى فى مواجعهم
انا بطلب البعد ده عنهم
وتحاول انك تنساهم
خدعونا بكلام ومحبه
فى العشق وقلونا فيه حبه
واللى كسبناه من عشرتهم
كان الهجر ونار منصبه
لسه معاهم وبتهواهم
ياللى شبعت عزاب ومسبه
ما اتعلمتش من الاعبهم
ولا فكرة تبعد حبه
ليه محيرنى معاك فى غرامك
ولا عزابهم بقى يحلالك
بعت الكل عشان تراضيهم
وسهم الغدر منهم صابك
اوعى تقول على دول احبابك
ولا تحن يا قلبى عليهم
سهم الغدرده منهم صابك
طب فى الامهم ليه تواسيهم
بقلم محمد البلاط

ما القاش قلب يطاوعنى ويكون من الحجر - بقلم محمد البلاط

ما القاش قلب يطاوعنى ويكون من الحجر
لانا قلبى كثير وجعنى وتعبت من السهر
بيسامح على القسية مجروح ما طلبش ديه
بيعاملوه بالخباسه والنية هى هى

ليه دمع كثير قريب وفى ظنه ما يخيب
وبرغم التعاسه مجروح ولسه طيب
ما القاش قلب يطاوعنى ويكون من الحجر
لانا قلبى كثير وجعنى وتعبت من السهر
على الهجر لسه صابر مستنيه حتى عابر
ويقولو فى انتظارك لو حتى فى المقابر
العقل منه شت مش لاقى اى حد
يحكيلو ع اللى حاصل والقلب سدها سد
متحمل المواجع وهموم ملهاش عد
وبين الاثنين ضايع مش لاقى اى رد
ما القاش قلب يطاوعنى ويكون من الحجر
لانا قلبى كثير وجعنى وتعبت من السهر
وتعبت من السهر
بقلم محمد البلاط

ما تلومنيش على شىء اخترته - بقلم محمد البلاط

ما تلومنيش على شىء اخترته وكان لى خيار ندمانه عليه
مين يتمنى الناس فى سيرته تجيب وتحط الهم عليه
انا غلطانه صحيح غلطانه بس نصيبى راح اعمل ايه
بكاس من الكذب بقيت سكرانه توه عقلى وضيعو فيه

يالى شربتو من كاس كذبه عتبى عليكم عارفين ليه
لما بعينكم ويايا شوفتو كاس الكذب سكتو ليه
ما تلومنيش على شىء اخترته وكان لى خيار ندمانه عليه
مين يتمنى الناس فى سيرته تجيب وتحط الهم عليه
فاكره الدنيا لسه امان ما بتغدرش بالغلبان
واللى حصلى منها وكان غدر بقلبى وجرح كمان
انا غلطانه صحيح غلطانه بس نصيبى راح اعمل ايه
بكاس من الكذب بقيت سكرانه توه عقلى وضيعو فيه
ما تلومنيش على شىء اخترته ما تلومنيش ما تلومنيش
بقلم محمد البلاط

صونت الود بهجر غدرنى - بقلم محمد البلاط

صونت الود بهجر غدرنى وبألاعيبه ناوى يدمرنى
وانا حيرانه مع اللى ظلمنى مين غير الله راح يقدرنى
قالى بحبك قولت يجوز يبقى لكل اناء فيه كوز
مش محتاجه شىء ولا اعوز الا ان احنا نكون احباب

جيه للباب وطلب واتقدم كل الاهل عليه بتخدم
فاكره انى معاه يوم هتقدم اتريه قاصد لكيانى يهدم
قولت اعيش وياه واتحمل وبطلب من الله وبتأمل
يهدى العاصى ومعاه اكمل اتاريه قاسى ملوش احباب
غاب العدل يا ناس ده غاب دنيا اتقلبت تشبه غاب
اللى تفكر انه ملاك يبقى هلاك وبدون اسباب
صونت الود بهجر غدرنى وبألاعيبه ناوى يدمرنى
وانا حيرانه مع اللى ظلمنى مين غير الله راح يقدرنى
بقلم محمد البلاط

بتحداك - بقلم محمد البلاط

بتحداك انا بتحداك
يالى تعبت القلب معاك
لو تراهنى على ان انى
عمرى ما لين ابدا وياك

اتعلمت ارد جمايلك
بدل الدمع ببسمه بلون
بيها اشتتلك فيك فكرك
وبكره نشوف مين فينا مجنون
خدت الدرس واتعلمته
وياما الود كثير انا صنته
وكنت بخبى دموعى بأيدى
وقلبى عشانك ياما انا هينته
خلص الصبر معدش فيه منه
حتى القلب استكفى ده منه
حلف ان انه معدش يشموه
ولا لوش قعدة تانى وياك
بتحداك انا بتحداك
يالى تعبت القلب معاك
لو تراهنى على ان انى
عمرى ما لين ابدا وياك
بقلم محمد البلاط

ضاع الحب - بقلم محمد البلاط

ضاع الحب معدش بقيلى
غير اوهام وصور وسراب
واللى فاكرهم ونسى فى ليلى
حرقو القلب بنار وعذاب

وانا من جهلى وطيبت حالى
كنت فاكرهم دول احباب
واللى ظهر منهم خلانى
احلف بالله اننا اغراب
كنت بطبطب كنت بحايل
ياما عملت كثير جمايل
كنت بحاول انى اصلحهم
واعدل فيهم كل المايل
وانا من طيبت قلبى فاكرهم
ليهم قلب فيه خير شايل
واللى ظهرلى من عمايلهم
عمر الخير منهم منا طايل
ضاع الحب معدش بقيلى
غير اوهام وصور وسراب
واللى فاكرهم ونسى فى ليلى
حرقو القلب بنار وعذاب
بقلم محمد البلاط

ما تسألنيش على حالى - بقلم محمد البلاط

ما تسألنيش على حالى وقربك فيه دوا ليا
مشمت فيا عزالى بهجر ولوعه وقسية
يا طول الليل فى غيابك وشمس نهار مغميه
هيعمل ايه مرسالك وايه هيكحل عنيه

بعانى الوجد والحرمان وادور على الدوا ليا
لاشيفالى فى قلب مكان ولا لقيه فيه حنيه
وأنب نفسى على اللى كان وليه سلمت بأديه
قفلت بنفسى الدكان وبعت الصبر بشويه
ما كان الصبر ده تجارتى وكنت بقل بيه حيرتى
واشحت منه للجيران واوصف للى بيعدى
صبحت كما اللى مسه الجان ومش عارفه ايه جرالى
ما تسألنيش على حالى وقربك فيه دوا ليا
مشمت فيا عزالى بهجر ولوعه وقسية
يا طول الليل فى غيابك وشمس نهار مغميه
هيعمل ايه مرسالك وايه هيكحل عنيه
وايه هيكحل عنيه وايه هيكحل عنيه
ما تسألنيش ما تسألنيش
ما تسألنيش على حالى
وقربك فيه دوا ليا
بقلم محمد البلاط