حاسس بشىء معرفش ايه وكلام ناس بالنأوره
وناس بتبكى من الم وناس بترجع لورا
وحاسس كمان بالخير راح والناس بقت متغيرة
والدم ريحته يا ولدى فاح من ارض كت مطهرة
اوصفلى يا ابنى عامل ايه والدنيا فيها ايه جرى
=====
راح اقول ايه وانت الى قولت
واللى مبأدرش اوصفه يا عم ليه انت وصفت
الناس نسيت ربها
وبعدت عنه بحبها
للدنيا ونزلت لتحت
الخلق بتزيد فى البنا
وعندنا وخدنها فحت
ومعدش باقى فى البشر اللى سليم كله اتكسر
اللى على شىء اتفجع واللى بيشكى من الوجع
ومعدش باقى فيه جدع الا وناوى على السفر
على اليمين فيه منطقة ناسها تقول متحدقة
تحس فيهم الوجع وعنين بس مبرقة
ولو تميل على الشمال تلقى عيال متشبرقة
ولاد هوى وولاد كاس ليلهم نهارهم والرصاص
فى راس ناس معشقة
واسود لونها والهموم على ناس كثير متفرقة
على اليمين وحبة ميل واطلع رصيف
وخليك خفيف فى خطوتك
اصل طرنش الكنيف طافح ومالى سكتك
ومعايا عدى نروح هناك عند طريق حضرتك
واى خدمة يا عمنا وانا تحت امرك
-======
تشكر يا ولدى ويكرمك ويطول عمرك
انا نفسى يا ابنى افهمك
وبكلمة منى تخدمك
انا ذى والدك
ان جار عليك الزمن
تداويه بصبرك
واياك تيأس من الحياة
واعطيها ظهرك
بقلم محمد البلاط
ليست هناك تعليقات:
إرسال تعليق