خلاص هنطلع القمر - بقلم محمد البلاط

انا ناوى نطلع القمر
وتكونو اول من راحوه
ومتسمعوش اللى صدر
من امريكان وروس قلوه
انا اللى بس بالقوى
وفيلسوف وفهلوى
وطبيب اطبة وعبقرى
وتاجر ابيع واشترى
وعشان نطلع القمر
نشرب من العطش اللى جاى
ومن جوعنا ناكل لو نجوع
ونقولهم خلاص باى
خلاص هنطلع القمر
والدموع نعملها شاى
احنا اللى مهدنا الطريق
وفتحنا ليه وهو جاى
وطفينا بالنار الحريق
من غير ما يبقى ليها ضى
واحنا اللى هنهد السدود
اللى هتمنع عنا ماى
واحنا الى عدينا الحود
فى الكذب اللى ماليه ذى
احنا اللى بنبيع الكلام
وفى الخصام سهل قوى
ومع الاعادى شىء تمام
ومع الحباب الحنبلى
ويهون علينا الوطن
لجل ما نطلع القمر
وميقولوش حبة غجر
على جيشنا كلمة دا طرى
انا ناوى نطلع القمر
وتكونو اول من راحوه

بقلم محمد البلاط