ضاع الحب - بقلم محمد البلاط

ضاع الحب معدش بقيلى
غير اوهام وصور وسراب
واللى فاكرهم ونسى فى ليلى
حرقو القلب بنار وعذاب

وانا من جهلى وطيبت حالى
كنت فاكرهم دول احباب
واللى ظهر منهم خلانى
احلف بالله اننا اغراب
كنت بطبطب كنت بحايل
ياما عملت كثير جمايل
كنت بحاول انى اصلحهم
واعدل فيهم كل المايل
وانا من طيبت قلبى فاكرهم
ليهم قلب فيه خير شايل
واللى ظهرلى من عمايلهم
عمر الخير منهم منا طايل
ضاع الحب معدش بقيلى
غير اوهام وصور وسراب
واللى فاكرهم ونسى فى ليلى
حرقو القلب بنار وعذاب
بقلم محمد البلاط