مش مطلوب منك تهوانا - بقلم محمد البلاط

مش مطلوب منك تهوانا
------------------------

مش مطلوب منك تهوانا ولا مطلوب ان احنا نحبك
ربك اعلم ايه جوانا وايه مكتوم ومش بنقولك
رغم اساك علينا صبرنا وجيت كملت علينا بغدرك
ان كان طبعك كده فى هوانا يبقى انسانا ونبعد عنك
مش مطلوب منك تهوانا ولا مطلوب ان احنا نحبك
فكرك ان الحب مجاملة او احسان وحجات مش كاملة
لو راح تفهم معنى الحب افهم انه احساس ومعاملة
واللى بيعطى ما بيحسبش ان كان قطاعى اوجملة
اللى يحب بيعشق خله لما يشوفو بعينه داخله
وان غاب عنه بيسأل عنه ولو تعبان جنان بيجنه
وقلبه بيبكى وعينه بتشكى ويقضى الليل لله بيصلى
وانت فاكر الحب تملك علشان تعطى يبقى هتملك
تأمر تنهى ويخلص صبرك واللى ينوبنى الاخر غدرك
مش مطلوب منك تهوانا ولا مطلوب ان احنا نحبك
ربك اعلم ايه جوانا وايه مكتوم ومش بنقولك
رغم اساك علينا صبرنا وجيت كملت علينا بغدرك
ان كان طبعك كده فى هوانا يبقى انسانا ونبعد عنك
يبقى انسانا ونبعد عنك

بقلم محمد البلاط