ابكى يا عين - بقلم محمد البلاط

 

ابكى يا عين على الذكريات

واللى اتقضى وراح وفات

وابكى على اللى بكرة جاى

ومكنش ليه ويايا معاد

ابكى بدمعك وامسحى

من الحب اسمى ومطرحى

ريحتى مين قبلى عشان

يا دنيا ليا تريحى

ابكى يا عين ابكى يا عين

وبالدموع قولى وافصحى

ريحتى مين قبلى عشان

يا دنيا ليا تريحى

بقلم محمد البلاط

يا حلم وضاع - بقلم محمد البلاط

 

يا حلم وضاع وضيعنى

وتارك قلبى يوجعنى

يا ريتنى ما شوفت ايامك

ولا جيتلى تودعنى

خلاص ضاعت امانينا

ولا فيه حد هيجينا

ولا يسأل تانى عنا

ولا حضن يدفينا

يا حلم وضاع وضيعنى

وتارك قلبى يوجعنى

يا ريتنى ما شوفت ايامك

ولا جيتلى تودعنى

بقلم محمد البلاط

ألفت الهجر والضنى - بقلم محمد البلاط

 ألفت الهجر والضنى القلب بات يهواه
فكم من صبر يتمنى لحسم الأمر واياه
فلست بعاجز يطللب هدى لطريق يبغاه
وكأس الصبر ان نضب بوهم العشق أملأه"

- بقلم محمد البلاط

امسكوا يا ناس حرامى - بقلم محمد البلاط

 

- امسكوا يا ناس حرامى

عشمونى عشمونى لجل ما تتوه ظنونى

وانسى انك كنت ليا وهما اللى جم خنونى

عشمونى بمجرى تانى لجل ما انسى الاولانى

طب منين وانتا المعرض اللى عرض واشتكانى

لسة بايع غصب عنى رغم ان القانون قلى

الجزر تبعك وارضك واوعى تفرط فى عرضك

والغاز اللى فى سينا ملكك واوعى ينهبك حرامى

ولسة بايع غصب عنى رغم ان القانون قالى

وجاى تعرضلو تانى امسكو يا ناس حرامى

- بقلم محمد البلاط

نصيحة منى علشانك - بقلم محمد البلاط

 

يا واد اتلم واتحشم

وبطل تغلط وتشتم

بتتحليط وتجليط

وفاكر نفسك بترسم

دانا اللى بالرجال بلعب

وعاملة عقولهم ملعب

عليا جاى يا ثعلب

وعندى ما ارضاش تخدم

حكمت عليا بفكرك

ولا منى ولا اقربلك

ولا جارى ولا جارتك

وشيلت الذنب على ظهرك

فى حالك خليك فى حالك

بلاش تظلم وبلسانك

تجرح فى الرايح والجاى

ولحم الناس تاكلو ناى

نصيحة منى علشانك

فى حالك خليك فى حالك

يا واد اتلم واتحشم

وبطل تغلط وتشتم

بتتحليط وتجليط

وفاكر نفسك بترسم

بقلم محمد البلاط

مسير المخبى يبان - بقلم محمد البلاط

معقول يكون الكلب مات

ولا الأمانى بتحترف

تخفف الدمع واهات

وتحى زرع كان نشف

ان كان جالو من السما

سهم من الله واتنسف

مين اللى مكانه سما

وبالحق ليه ما بيعترف

مهما تدارى ايام

مسير المخبى يبان

والمدارى يتشاف

ويظهر الثعبان

بقلم محمد البلاط

 

مسح كرامة ومرمطة

 

مرة اخرى، يتم مسح كرامة أمريكا فى أفغانستان بعد فيتنام .

فهل ستؤخذ الدروس والعبَر مما حداث ام ستستمرالغطرسة الأمريكية،

غزوها الذى دام عشرين عام كان المقصود منه محاربة الاسلام ، ومن اجل ذالك ارسل جورج دبليو بوش قواته وقوات عدة دول إلى أفغانستان بأسم الرد على الهجمات التي طالت الولايات المتحدة. تكملة للمهمة التى تم تدبيرها لتكون الحجة واصبح العالم كله يعرفها بعد كشفها للعالم وتتمثل فى معاقبة المسؤولين وضمان عدم إيواء أفغانستان لإرهابيين .

وبمرور الوقت، ظهر الهداف الحقيقى .واصبحت حرب صريحة على كل ما هو مسلم وكما تمرمطت كرامتها فى وحل حقول الارز فى فيتنام ، من أجل وقف انتشار الشيوعية، تمرمطت كرامتها في تضاريس غير مألوفة لقواتها العسكرية لوقف انتشار الاسلام بعد ان وجدوا ان العالم الاسلامى تعاطف مع المجاهدين ولم تصل الا للقهر والبكاء والولولة وخوف جنودها الذى يظهر عليهم جليا مع غروب شمسس كل يوم . يبقى أن نرى ما إذا كان انسحابها وجر ذيل الهزيمة وسقوط كابول سيوقف هذا الغطرسة. ام لا .لا يوجد دليل يدعم هذا الاحتمال .وما يظهر جليا هو تسرعها فى السعى السريع لنهايتها لانها لم تتعلم بان ألحرب ضد ألعقائد تمنى متمنى ألكتابة على وجه الماء.

بقلم محمد البلاط

علشانك انا انا هتحمل - بقلم محمد البلاط

 

علشانك انا انا هتحمل

واقضى ايامى واكمل

ولا ان الاهمال يحرمنى

من شوفتك وعليكى اطمن

علشانك انا انا هتحمل

انا بشرب من الصبر مرار

وجوايا كاتم اسرار

وبنظرة لصورتك يوعدنى

القلب انه يكون صبار

اااااه يا روحى وجنة ايامى

برسلك من قلبى سلامى

وبستنظر الفرج يجينى

والأكى يا قمرى قدامى

وعلشانك انا انا هتحمل

واقضى ايامى واكمل

ولا ان الاهمال يحرمنى

من شوفتك وعليكى اطمن

- علشانك انا انا هتحمل

بقلم محمد البلاط

قد ايه بتحبنى - بقلم محمد البلاط

 

- قد ايه بتحبنى

قد ايه الشوق كويك

قد ايه الدمع بات ليله فى عنيك

قد ايه بتحبنى

قد حبك واشتياقك

قد ما تحسه فى حياتك

كل دا ميجيش شيء

فى حبى ليك

قولى قلبك يوم بكى

قولى من وجده اشتكى

قولى ليلك كان نهار

ونهارك شوق ونار

قولى طعم الصبر مر

لما بيكون فى انتظار

قد ايه الشوق كويك

قد ايه الدمع بات ليله فى عنيك

قد ايه بتحبنى

قد حبك واشتياقك قد ما تحسه فى حياتك

كل دا ميجيش شيء فى حبى ليك

قد ايه بتحبنى

- بقلم محمد البلاط

القلب خلاص مقفول برصاص - بقلم محمد البلاط

 - القلب خلاص مقفول برصاص

لو كان الهجر بيحلالك مش هعاتبك ولا اقولك مالك
ولا ليه بتبعد وتسيبنا ولا هسأل ايه سر غيبك
لو كان الهجر بيحلالك
وهعيش ايامى ومستناش مخلوق كان عندى وراح ومجاش
ولا هحزن ولا يحزن قلبى على شىء فى بحر ضاع وباش

ويا ريت متفكرش تجينى ولا تسأل عنى وانسانى
مش هيرجع ليك تانى حنيى القلب خلاص مقفول برصاص
القلب خلاص مقفول برصاص

- بقلم محمد البلاط

بيفكرونى بيك - بقلم محمد البلاط

 

بيفكرونى بيك

فكرنى نسيتك

وانا اللى روحى فيك

والعمر حبيتك

نهار وليل اناجيك

عشمانه انى الاقيك

وروحى تقابل روحك

وبيفكرونى بيك

فكرنى نسيتك

بخبى وادارى

احساسى وحالى

واقول انا مالى

لو يسألونى عليك

وقلبى يتألم

وجواه بيكتم

شوقى وحانينى

ومش قادره اتكلم

وبكذب ظنونى

ولو شافت عينى

فى حبنا بتهدم

وبيفكرونى بيك

فكرنى نسيتك

بقلم محمد البلاط

القلب خلاص مقفول برصاص - بقلم محمد البلاط

 

- القلب خلاص مقفول برصاص

لو كان الهجر بيحلالك مش هعاتبك ولا اقولك مالك

ولا ليه بتبعد وتسيبنا ولا هسأل ايه سر غيبك

لو كان الهجر بيحلالك

وهعيش ايامى ومستناش مخلوق كان عندى وراح ومجاش

ولا هحزن ولا يحزن قلبى على شىء فى بحر ضاع وباش

ويا ريت متفكرش تجينى ولا تسأل عنى وانسانى

مش هيرجع ليك تانى حنيى القلب خلاص مقفول برصاص

القلب خلاص مقفول برصاص

- بقلم محمد البلاط

معدش تانى يهمنى - غنائى - بقلم محمد البلاط

 

- معدش تانى يهمنى

معدش تانى يهمنى

ما ترحليش او ترحلى

لا بيكى هموت او اعيش

ولا فيه شىء هيذلنى

القلب مل من الهوا

لما لقاه بس فى كلام

بنار شوق انكوى

ولما اِستوى كره الغرام

ايه جابر قلبى على الجوى

مع اللى ملهوش امان

قلبى خلاص خلاص نوى

يقول للهوا الفين سلام

بعد ما شاف ان الهوا

هجر وخصام

القلب مل من الهوا

لما لقاه بس فى كلام

ومعدش تانى يهمنى

ما ترحليش او ترحلى

- بقلم محمد البلاط

( اللى اشتاق القلب نشوفو ) غنائى - بقلم محمد البلاط

 

 - ( اللى اشتاق القلب نشوفو ) -

اللى اشتاق القلب نشوفه

واللى حرمنا منه كسوفه

امتى يحن يا ناس ويجيلنا

ولا امالنا خلاص نعوفه

منه نقرب هو بيهرب

نسأل عنه مننا يغضب

ليه بيتعبنا ويعزبنا

وليه سايبنا المر بنشرب

ناس بتقول انه بيتدلل

وناس بتقول خايف من الحب

طب ولأمتى احنا هنتذلل

للى ملوش جواه فيه قلب

ولا نعيش على الصبر ونصبر

يمكن يبقى طريق ودرب

ويمكن بعد الصبر دا يغدر

ويقولنا كان وهم وكذب

اللى اشتاق القلب نشوفه

واللى حرمنا منه كسوفه

امتى يحن يا ناس ويجيلنا

ولا امالنا خلاص نعوفه

اللى اشتاق القلب نشوفو

- بقلم محمد البلاط

يا اديب فى الحب وفكهانى - بقلم محمد البلاط

 

- يا اديب فى الحب وفكهانى

يا اديب فى الحب وفكهانى وبايدك على الاوطان جانى

ونسيت الحب اللى حقيى ومن شعرك الناس بتعانى

بتمجد اللى ملوش لزمة وتحلل بالشعر الازمة

وتوطى من عالى القيمة وتعالى من قيمة الجزمة

يا اديب فنان فى تلميحك وفى وصفك ايه احنا فريحك

شرباتنا اتشال وانتا فسيخك جاهز للنشر وللخدمة

خد حظك يا اديب خد حظك واعتبر العيبة دى من حقك

اكتب ومجد بكيفك واهجى اللى يصدك ويعارضك

مسنود بالتوت والنبوت ونسيت القبر نسيت الدود

بكرة ايام الخير تفوت وتعود تتحاسب من ربك

يا اديب فى الحب وفكهانى وبايدك على الاوطان جانى

ونسيت الحب اللى حقيى ومن شعرك الناس بتعانى

يا اديب فى الحب وفكهانى

- يقلم محمد البلاط

يا قلبى مالك كدا مالك كدا مالك - بقلم محمد البلاط

 

- يا قلبى مالك كدا

اسأل عليهم تلقاهم نسيوك وايامك

وانتا اللى فاكرهم حتى فى احلامك

موهوم فى حبهم موهوم فى عشقهم

طب ليه بتحطهم فى الحب مكانك

يا قلبى مالك كدا مالك كدا مالك

كلمة بحنان او سلام بيتقلب حالك

بتحن وبالرضى بتفتح قوام بابك

ولو جت من العدا بتنسى ما جرالك

طب ليه بتحطهم فى الحب مكانك

اسأل عليهم تلقاهم نسيوك وايامك

وانتا اللى فاكرهم حتى فى احلامك

موهوم فى حبهم موهوم فى عشقهم

طب ليه بتحطهم فى الحب مكانك

يا قلبى مالك كدا مالك كدا مالك

- بقلم محمد البلاط

قوم صلى ركعتين - بقلم محمد البلاط

 

- قوم صلى ركعتين

فيه ناس معدتها صدى ومحتاجة للوضوء

امبارح والنهاردة ضميرها كله سوء

فى الوش وشه يضحك و من جوه قلبه كارهك

يعمل حبيب وصحبك ويدلك على المهالك

طب عدا اليوم عدا بكرة راح يعمل ايه

لو جاتلو ساعة شدة مين راح ينده عليه

جارك او حتى صحبك اللى يساعدك فى كربك

تضره ليه بمكرك وتكره خير يجيه

مش هتاخد غير محبة لو بتوزع محبة

تلقى الجميع يجيلك ويكونو ليك اطبا

ولو غالبك حقد قلبك مش هتلقى اللى يحبك

والماية لو فى ايديهم هتموت حزين بعطشك

قوم جدد الوضوء وصلى ركعتين

يمكن عقلك يفوق ويعينك المعين

تزرع شجرة محبة وثمرها يكون سليم

وتكون بين الاحبه الاخ و الامين

قوم صلى ركعتين قوم صلى ركعتين

يمكن عقلك يفوق

- بقلم محمد البلاط

على قدك امشى على قدك - بقلم محمد البلاط

 

- على قدك امشى على قدك

على قدك امشى على قدك للجزمة تزحلقلك رجلك

كان واجب تعرف ايه مقاسك للباسك يسقط من وسطك

بتجامل وبترسم نفسك وكأنى غريب ومش عارفك

من صغرك معروف فى طبعك البخل خالك وعمك

علشان مصلحتك بتدادى وتوزع على الخلق زباى

وان وقف الحاال وممشيشى لا بتشكر ولا بتكون راضى

على قدك امشى على قدك للجزمة تزحلقلك رجلك

كان واجب تعرف ايه مقاسك للباسك يسقط من وسطك

- بقلم محمد البلاط

ودعنى ودعنى - بقلم محمد البلاط

 

- ودعنى ودعنى

صعبان عليك الفراق وبتبكى ليه ندمان

منين نجيب ترياق يشفى قلب اتهان

ودعنى ودعنى وبلاش توجعنى

ايه راح يفيد اللوم ما كنت سمعنى

ياما اشتكيت منك وقساوت قلبك

وعشان بحبك قررة تهينى

هجرتنى مرات ومن الصبر قلبى مات

لا باقى فيه ولا عاد مكان ينفعلك

ودعنى ودعنى وبلاش توجعنى

ايه راح يفيد اللوم ما كنت سمعنى

بتبكى ليه ندمان

منين نجيب ترياق يشفى قلب اتاهن

ودعنى ودعنى

- بقلم محمد البلاط

احنا بشر محنش غنم - بقلم محمد البلاط

 

- احنا بشر محنش غنم

ثورتك فين ثورتك هى الطرق وسكتك

ترد ليك اللى اتسرق وترد ليك تانى ضحكتك

يا تعيش مستنى الفرج وكلاب تنهش حضرتك

فين ثورتك فين ثورتك

الجبن عمره ما كان طريق ولا رفيق لمحترم

وان شوفت فى الذل بريق انك هتبى فى يوم هرم

يبقى ميراث بتورثه لابنك يكون من الخدم

وبجزمة كلب يدهسه وكانه جاى من العدم

فين ثورتك فين ثورتك ان كنت لسه محترم

وطن الجميع مش ناس وناس حق يضيع ضرب برصاص

واللى معاه سلاح عاش واللى معندوش يتعدم

لكل كلب فيه بيت ومزرعه ومصنع وغيط

وليه زوجة وليه ولاد واللى ابتدى يبقى ظلم

اصنع بايدك قوتك ومتنظرش يموتك

ولو سلاحه اترفع تكون اسرع ضربتك

الجبن عمره ما كان طريق ولا رفيق لمحترم

وان شوفت فى الذل بريق انك هتبى فى يوم هرم

يبقى ميراث بتورثه لابنك يكون من الخدم

احنا بشر محنش غنم احنا بشر محنش غنم

اصنع بايدك قوتك

- بقلم محمد البلاط

وقف الخلق يشخرون جميعهم - بقلم محمد البلاط

 

- وقف الخلق

يشخرون جميعهم اعتراض على النعم

واللى ما بيعرفش يشخر واللى لسه ما اتخرم

كله واقف منتظر خوفو ونقل الهرم

مصر يا ام العروبة ياللى جاتلك الف خيبة

جرجروكى البهايم ربطوكى فى الزريبة

ايه جرالك ايه حصلك فين ياسمينك وفلك

بعد ما كنتى اللى كنتى جيه منين الكلب عضك

وبيلومو من قال احا من الامها ومن وجعها

وقف الجلق جميعهم يشخرون للبعها

يشخرون للبعها

- بقلم محمد البلاط

بأيديك عرش هتمسحه - بقلم محمد البلاط

 

- بأيديك عرش هتمسحه

الجهل جند من الإلهِ بيسلطوه على اللى بغى

معرفش فين الطور لقاه ومرمغه فيه مرمغه

خلف خلف كان مختلف الخلق منه بيتكسف

تمشى معاه تمشى وراه تشم ريحته تتقرف

فرعون عصره والطمع مالى قلبه ومعاه الجشع

لا عمره صلى للإلهِ ولا عمره فى يوم خشع

عصر الفراعنة من جديد بيعوود ولامم الكلاب

جايب معاه جنزير حديد على الخلق متسلط وعاب

يقتل ويسجن فى البشر طاعون وبينهم انتشر

فاكر بانه هينتصر ويبقى الشاهن وشاه

جهز صليبك جهزه لملم معاك كل الجنود

المهدى مش راح تلمسه بينك وبينه كثير سدود

وملائكة من عند الإلهِ حمياه بساتر وسدود

راح تعمل انت معاه يا فار وعار فى الوجود

الجهل جند من الإلهِ بيسلطو على اللى بغى

معرفش فين الطور لقاه ومرمغه فيه مرمغه

حوط وامن مطرحه مش هتتعبه هتريحه

انتا اللى تعبك راح يكون على كنز الله هيفضحو

وتوكون نهايتك من الوجود وبأيديك عرش هتمسحه

ما الجهل جند من الإلهِ بيسلطو على اللى بغى

- بقلم محمد البلاط

بتسأل ليه على حبى - بقلم محمد البلاط

 

بتسأل ليه على حبى

وقلبى منه بيقاسى

قتلنى الشوق وبخبى

ومش حاسس بأحساسى

بتسأل اللى كان وياك

على الحلوه وعلى المره

وفى الغيبه بيستناك

وشال الهم فى صره

بتسأل ليه على حبى

وانا اللى الصعب شايلاه معاك

صبرت وقولت اخبى

وأدب قلبلى لو يعصاك

بتسأل ليه بتسأل ليه

وليه مش حاسس انى معاك

دموعك مين بيمسحها

جروحك مين مريحها

وليك الجنة فاتحها

ولو تنساه ما بينساك

وجاى تسألنى على حبى

وايه مكنون ليك فى قلبى

وانا اللى طال معاك صبرى

وبأدب قلبى لو يعصاك

قتلنى الشوق وبخبى

ومش حاسس بأحساسى

وجاى تسألنى عن قلبى

بتسأل ليه على حبى

وانا اللى صعب شيلاه معاك

بقلم محمد البلاط

 

شخرة وطن

مذبوح وملفوف فى كفن

صعبان عليه من اللى فيه

واللى ابتلاه من العفن

كان كله ليه

بيكتفوه ويذبحوه ويتدفن

ويلبسو الناس التهم

ويألوظولهم العمم

شخر الوطن

قال معترض

على اللى اتسجن

واللى اتجلد

هو مفيش فيها ولد

ولا بلدنا مش بلد

ودفتها ممسوكة بغشم

عمر ما كان الشخر عيب

للى يعيب او يفترى

واللى ملوش فيه نصيب

اللى مكلش الجنبرى

شخرة وطن

للى فاكرها عزبته

واللى فاكر سايق غنم

وفارد عليهم سطوته

واللى فى يده السلاح

ومخبى خوفه فى شدته

شخرة وطن

مذبوح وملفوف فى كفن

صعبان عليه من اللى فيه

واللى ابتلاه من العفن

شخرة وطن شخرة وطن

بقلم محمد البلاط

مشكتش فى حبك يوم - بقلم محمد البلاط

 

مشكتش فى حبك يوم

ولا من عينى طار النوم

لكن بعدك محيرنى

وبحر الفكر فيه بعوم

غيابك نار بتكوينى

يرق الدمع فى عينى

يزيد للود حنينى

ليه مخلينى ليه فى نار

نسينى وناسى احساسى

وفكر بيدور فى راسى

وادادى فيك تجينى

ليه قلبك للوداد عاصى

بتهوى الهجر اهجرنى

لكن برسالة طمنى

غيابك نار بتكوينى

وبعدك عنى جننى

ومشكتش فى حبك يوم

ولا من عينى طار النوم

لكن بعدك محيرنى

وبحر الفكر فيه بعوم

ومشكتش فى حبك يوم

مشكتش فى حبك يوم

بقلم محمد البلاط

استاذ معرض بالقوى - بقلم محمد البلاط

 

استاذ معرض بالقوى

حريف وبرم فهلوى

والنأب جايك على شون

ومحتاج لمونه تنكوى

جيت من اوربا لحد مصر

جاى تحتفل بأغلى نصر

وعشمان تلم القرشينات

بفطار معرض كله عهر

الفهلوة زمنها راح

شوفلك سلاح يكون جديد

تدفع فلوس تاخد فلوس

ومع الفلوس سخين حديد

وان كان عليك هيكون شديد

خليك بعيد واطلب خيار

وبسكويت او بالصميط

غمس وقول الحظ طار

حط ايديك على عنيك

وفكر انك مش هنا

احلم يا باشا انك هناك

ومجتش مصر عندنا

عايز تعرض ارجع شباب

هتاكل كباب وجبرى

اما اللى زيك حظه خاب

ومعدش ينفع كمسرى

سنك معدش يليق كمان

على سيكا ولا طبلة وكمان

انتا اللى بس يليق عليك

فى مجارى وتشوفلك مكان

استاذ معرض بالقوى

حريف وبرم فهلوى

والنأب جايلك على شون

ومحتاج لمونه تنكوى

بقلم محمد البلاط

عيب عليك - بقلم محمد البلاط

 - عيب عليك

لما بايديك انك تدافع عن وطن

وتتركن فى جنب مستنى المعين

عيب عليك

لما الكلاب تهبش ما ليك

وتقول لله يا محسننين

عيب عليك

حقك يضيع من بين ايديك

وانتا اللى عرقان فيه سنين

عيب عليك

صهيونى يلبس بذلتك

ويدخل مكانك على السرير

مستنى مين يعطف عليك

وانتا فى زمن المجرمين

الحق عمره ما يتوهب

ولا فيه سبب لحرامى يعطيك باليمين

الحق يرجع بالذراع

عمر البتاع ما كان امين

عيب عليك

لو مرة فيها ارفع ايديك

وبالعصا لمن عصا

ان الحقوق ترجع اليك

فيه ناس كثير متدهوسة

تحت عجل اللى معاديك

بس انتا قوم هتلقى كوم

يرفع ايديه قبل ايديك

الحق عمره ما يتوهب

ولا فيه سبب لحرامى يعطيك باليمين

الحق يرجع بالذراع

عمر البتاع ما كان امين

عيب عليك

لما بايديك انك تدافع عن وطن

وتتركن فى جنب مستنى المعين

عيب عليك

بقلم محمد البلاط

مصر قالتلى -بقلم محمد البلاط

 - مصر قالتلى

امى قالتلى فيها جزيرتين مصر قالتلى خذ بالدين
ورفع الدعم من الدجال المشهور باعور العين
امي قالتلى خليك شاطر خاصم الحق وصالح الباطل
واللى ميرضيش الله معاه لو من الشغل راح تكون عاطل
مصر قالتلى لم الفكة وابقى اتكى على اللى يماطل
ابنى قصور وكبارى وسكة تكون بالكارته وخليك شاطر
يع رمسيس ومعاه الدكة وعنخ امون صايم او فاطر
اما حبيبى وملك الكيف المشهور والمعروف
قالى اخربها واقفل بابها واوعى تسيبها وهى عمار
والتعليم الغيه لو تعرف وارفع قيمة كل حمار
مصر قالتلى

- بقلم محمد البلاط 

لسان وبوق على الفاضى

 - لسان وبوق على الفاضى

لسان وبوق على الفاضى ذليل باللى اتفرض راضى

ويا ريت الفرض من الله دا من عبد جاهل عادى

زرع الخوف فى عقلك وقلبك للخنوع راضى

وقابل للكرامة تبيع بكرنيه لدخول نادى

ولو هتموت جوع وقهر وخوفك حجته الصبر

وبتفضل دخول القبر على انك تكون بادى

وتطلب اللى ليك من حق ومستكفى تكون البوق

يلك يطق على الفاضى وتركيذك فى متوى وشق

بعينك شوفت وشايف من اللى جاى الحمار خايف

وراضى وساكت وسافف وقطة فى كلب لجلدها بتحك

بين الرجال مش محسوب ولا هتوب من التعريص

ولا عمرك من الدناوة توب ومع الزيطة تحب تهيص

قوم اتوضى وعود لله وكون راضى قابل لقضاه

وانطق يوم كلمة حق وبلاش تعصى وعلى الغلط تتزق

ولسان وبوق على الفاضى

- بقلم محمد البلاط

اللى هيموت الحمار - بقلم محمد البلاط

 - اللى هيموت الحمار

يا انفجار يا انتحار واللى هيموت الحمار

الف وعد وكله كذب من اللى بيقولو الكبار

عشمونا بكرة جاى بالعسل ويا العمار

واللى شافوا الشعب منهم المذلة والحصار

قالوا احنا نور عنيهم واحنا بس اللى ليهم

اتاريهم اللى ليهم وعليه طله عنيهم

جيبنا لو حتى معاهم وكل شبر فيه مطار

قلبونا وفتشونا وغلو نور الله علينا

واللى باقي بس لينا الموافقة على القرار

والقرار المرة دي مش وعود ولا هدية

القرار جاي بنية تغير كل المسار

الفقير يموت فطيس احتراما للرائيس

واللى قدام الجميع قبل ما الوقت يضيع

يا انفجار يا انتحار واللى هيموت الحمار

- بقلم محمد البلاط

اكتافنا لسه هتتحمل- بقلم محمد البلاط

 - أكتافنا لسه هتتحمل

حمل يا ريس حملنا أكتافنا لسه هتتحمل

مفيش جوع هيموتنا ولادنا فيك بتتأمل

انت اللى ماسك الدفة وعارف كيف تكيفها

تطريها ولا تنشفها لو حتى بالجلد تكمل

انت اللى فوق راسنا وسيدنا ولو لميت سنه هتكمل

مفيش جوع هيموتنا ولادنا فيك بتتأمل

حمل وكمل مبنيها ومعاك الخير هيجيها

بس انت الأرض ارويها ومعاك كلنا هنكمل

لو الرغيف هيكون بجنيه راضين ولو هتزيد عليه

هو الجنيه بيعمل ايه غير انه فى الصورة مصور

زود يا ريس بزياده مساوية الظلم عبادة

نأكلها طقة وطقة مفيش ونشرب الشاى لو ساده

حمل علينا كمان حمل لو حتى بالجلد تكمل

شعب وقلت فيه حيلته وقليت كرامته ومن قيمته

على حقوقه بصمته وطاطى بيقولك كمل

حمل يا ريس حملنا أكتافنا لسه هتتحمل

- بقلم محمد البلاط