باقى وعايش مامتش
------------------
مامتش لا مامتش
واللى يقول انه مات
يبقى غشيم وجحش
سايب فى كل حته
لينا منه الف حته
وشوف بعينك انتا
تلاقيه كثير ورتش
فى مصالح الحكومة
تلاقيله الف شومة
ومصالح الصحاب
فيها الف باب وباب
خلو مصر خراب
وعرضه لكل هبش
مامتش لا مامتش
ابقو قولو انه مات
لما تشوفو العياط
بدموع فى كل وش
ما متش لا ما متش
طول ما فيه فى الوجود
موجود مظلوم منه
والظلم الجديد
اللى موروث منه
زنازين من حديد
وعزاب كان فنه
ومتقولش ملوش ذنب
مش كان لينا رب
ورب كل اسرة
بيكون مسؤل بجد
الرحمة مش بايدنا
ولا نقدر ننفعه
ولا قبة ولا مدنة
بالدعا هتوجعه
يعلم الله بقلبه
بس احنا نودعه
لما يقولو انه مات
لما يشوفو العياط
بدموع فى كل وش
ما متش لا ما متش
بقلم محمد البلاط
ليست هناك تعليقات:
إرسال تعليق