جهز سلاحك نظفه وحدد طريقك ويا مين - بقلم محمد البلاط

جهز سلاحك نظفه وحدد طريقك ويا مين
--------------------------------------

حب الوطن مش بالكلام
ولا رسايل وورق
حب الوطن ليه احترام
ولو عشانه نتحرق
ونعيش عشانه نحمى فيه
ونخاف عليه ليتسرق
اللى خنوه واتساهلو فيه
وبسعر بخس دول بعوه
ملهمش فيه ولا عليه
يوم فكرو دول يرفعوه
واستهترو بحب الوطن
ما فكرو غير فى الثمن
اللى عشانه دول خنوه
وما قدروه ولا يعرفوه
حب الوطن مش بالكلام
ولا رسايل وورق
حب الوطن ليه احترام
ولو عشانه نتحرق
اياك تطيع كلمة مرابى عامل مطيع
وتبقى الغبى وتصدقه سهل تضيع
بيكلمك ويفهمك انه بقلبه حبها
لكن الحقية استعملك
تمضى على بيع ارضها
ولا عمره فكر فيها يوم
ولا عمره يوم دا حبها
ودليل خيانته تشوفه فيه
لما مضى على نهرها
وسلم مفاتيحها لكلاب
نهشو شرفها وعرضها
وبتغنى ومغمض عنيك
وفاكر ان مصر ليك
ما خلاص ما ضاعت من ايديك
ولا عدش ليك فى عظمها
حب الوطن مش بالكلام
ولا رسايل وورق
حب الوطن ليه احترام
ولو عشانه نتحرق
ونعيش عشانه نحمى فيه
ونخاف عليه لا يتسرق
هيجيك يوم وتعرفه
من غير ما اقول ولا اوصفه
فيه ظلم جاى اجهز ليه
جهز سلاحك نظفه
وحدد طريقك بين وبين
يوم ما هتبقى فئتان
والنصر للى الله معاه
والعار على الظالمين
جهز سلاحك نظفه
وحدد طريقك ويا مين

بقلم محمد البلاط