عبد العاطى بيسلم بقلم محمد البلاط

عبد العاطى بيسلم
----------------

قلولى ان انتى تعبانة
سلامتك الف سلامة
مصدقتش وجيتلك جرى
معايا اكياس مليانه

انا جيبالك الخبرة
سخين كفتة مع ابرة
وفص ليمون فيه العبرة
ما عبد العاطى وصانا

يا ست الكل ايه كرونا
هتعمل ايه ويانا
دا منها فطارنا وعشانا
وبنبلع بحبة شاى

خديلك من الليمون فصين
وضيفى من الفول حبة
وكام بصلة مع بتنجان
وزيدى حبة من الشطة

ووصفتنا يا دوب شهرين
مش هتطول و تيجى الجلطة
وتتصلب فيكى الشراين
وتتلم كرونة فى حته

ونحقنها بمية نار
من دقيقة لحدود سته
مع دهنة من الصبار
ساعتها ترتاح الجته

وعبد العاطى بيسلم
على العلم اللى ما بيفهم
ايه معنى الفول المبلول
وايه معنى الكفته

محمد البلاط