الدنيا على جناح بعوضة - بقلم محمد البلاط

الدنيا على جناح بعوضة
--------------------------

لم القرشين بذهب فى ايديك
يا تشيلو فى البيت يا تخليه معاك
الضايع مش راجع تانى
من الباب ولا حتى من الشباك

مصلحتك شوف ذيلها وراسها
واعرف الاعبها وتعريصها
الدنيا مينفعش تبوسها
ولا تستنظرها تيجى وياك

وان عشمك كان فى البنك كثير
وربطت امورك بيه واسير
ابشر يا حبيبى بكل الخير
لو ليك مليم بكرة هيطير

لا دولار راح ينفع ولا فيه جنيه
ولا شيك راح يمشى ولا تلقاه
واسمعها يا عم اسمعها يا بيه
اعلان افلاس راح تعمل ايه

الدنيا على جناح بعوضة
والجاى ايام كلها سودة
فيه مجاعة واكل على النوته
والنافع اللى انت شريه

خزن فى طعامك لايامك
واعمل وياك حساب جارك
متقولش القرش انا بلعب بيه
ولا لحديث حبيبنا نسيه

لم القرشين بذهب فى ايديك
يا تشيلو فى البيت يا تخليه معاك
الضايع مش راجع تانى
من الباب ولا حتى من الشباك

بقلم محمد البلاط

ااااه منك يا كرونا اااه منك - بقلم محمد البلاط

ااااه منك يا كرونا ااه منك
------------------------

اللى مكنش فى قلبه حنان لما جيتينا حن ولان
ااااه منك يا كرونا ااه منك ضيعتى امل العشمان

وبينتى الخاين وحقيقته وكشفتى الاعيبه وسيرته
وفضايحه على كل لسان والمؤمن ارتاح من فعله
وفساده لشهر رمضان

انسينا وخليكى معانا ااااه يا اشرف مخلوق يا كرونا
ااااه يا رده الخلق لربه وعدالة موازين مجنونة

اااه يا درس للعاصى وناسى فيه يوم هيجيلوه ويقاسى
ولا ينفع واسطة ولا صاحب ولا قعدة فى مجلس بكراسى

اللى مكنش فى قلبه حنان لما جيتينا حن ولان
ااااه منك يا كرونا ااه منك ضيعتى امل العشمان

بفلم محمد البلاط

اسباب حصار ابن سلمان للمنطقة بين الركن والمقام ؟؟؟؟؟

اسباب حصار ابن سلمان للمنطقة بين الركن والمقام ؟؟؟؟؟
-----------------------------------------------------

ابن سلمان على علم بان ظهور المهدى قد اقترب وخوفه على عرشه جعله يعتقد انه يمكنه ان يمنع الامر بتفريغ الحرم ومحاصرة منطقة الركن والمقام كى لا يتمكن احد من دخول هذا المنطقة المشار اليها لبيعة المهدى ولا يعلم ان من نجى موسى من فرعون قادر ان ينجى المهدى من يد السفهاء

ولو تمعنت النظر فى قصة موسى عليه السلام ستجدها تتطابق مع قصة المهدى
حتى فى طلبه من جنود فرعون الذى قرر قتل اطفال بنى اسرائيل الغلمان الذكور بسبب انه راى
فى منامه ان هناك نار عظيمة تخرج من بيت المقدس تاكل كل ما فى طريقها زاحفة الى مصر واذا وصلت احرقت كل بيوت ال فرعون والقبط وتركت بيوت بنى اسرائبل كما هيا

فارتجف فرعون وذهب الى كهنته فاخبروة ان هناك صبى سيولد من بنى اسرائيل سينهى ملكك ويكون هلاكك على يده فادركو ان من بيت المقدس هم بنى اسرائيل الذين يعيشون فى مصر منذ مجىء يوسف عليه السلام واخوته واهله واستقرو بها فالغلام سيكون من بنى اسرائيل

فهنا قرر فرعون بقتل اى صبى يولد من بنى اسرائيل ... فاخبره الكهنه اذا قتلت جميع غلمان بنى اسرائيل من يخدمنا ويلبى طلباتنا فقرر ان يقتل الصبية فى عام والعام الاخر يتركهم يعيشون ففى العام الذى تركهم يعيشون يولد نبى الله هارون عليه السلام وفى العام الذى امر بقتل اى صبى يولد موسى عليه السلام

بسم الله الرحمن الرحيم
{{ ان فرعون علا فى الارض وجعل اهلها شيعا يستضغف طائفه منهم يذبح ابنائهم ويستحى نسائهم انه كان من المفسدين }} صدق الله العظيم

حدثنا معتمر بن سليمان عن الأخضر بن عجلان عن عطاء بن زهير بن فزارة العامري عن أبيه
عن عبد الله بن عمرو قال أما إنها ستكون فتنة والناس يصلون معا ويحجون معا ويعرفون معا ويضحون معا ثم تهيج فيهم كالكلب فيقتتلون حتى تسيل العقبة دما وحتى يرى البريء أن براءته لن تنجيه ويرى المعتزل أن اعتزاله لن ينفعه ثم يستكرهون رجلا شابا مسندا ظهره بالركن ترعد فرائصه يقال له المهدي في الأرض وهو المهدي في السماء فمن أدركه فليتبعه.
وأقول أنا بعد موت الخليفة و الآيات في رمضان أيهما أولا سيكون بلاد الحرمين بلا خليفة و تكون الشرط مشغولة عنهم باقتتال بين آل سعود بعضهم مع بعض وستقع الفتن في الحجيج و يسلبونهم و يقتلونهم هل هي (بسبب المتقاتلون أم ) بسبب ضعف التحكم على الحجيج أم بغيره ) حتى يرى محمد بن عبد الله هذا و يبكى عند الكعبة و يبايعه السبع العلماء

لو بتحب صحيح من قلبك - بقلم محمد البلاط

لو بتحب صحيح من قلبك
------------------------

لو بتحب صحيح من قلبك كنت تسامح اللى يحبك
لكن باين فيك من فعلك ان الحب مكنش فى عرفكك
ولا ليك نية تحن عليه

لما القسوة دى شيء فى دمك ليه شاغلنا كثير بهمك
وانتا لا سائل ولا شىء همك فى اللى جرحته و قاسى عليه

ليه متابع ليه خطواته ليه بتحسب ليه حركاته
وانت اللى فضلت بعاده ومفكرتش تسألو ليه
ليه الحزن باين فى عنيه

لو بتحب صحيح من قلبك كنت تسامح اللى يحبك
لكن باين فيك من فعلك ان الحب مكنش فى عرفكك
ولا ليك نية تحن عليه

بقلم محمد البلاط

مين فى الدنيا يحبك قدى - بقلم محمد البلاط

مين فى الدنيا يحبك قدى
ومن يهواك قد ما بهواك
دمعى يبات الليل على خدى
لما تغيب واستناك
وافضل طول الليل انا افكر
ايه اللى حصل للصفو وعكر
وايه خلاك عننا تتأخر
واحنا اللى بنتمنى رضاك

مين فى الدنيا يحبك قدى
ومن يهواك قد ما بهواك
مش راح اقولك بص فى عينى
ولا راح اقولك اسأل نفسك
اسأل فرشى اللى مدفينى
واسأل همس الليل عن اسمك
يشكى يقول انها هجرانى
والف قاموس وقاموس فيه رسمك

مين فى الدنيا يحبك قدى
ومن يهواك قد ما بهواك
واسأل نفسك ليه كان صبرى
وليه لأساك طال البال
رغم ما ضاع وياك من عمرى
وشيلت حمول ما شايلها جمل
اسأل نفسك واسأل روحك
مين للحمل ساند لو مال

اسأل نفسك واسأل روحك
مين علشان شخصك بيحبك
ومين يبيع من عمره وروحه
لجل ما يسعدلك يوم قلبك
ومين بيطوى بصبر جروحه
ولا يشكيش فى يوم من هجرك
مين فى الدنيا يحبك قدى
ومن يهواك قد ما بهواك

بقلم محمد البلاط

دا انا معرفش انى بحبك - بقلم محمد البلاط

دا انا معرفش انى بحبك
----------------------

مش علشان حبيتك يبقى
ليا فى عالم الحب دا سابقة
دا انا معرفتش انى بحبك
الا بشوق كوانى بحرقة
ليه تظلمنى وتعذبنى
وتبعد عنى بحب الفرقة
ودا كان غصب عنى ومنى
جهل لأنى معايا مش فارقة
كنت بعاملك زى الناس
اخ وصاحب راس براس
وميفرقش معايا عنادك
لكن غيابك ليه احساس
اوقات احس بأنى فى توهة
وطفلة الأهل راحو وسبوها
واوقات احس بشىء ضاع منى
غصب عنى الناس سلبوها
واوقات احس انى بحتاجلك
طفلة وملهوفة علىى ابوها
يمكن القى حنان فى حضنك
وتمسح دمعة الناس سبوها
ودا خلانى عرفت بأنى
بعدك عنى ليه بيألمنى
ولما سألت الناس قلولى
حبك انت اللى مجننى
مش علشان حبيتك يبقى
ليا فى عالم الحب دا سابقة
دا انا معرفتش انى بحبك
الا بشوق كوانى بحرقة

بقلم محمد البلاط

يا ريت الدرس علمنا - بقلم محمد البلاط

يا ريت الدرس علمنا
ومنه العقول فاقت
وصفيت لله قلوبنا
ونسيت حقدها وراقت
ورجعت لله راضية
بخير مليانة مش فضية
وتابت لله توبه
نصوحة قبل القاضية

غضب الله ما بيفرقش
مابين عامل وبين معملش
مدام القلوب راضية
وشافت الغلط مقلتش
وحتى الطفشان مهاجر
ويائس من نصحهم مصبرش
هيتساوى مع الفاجر
ويونس للخلايق درس

وساكن البروج فاكر
بتشيدها ناجى ومشكرش
ومتكبر بمال فاكر
بماله الخلايق رتش
غضب الله ما بيفرقش
مابين عامل وبين معملش
مدام القلوب راضية
وشافت الغلط مقلتش

يا ريت الدرس علمنا
ومنه العقول فاقت
وصفيت لله قلوبنا
ونسيت حقدها وراقت
ورجعت لله راضية
بخير مليانة مش فضية
وتابت لله توبه
نصوحة قبل القاضية

بقلم محمد البلاط

قولى يا عمرى - بقلم محمد البلاط

ياللى البدر بيغير منك وليل الدنيا بيبقى نهار
لما بتضحك واشوف سنك المح عينك فيها اسرار
قولى يا عمرى على اللى فى قلبك
انتا عارفنى كثير بحبك
بس باقيلى اسمع منك
قلبك حن ولا بعندك
هفضل تايه ومحتار
قولى يا عمرى
بلاش تتركنى
تايه بين الجنة ونار
ياللى البدر بيغير منك وليل الدنيا بيبقى نهار

بقلم محمد البلاط

هنعالج الفيرو بكذبرة وكفته - بقلم محمد البلاط

هنعالج الفيروس بكذبرة وكفته
---------------------------

👮‍♂️ انا وانتى والكفته لو فيه لينا لفته
هنعالج الفيروس بكذبرة وكفته
لكنهم اسين ولخيرنا دول نكرين
رغم سهرنا سنين عملونا النكته

سيبك بقى منهم وبلاش نكلمهم
ونعيش ايامنا عساه يخدهم
ملهمش فى الطيب ولا اللى يخدمهم
دا انا لسة قريب على الكفته عزمهم

👩‍⚕️ ياعبده ميهمكش وفى الماضى بطل نكش
فيه ناس جربانة ممبطلاش الهرش
والرشح والكحة وسخونة ويا العطس
وناس من جوعها مش لاقية حتى الفرش

اعمل صواب وارميه فى البحر يوم تلاقيه
وطلع المدفون المصل ليه مخبيه
دا كله كيلو ليمون وعليه جرام اخييه
وتبقى بالجملة عملت مجاملة
وعلاج القملة يا عم تاجر فيه

👮‍♂️ قلبك حنين ليه ما تشوفى عمايلهم
قالو علينا ايه سمونا بكلامهم
وجهاز الكفته بتوابله سلمته
كل اللى خدته لبوس وشى ما شوفته

سيبك بقى منهم وبلاش نكلمهم
ونعيش ايامنا عساه يخدهم
ملهمش فى الطيب ولا اللى يخدمهم
دا انا لسة قريب على الكفته عزمهم

بقلم محمد البلاط

حاول تنسى - بقلم محمد البلاط

حاول تناسى
-----------

👨‍🎤 انا عارفك يتوه العقل فى وصفك
اميرة فى قصرها العاجى وعرش وحارس وتاج
غزالة العين بتندهلك وخلخالك فى القدم زاينك
على مهلك على مهلك عيون الكون بتنظرلك
عصير من توت فى شفايفك وبالالوان راح ارسملك
واوصف فيكى مفاتنك على مهلك على مهلك
..........
👩‍🎤حاول تنسى حاول تنسى
بترسم خجلى وتحاكى بريشتك الجمال فيا
وبتلون بألوانك بلون الورد خيالك ملاك انسيه جنيه
وكل الوصف يحلالك
وزهرة جميلة فى بستان على ميه فى فسقية
والوانك خالطها بعطر يحاكى احساسك بيا
لكن احساسى نسيته ؟؟؟؟ كأن قلبى بأديا
عشان رسمك هميل لك واملكلك ذمام قلبى
صحيح اعجابى بفنك والقبعة ارفعلك عشان رسمك
لكن احساسى جوايا متعرفهوش انا الأنثى انا الأنثى
عشان نفسك حاول تنسى مترسمهوش
انا نفسى لاحساسى مأملكهوش وريشتك رغم روعتها متوصلوش
انا الأنثى وسر الأنثى ليه انسى متوصلوش متوصلوش

بقلم محمد البلاط

شارد وبطلب رجاء - بقلم محمد البلاط

شارد وبطلب رجاء

------------------

شارد ويطلب رجاء وسط الفلاة سائح

لا فيه نجم فى سما ولا جاى ولا رايح

تاه الدليل فى ليل للخلق كان بايح

مفهوش غير الويل للجاى والرايح

لحبيبى بطلب اثر او شىء يكون شارح

سبب البعاد انكسر ولا بيتمازح

فى عينى رق الدمع لطريقه بيدور

عساه يكون الشمع اللى بيه ينور

مخلوط بصبر والم جوة الحشى مغور

وشارد وبطلب رجاء وسط الفلاة سائح

بقلم محمد البلاط

بستناك واستنى رجوعك - بقلم محمد البلاط

بستناك واستنى رجوعك

---------------------

علشان بينا شطوط وبحور بستنى رسايلك تجينى

تريح قلبى وتريحنى واشوف فيها طاقة من نور

يمكن اقدر اصبر قلبى اللى يوماتى بيدعى لربى

يطوى الارض وتكون جنبى ويبقى علينا فى الفرح الدور

بستناك وزمن بيعدى وبتمنى الايام تهدى

يمكن القى الحلم الوردى اللى حلمت بيه وياك

بستنى منك مرسالك يحكيلى عنك ويقول مالك

ويعشمنى انك راجع راجع راجع تانى لدارك

او بعنيه اشوفك راجع يمكن ترفع عنى مواجع

وانت اختار ويبقى قرارك اترك شط البحر وارجع

ولا استنى الموج يجيبك

بستناك واستنى رجوعك يمكن اعرف ايه موضوعك

ليه فضلت الغربة وبعدك واحنا منانا ان احنا نشوفك

علشان بينا شطوط وبحور بستنى رسايلك تجينى

بقلم محمد البلاط

غير الليمون راح اعمل ايه - بقلم محمد البلاط

غير الليمون راح اعمل ايه
ياللى ما عجبكم عجب
ليه بتظلمونى معاكم ليه
واكثر ما فيكم ليه غضب
لا حرمتكم من الصلاة
ولا فارضه الصوم فى رجب
لومو اللى خلها خرة
وعلى الكبير فيكم ركب
لومو اللى حلل الحرام
واللى اهان منكم الكرام
واللى مسلم ارضكم
وفى عرضكم فرط وخان
لومو عليه انا ابقى ايه
انا واحدة ست مرفهة
عليزة تشوف بختها
يمكن فى لحظة تلاقيه
غير الليمون راح اعمل ايه

بقلم محمد البلاط

انا شوفت فى منامى غنم - بقلم محمد البلاط

انا شوفت فى منامى غنم
---------------------

انا شوفت فى منامى غنم
مش زيكم ولامنكم
والراعى ماهش محترم
ولا يسوى شى فى بزلكم
ماشى بعصاه والف وراه
بيحاجو بس على الغنم
واللى تقول اوفا وااااه
صوتها بسيكين يتكتم
والراعى ذيب وملوش ضمير
ولا ليه حبيب ولا فيه خير
فى مرعى دول مسجنون
مفهاش غير الزمهرير
لا سكنها طير ولا فيها بير
وصحيت وانا كلى قلق
امتى يا ربى دا يتخلق
اكفينا شر دا زمن
والرعد لو شد وبرق
انا شوفت فى منامى غنم

بقلم محمد البلاط

اااه منك انت يا قلم - بقلم محمد البلاط

ااااه منك انت يا قلم
لما بتكتب الألم
وترسم دموع اللى اشتكى
واللى بكى واللى ندم

اااه منك انت يا قلم
ااااه منك انت يا قلم

يا معرى كل اللى لبس
واللى اتكبس
بعد ما بالكذب اتخدم
وراسم صور متصورة
لابن الحرام محترم

ااه منك انت يا قلم
اااه منك انت يا قلم

يا مصحى نايم وفى سبات
بيحلم بغزل البنات
ومراضى طفل بحجات
جت من عدم

اااه منك انت يا قلم
اااه منك انت يا قلم

للحق ناطق والحقوق
اوقات تتوه جوا الشقوق
وتتمنى من الناس تفوق
ولو بضرب الصرم

اااه منك انت يا قلم
اااه منك انت يا قلم

اوقات بتقلب الصور
المستطيل يبقى كور
وابن الحرام بيك كبر
وبيعتبروه الصنم

واللى عجوزة مكركبة
وبالعلاج متصلبة
تبقى فى عز الصبى
ومن الجميع تتخدم

ااااه منك انت يا قلم
اااه منك انت يا قلم
اااه منك انت يا قلم

بقلم محمد البلاط

يا روح الروح بستناك - بقلم محمد البلاط

يا روح الروح بستناك

يا روح الروح بستناك وقلبى مطيره فرحه
ما بين بعدك وبين رؤياك شوق فى قلبى يطول شرحه

ومحتارة راح البس ايه اقابلك بيه
وافرد شعرى ولا اتنيه وهترضى بأيه
عشان قلبى يعيش فرحه
يا قلبى فرحك قدومه بزينته وحشمة هدومه
دى ليلة العمر هنعيشها ولو الناس هيصومو

ويا عينى اظهرى فرحك بقرة ترق من دمعك
مفيش عازول يا عين لمحك ولا هيطول يقربلك

مدام محبوبى جاى تانى هجهز ليه فستانى
واضفر شعرى واتزين عساه ما يكون ما نسانى
يا روح الروح بستناك

بقلم محمد البلاط

بشتكيلك يا الله منهم - بقلم محمد البلاط

بشتكيلك يا الله منهم

ومن قلوبهم واساهم

بيتعبونى ويهينونى

وقلبى بيحن عليهم

الحجر احن منهم

لما بميل عليه

بلقى انه احن منهم

ويبكى لما اشكى ليه

بيدارينى من عيونهم

وفى ظله اتظل بيه

ومن حمولهم الثقيلة

بتسند واميل عليه

بشتكيلك يا الله منهم

غدرهم اعمل فيه ايه

الحجر احن منهم

لما بميل عليه

محمد البلاط

بقيت فى الريح قشاية - بقلم محمد البلاط

بقيت فى الريح قشاية
------------------

كرونة عدوها الفلفل وفول بالزيت وحبة بيض وخصايه
يا ريت بالشاى دا تقفل وحبة حمص نتايه
من اللب تجيب كيلو وسودانى مقشر وصابح
وتخلطه خلطة وتشيله لحد ما يجى انبارح
وان جالك هنيالك شفيت منه وبقيت فالح
لكن منين راح يجيلك والف كلب حارسينك
يا اما تموت وتتشرح يا اما يطلعو عينك
وعمرك تانى ما هتفرح ولا تتحقك امالك
وفيرس الخيانة موجود مبين اهلك وجيرانك
ملوش علاج وداء مسنود ومنه لازم تهلك
كرونة عدوها الفلفل وفول بالزيت وحبة بيض وخصايه
يا ريت بالشاى دا تقفل وحبة حمص نتاية
وبول العير يفيدك ومتسبهوش من ايدك
ولو تاخدو فى وريدك بسرعة يبان
ووقتك تعيشه وحدك بعيد عن صحبك واهلك
وتعتبر فى الحياة نفسك بقيت فى الريح قشاية
بقيت فى الريح قشاية

بقلم محمد البلاط

Jetzt wollen sie den Gefallen nicht erwidern. -محمد البلاط

Während des Zweiten Weltkriegs, der von 1939 bis 1945 dauerte, flohen Tausende europäischer Flüchtlinge vom alten Kontinent in die Länder des arabischen Ostens, einschließlich Syrien, auf der Suche nach einem sicheren Hafen. Als griechische Flüchtlinge in muslimische Länder flohen, wurden sie bestens betreut und respektiert.
Jetzt wollen sie den Gefallen nicht erwidern.
Erinnern Sie sie an die Geschichte und daran, dass Palästina arabisch ist und Jerusalem uns gehört

عبد العاطى بيسلم بقلم محمد البلاط

عبد العاطى بيسلم
----------------

قلولى ان انتى تعبانة
سلامتك الف سلامة
مصدقتش وجيتلك جرى
معايا اكياس مليانه

انا جيبالك الخبرة
سخين كفتة مع ابرة
وفص ليمون فيه العبرة
ما عبد العاطى وصانا

يا ست الكل ايه كرونا
هتعمل ايه ويانا
دا منها فطارنا وعشانا
وبنبلع بحبة شاى

خديلك من الليمون فصين
وضيفى من الفول حبة
وكام بصلة مع بتنجان
وزيدى حبة من الشطة

ووصفتنا يا دوب شهرين
مش هتطول و تيجى الجلطة
وتتصلب فيكى الشراين
وتتلم كرونة فى حته

ونحقنها بمية نار
من دقيقة لحدود سته
مع دهنة من الصبار
ساعتها ترتاح الجته

وعبد العاطى بيسلم
على العلم اللى ما بيفهم
ايه معنى الفول المبلول
وايه معنى الكفته

محمد البلاط

ووياك ننتظر الجاى - بقلم محمد البلاط

ووياك ننتظر الجاى
بقلم محمد البلاط
=========

مفيش مكسب
مفيش مكسب
وكل اللى هينوبك
فى نعش من الخشب تركب
على اكتاف الرجال رايح
بفضايح ولو تغضب
هتعمل ايه فىيمن سبك
لا بيدك ولا برجلك
وسايب عار لاهلك
وورث يورثه ولدك
مفيش مكسب
مفيش مكسب

بايع دينك
عشان المال
وكرسى فى الحياة
ومنصب
ظالم وياك كثير اجيال
ونتكلم مننا تغضب

مفكرتش فى يوم فى الجاى
وهتدوملك يا عم ازاى
ومين قبلك كان الوارث
ووصلتلك يا عم ازاى

مفيش مكسب
مفيش مكسب
ووياك ننتظر الجاى

على ابوك منزلتش دموع - بقلم محمد البلاط

على ابوك ما نزلتش دموع ولا اشتكيت من الفراق
ولا النهاردة الخشوع صحى الضمير والقلب فاق
الدور مكتوبلك كدا ولا انتا محتاج للرضى
علشان دورك اللى جاى لما تموت السيدة
معروف يا استاذنا الكريم انك ممثل وعظيم
بس معدش الالوظة تنفع مع شعب لائيم
فاهمين حكايتك كلها من الشوشة حتى جزرها
وطبقة انت منها للديكتاتور خدامين
تبكى بدل الدمع دم تبقى نفر من الخدم
مبنحترمش اللى هدم وبنحترم المحترم
بس معدش الالوظة تنفع مع شعب لائيم
على ابوك ما نزلتش دموع ولا اشتكيت من الفراق
ولا النهاردة الخشوع صحى الضمير والقلب فاق

بقلم محمد البلاط