ولاد الكلب الفاجرين - بقلم محمد البلاط

 

ولاد الكلب الفاجرين
-------------------

رسوم على الموت والمولد
رسوم على المبنى والمهدود
رسوم على العابد الزاهد
وعلى المسجد والمعبود
رسوم على السكة والدكة
وعلى الفلسان والفكة
وعلى اللى نفسه يحج البيت
وفكر يدخل مكة
رسوم فى رسوم
على السالك وعلى المكتوم
وعلى اللى جاع من قلت
وعلى اللى بكيفه ناوى يصوم
رسوم على الماشى فى الشارع
والضايع والصايع
رسوم على اللى ملوش لزمة
والشاري والبايع
رسوم على الكلمة لو تتقال
وعلى الموال والسامع
رسوم على الجزمة والشبشب
وعلى المركوب وبيركب
رسوم من الظالم على المظلوم
وعلى اللى عليه بيصعب
رسوم فى رسوم
على الاصلى والمرسوم
وعلى اللى فى يوم يفكر
يفوق ويصحى من النوم
رسوم على اللى راكب مركب
وعطشان وعايز يشرب
ومد ايده فى الماية
صاحب الامر بيغضب
ويفرض كل يوم رسوم
على الفرحان والمهموم
وعلى اللى غرقان فى حزنه
وبيحاول النجى ويعوم
رسوم فى رسوم
على المساكين ليوم الدين
ومش نافعين ومش عاجبين
ولاد الكلب الفاجرين

بقلم محمد البلاط

لغ يا كلب الوسية - بقلم محمد البلاط

 لغ يا كلب الوسية فى اللى للناس وليا

وكبر حجم الدماغ وربى ربى فى الخلفية لية

لغ يا كلب الوسية لغ يا كلب الوسية

لغ واشرب من دمانا وكذب الجرح اللى فينا

واشتكينا والوصية زوق الكذب علينا

احلف الايمان واقسم انك معانا بتقسم

الالم بينا وبينك وامضى على كذبك وابصم

النفاق و الكذب منك دى الحيقيقة اللى عندك

ناسى الناس الغلابة وفاكر الناس اللى مثلك

ليه ناسى ليه حقيقتك الا طبلك لسة فكره

ومين رباك فى صغرك وعملها عليه فى حجره

مين فى الاثنين امك اللى ولدة ولا ربت

ولا اللى رضعت منها ولا اللى فى حانة رقصت

قول حقيقتك قولها واشرح قولها خلى القلب يفرح

ياللى ظالم للغلابة واليتامة فى كل مطرح

قولها واشرح وابقى كمل تانى لغك

الله يفضح اللى جابك واللى حطك

واللى كان قرين حياتك واللى نفضك

والسلالة اللى انتا منها وكل اهلك

لغ واشرب من دمانا سم منه تبيد وتهلك

لغ يا كلب الوسية الله يخدك

بقلم محمد البلاط

لغ يا كلب الوسية - بقلم محمد البلاط

 لغ يا كلب الوسية فى اللى للناس وليا

وكبر حجم الدماغ وربى ربى فى الخلفية لية

لغ يا كلب الوسية لغ يا كلب الوسية

لغ واشرب من دمانا وكذب الجرح اللى فينا

واشتكينا والوصية زوق الكذب علينا

احلف الايمان واقسم انك معانا بتقسم

الالم بينا وبينك وامضى على كذبك وابصم

النفاق و الكذب منك دى الحيقيقة اللى عندك

ناسى الناس الغلابة وفاكر الناس اللى مثلك

ليه ناسى ليه حقيقتك الا طبلك لسة فكره

ومين رباك فى صغرك وعملها عليه فى حجره

مين فى الاثنين امك اللى ولدة ولا ربت

ولا اللى رضعت منها ولا اللى فى حانة رقصت

قول حقيقتك قولها واشرح قولها خلى القلب يفرح

ياللى ظالم للغلابة واليتامة فى كل مطرح

قولها واشرح وابقى كمل تانى لغك

الله يفضح اللى جابك واللى حطك

واللى كان قرين حياتك واللى نفضك

والسلالة اللى انتا منها وكل اهلك

لغ واشرب من دمانا سم منه تبيد وتهلك

لغ يا كلب الوسية الله يخدك

بقلم محمد البلاط

انت راجل ولا عيل - بقلم محمد البلاط

انت راجل ولا عيل
--------------------

انت راجل ولا عيل
ولا حرمة راح تولول
ليك ذراعك ليك عزيمتك
و لكرامتك شيل وشيل
اللى بيفكر يهينك
او فى يوم يلوى يمنك
دوس عليه واحمى عزك
واحمى نفسك واحمى دينك

اللى هد المساجد
واللى هد ليك بيتك
واللى بالرصاص ضربك
وانت ساجد فى صلاتك
واللى عايش بس يسرق
فيك ويحرق فى بلادك
اوعى تبقى معاه حنين
او تلين ويلين فؤاد

انبطاحك يزيد جراحك
والبكاء مش راح يفيدك
على صوتك على بوحك
زيد فى رفضك وعنادك
قولو لم لم كلابك
وقفل بابك عليهم
اللى جاى جاى سم
فى حشاك وفى حشاهم

واللى بيفكر يهينك
او فى يوم يلوى يمنك
دوس عليه واحمى عزك
واحمى نفسك واحمى دينك
انت راجل ولا عيل
ولا حرمة راح تولول
ليك ذراعك ليك عزيمتك
و لكرامتك شيل وشيل

بقلم محمد البلاط

 

خدتى ايه - بقلم محمد البلاط

خدتى ايه من مكانك
الا قلت احترامك
واللى نفسه فى يوم يجاملك
يلعن ابوكى اللى جابك

كارهه ليه الدين وناسه
وانتى مش عارفه اساسه
رافع شأن اللى حبه
واللى فى القران عاشه

تعرفى ايه من الاساس
غير دعارة وفيها ناس
ليكى فيها وبتداريها
وماشيىة خلعة اللباس

عهرك فى عينك وباين
وقلبك المرضان خاين
مش بقولها طعن فيكى
ولا رد للجمايل

انتى عاهرة وطبع فيكى
وانا فاكرك مش نسيكى
الف كاس خمرة بيدك
الله يخدك ويتاويكى
الله يخدك ويتاويكى

بقلم محمد البلاط

 

ليه بظلمه تفكرونى - بقلم محمد البلاط

 

ليه بظلمه تفكرونى

---------------

ليه بظلمه تفكرونى ليه بغدره تذكرونى

بعد ما نسيت القسية وبعد ما ضاعت عيونى

وبعد جرحى ما طاب وفرحى ليل نهار بيوسينى

وافتكرت انى نسيت ودمع جف من عيونى

ليه بظلمه تفكرونى ليه بغدره تذكرونى

راح وقولت خلاص دا راح وابتدت تشفى الجراح

وانسى انى فى يوم قسيت وعفيت عن اللى راح

وقولت ابداء من جديد يمكن اقدر لقلبى اعيد

فرحه واطبب جراح موشومة بنار وحديد

ليه بظلمه تفكرونى ليه بغدره تذكرونى

بعد ما نسيت القسية وبعد ما ضاعت عيونى

وبعد جرحى ما طاب وفرحى ليل نهار بيوسينى

وافتكرت انى نسيت ودمع جف من عيونى

ليه بظلمه تفكرونى ليه بغدره تذكرونى

بقلم محمد البلاط

ااااه يا زمن مذبوح - بقلم محمد البلاط

 ااااه يا زمن مذبوح
----------------
ااااه يا زمن مذبوح وملينا نوح وجروح
مظاليم وفين هنروح مادفعنا اغلى ثمن
مظاليم من احبابنا ومن جارنا ايه نابنا
الا القسى صابنا وتوهنا ويا الريح
بالود ودينا وروحنا وجينا
بنتمنى رضاهم صمو ما سمعونا
وبمر الشكوى بنشتكى منهم
ورغم القسوة ولسة فاكرينهم
ااااه يا زمن مذبوح وملينا نوح وجروح
مظاليم وفين هنروح مادفعنا اغلى ثمن
مظاليم من احبابنا ومن جارنا ايه نابنا
الا القسى صابنا وتوهنا ويا الريح
فيه مين غير الله هنقصده ونشكى
من جرح و من ااااه وبدمعنا نبكى
ونحكى عن حالنا وايه جرالنا
يمكن يصبرنا على القسوة ويعينا
ااااه يا زمن مذبوح وملينا نوح وجروح
مظاليم وفين هنروح غير لله ونشكى
يمكن يصبرنا يمكن يصبرنا
بقلم محمد البلاط

ابشر بافعالك - بقلم محمد البلاط

 ابشر بافعالك

-----------

ان كنت يا عتريس فاكر الرصاص يحميك

وحبة غفر وبوليس هيشدو على ايدك

تبقى عايش الوهم ومعدش عندك فهم

وشيطانك مغويك تسفك وتشرب دم

ابشر بأفعالك جالك يومك جالك

لا ندم ينجيك ولا نافعة خلانك

هتحصد المزروع هو اللى يبقالك

واللى اتقرص من الجوع راح ياكل كبدك

وان كنت يا عتريس فاكر الرصاص يحميك

وحبة غفر وبوليس هيشدو على ايدك

غضب الخلايق مر من الصخور بيمر

وهيوصلك الضر مهما تكون حريص

ابشر بافعالك جالك يومك جالك

بقلم محمد البلاط

الصبر كيسه اتخرم - بقلم محمد البلاط

 

الصبر كيسه اتخرم

---------------

مش هشتكيلك قسوتك

ولا هشكى منك للزمن

ياما قلبى شاف فى محبتك

واداك كثثير من غير ثمن

وان كنت بقبل قسوتك

واقبل من الحلو اتحرم

مش معنى دا انه رضى

والصبر كيسه اتخرم

يا نعيش على الحلو سوى

ولو يكون مر الدوا

هقبل انا وقلبى نوى

افضل معاك

لكن عشان قلبى يشيل

حزن والم

وحمل ثقيل

انا مش اسير ولا من الخدم

ويبقى اللى بينا اتهدم

ومش هشتكيلك قسوتك

ولا هشكى منك للزمن

ياما قلبى شاف فى محبتك

واداك كثير من غير ثمن

واداك كثير من غير ثمن

بقلم محمد البلاط

ملكش مكان تانى - بقلم محمد البلاط

ملكش مكان تانى
-----------------

مبقتش معايا تفرق
لو تبعد او تقرب
خلاص بقى بينا مفرق
يا تشرق يا تغرب
معدش اهتمامى
هيكون بيك تانى
بعد غدرك بقلبى
وانك بقيت انانى

مبقتش معايا تفرق
تشرق او تغرب
كنت بامنك وتسرق
من عمرى كثير وتهرب
مبقتش معايا تفرق
ولا تانى راح اجرب
بعد غدرك بقلبى
وعليك دمعى ما يصعب

هستنى ايه تانى
من اللى بعنى ورمانى
وفى عز فرحى هنى
وفى حزنى كان بيهرب
اغضب قد ما تغضب
معدش منها مهرب
يا تشرق يا تغرب
بعد غدرك بقلبى
ملكش مكان تانى
ملكش مكان تانى

بقلم محمد البلاط

 

When the Armed Mafia Reigns - Posted by Muhammad al-Balat

 In the time of Sisi, we have become animals like camels and we repeat them like sheep and goats, and all this is in the service and interest of the tyrant ... We are concerned about the extent of our naivety and frivolity, what a shame if we reach this level of decadence ... and all the channels repeat these terms, unfortunately a free service or a price for the tyrant. Sisi, and our cause and our battle between sheep and goats became on social media and Sisi's flags. And the poor in the street became suffering from high prices and looting, their homes were destroyed and their sanctities violated, and some of them could not find a morsel to eat ... Our cause is trading in it and it has become a battle of words only and we enjoy its magic, they drug us and scare us with words. Wake up, people of Egypt - Egypt is being destroyed and its wealth stolen by armed mafia

الوطن مش بس غالى - بقلم محمد البلاط

 

الوطن مش بس غالى

-----------------

السياسة من النجاسة والخيانة وبيع وطن

فن ممكن عليه تركن بس تدارى العفن

والنهاردة لو هترضى تبقى عبد هتدفن

الكلاب هاجت وماجت واشترو رضى الجوارى

والصور كثرة وشاعت فى الشوارع والحوارى

والف بوق يشحت بزوق صوت لصاحب المعالى

اللى جالس وعرشه فوق وانت ليه متساق وشارى

قبل منه عشموك والعشم راح فى التراب

باللوادر دول دسوك ولونو عيشتك هباب

هدمو المسجد وبيتك وانت موهوم بالكباب

اصحى فوق يا ابن الكرام شوف بكام هتبيع كرامتك

شلة وحبة لئام خططو يبيعو ارضك

واللى باقى الركام بعد ما هلهلو عرضك

الكلاب هاجت وماجت واشترو رضى الجوارى

والصور كثرة وشاعت فى الشوارع والحوارى

والف بوق يشحت بزوق صوت لصاحب المعالى

فوق يا صحبى اصحى فوق الوطن مش بس غالى

بقلم محمد البلاط

اسمع انتا لدق قلبك

 

اسمع انتا لدق قلبك واسألو بيدق ليه

وقولى ايه ايه سر ظلمك وليه قلبى جنيت عليه

ليه طبعك دا غريب والعجيب انا شوفتو فيه

من الغريب دايما تقرب والقريب تقسى عليه

اسمع انت لدق قلبك واسألو بيدق ليه

وقولى ايه ايه سر ظلمك وليه قلبى جنيت عليه

ليه قلبى جنيت عليه

كنت بشتاقلك فى غيبتك وكنت بستنى تجيلى

وفى خيالى انى حبيبتك وانت بس اللى الى

اترينى اترينى

اتخدعت فى وهم حبك وكنت فاكرة انك شرينى

انت جاى بعد غيبة للعتاب ولا لحبيبة

قولى قولى ايه قصدك وصارحنى بالحقيقة

ليك هناك فيه حب تانى ولا قلبك دا نسانى

ولا غيرت فى طبعك من حنون وبقيت انانى

كنت بشتاقلك فى غيبتك وكنت بستنى تجيلى

وفى خيالى انى حبيبتك وانت بس اللى الى

اترينى اترينى

اتخدعت فى وهم حبك وكنت فاكرة انك شرينى

واسمع انتا لدق قلبك واسألو بيدق ليه

وقولى ايه ايه سر ظلمك وليه قلبى جنيت عليه

بقلم محمد البلاط

الجرح ما بيئلمش - بقلم محمد البلاط

 الجرح ما بيئلمش

----------------

الجرح ما بيئلمش
ودواه بقوات ااااه
لكن الازى للنفس
ملقوش ليه دوا
وجرح الحبيب ملعون
لو كان باى لون
انا عندى اجوع واصوم
وعنى ما يبعدش
الهجر نار تكوى
وللقلوب تشوى
ميحسهاش مهموم
طول ما معاه محصلش
وكل الجراح تهون
ولو بقت الوان
اهون من الاعدام
بالازى النفسى
الجرح ما بيئلمش
ودواه بقوات ااااه
لكن الازى للنفس
ملقوش ليه دوا

بقلم محمد البلاط

انا من غيرك طير مجروح - بقلم محمد البلاط

 انا منغيرك طير مذبوح

.........................

ااااااه من شوقى ولوعة قلبى

كل مااحاول ادارى واخبى

تحن عواطفى ليك وتبوح

وابقى فى حال غير الحالة

واشبه طير فى جبل مجروح

هيمانه بيك والوجد تعبنى

ليه بالهجر ناوى تعذبنى

لو مقدورى ابعد واسلاك

بردوا هوايا ليك هيجبنى

وصعب عليا انى انساك

تايهه بوجدى وغصب عنى

بحاول انى اكون واياك

يمكن حضنك ده يصبرنى

ويدخلنى فى نشوه معاك

ليه بتهجرنى وبتظلمنى

غصب عنى بقول الااااه

ااااااه من شوقى ولوعة قلبى

كل محاول ادارى واخبى

تحن عواطفى ليك وتبوح

وانطق من جرحى اللى فى قلبى

انا منغيرك طير مذبوح

بقلم محمد البلاط

يا قلبى نام وريحنى - بقلم محمد البلاط

 يا قلبى نام وريحنى وبلاش بالشوق تفضحنى

سمعت الشورة وشورتك يوماتى يا قلبى تذبحنى

لا شايفه اللى بتشتاقلو ولا عارف توضحلى

يا قلبى نام وريحنى يا قلبى نام وريحنى

شغلت العقل بهواهم ورحت وجيت وياهم

لا نابك الا الالم منهم وضاعو منك احبابك

صبحت وحيد بتتألم ومش عارف مين تكلم

وتشكيلو باوجاعك وقسوة محبوب باعك

ومش قابل فى يوم تندم ولا تصدق بخداعك

يا قلبى نام وريحنى وبلاش بالشوق تفضحنى

سمعت الشورة وشورتك يوماتى يا قلبى تذبحنى

يوماتى يا قلبى تذبحنى

بقلم محمد البلاط

خيال الظل - بقلم محمد البلاط

 خيال الظل

----------

فهمنا الصورة واصولها

ومين للكميرا بيديرها

ومين فى الظل متدارى

ونهبها وواكلها

والغلبان مش دارى

بيشكى من عمايلها

بيشكى امه لقاضى

خاينها ورافع زيلها

مهوعادى وبيه راضى

ومش فاضى يعدلها

خيال الظل من الخمسين

لا ليه ملة ولا ليه دين

وفى الصندوق بنتفرج

على اللعبة ومش عارفين

وتركيزنا مع الصورة

وسيبنا الظل وخياله

عقولنا فيه محسورة

ومش عارفين اسراره

غير ان فى لحظة يتغير

وتتدور لنا الصورة

ويبقى الظل الاصلى

بنسر وكام دبورة

خيال الظل من الخمسين

لا ليه ملة ولا ليه دين

بيلعب بينا الكورة

وبيشوطنا ومش عارفين

خيال الظل

بقلم محمد البلاط

يا هلترا - بقلم محمد البلاط

 

يا هلترا يا هلترا
هيجيلنا يوم نشوف نوم ولا الهموم متقدرة
مين اللى باع واشترى
عمر العويل ما كان كبير ونظرته دايما ورا
يستسهل المكسب بلاش ومناه يكون فى يده كاش
يشبه للوح الابلاكاش ابو سوك مكسرة

موهوم ووهمه انه شىء مع انه ما يسواش شىء
لكن الزمن جاى لورا رفع العويل سجن البريىء
والفن اصبح مسخرة
يا هلترا يا هلترا فى يوم هينزاح الخرة

فيه ناس بتدمن العفن وناس تفضل الكفن
وناس لا عارفة مقبرة ولا فين راح تندفن
وناس بتدمن الكلام بالسب واللعن وخصام
تشبه لرمة كلب عام على وش بركة واتخرم

يا هلترا يا هلترا هيجيلنا يوم نشوف نوم
ولا الهموم علينا دى متقدرة

بقلم محمد البلاط

ناس رجعت الارض لناسها - بقلم محمد البلاط

 

ناس رجعت الارض لناسها

-----------------------

ناس رجعت الارض لناسها

وناس بتبيع الارض بفاسها

وناس رجعت الناس لبيتها

وناس كرشتها وقطعو نفسها

وناس في العين والنن شالتها

وناس عروها وخلعو لباسها

ناس وناس وناس وناس

فيهم القفل والترباس

وفيهم الفاهم واللى ليه راس

وفيهم ابو عقل اصله مداس

ناس كانت تعرف معنى الزوق

وامتى يثور وامتى يروق

وناس بتزم الحاكم العادل

زى ما سبو قبله فروق

داء وعادة وحبة زيادة

للرقاص يبوس بيادة

ويسجد للى بعصا بيسوقه

ولجزمته يعبدها عبادة

وكلها ناس ماس ورصاص

واللى ازاز واللى نحاس

واللى يحق عليك تدوسه

واللى تشيله فوق الراس

ناس رجعت الارض لناسها

وناس بتبيع الارض بفاسها

وناس رجعت الناس لبيتها

وناس كرشتها وقطعو نفسها

وناس في العين والنن شالتها

وناس عروها وخلعو لباسها

بقلم محمد البلاط

انتم خدم - بقلم محمد البلاط

 

انتم خدم
--------

لفو اللى باقى وسلموه
لابن الحرام وامه وابوه
وان جواكم الم
انتم خدم ابقوا اكتموه
ومتقلقوش تانى الولد
ولا تطلبوش شىء من بلد جاية هدد
غير الخراب ايه هنلقوه
لفو اللى باقى وسلموه
لابن الحرام وامه وابوه
واياك تستفتوا امام
اوشيخ بيبيع الكلام
زمن اللى بيسوق العوج
واتحكموا فيه اللئام
المستقيم فيه اتعوج
واتقل قيمة الكرام
ومتسألوش حقوقنا فين
من امتى كان للعبد عين
يطلب من السيد عطا
او بالغطا يتلف زين
لفو اللى باقى وسلموه
لابن الحرام وامه وابوه
وان كان جواكم الم
انتم خدم ابقو اكتموه

بقلم محمد البلاط