قولى مين قساك عليا - بقلم محمد البلاط

قولى مين قساك عليا
------------------

قولى مين قساك عليا وانت عارف اللى بيا
قلبى بيحبك وعاشقك ومدة ليك دايما ايديا
فى الغياب بسأل عليك وانت جنبى بداديك
وان هانت عليا نفسى لو تبيعها هشتريك
قولى ليه تهجر وتقسى ولمضينا كله تنسى
مش انا اللى كنت لسه الحبيبة ونور عنيك
قلبى بيحبك وعشقك ومدة ليك دايما ايديا
ايه اللى غير ايه قلبك وايه قساه عليا
القسية جاية منك رغم انى اللى بحبك
وانت اللى الهجر طبعك والخصام مش شىء شويا
بتخاصمنى واداديك واسأل المولى يراعيك
واطلب الهداية منه وعمرى ليه ما بشتكيك
وان هانت عليا نفسى لو تبيعها هشتريك
قولى مين قساك عليا وانت عارف اللى بيا
قلبى بيحبك وعاشقك ومدة ليك دايما ايديا

بقلم محمد البلاط

عربية القدس عربية - بقلم محمد البلاط

عربية القدس عربية

لا بديل عنها ولا دية

بارواحنا هنحميها وتبقى

عربية وعلى الكفر عصية

وان كان الملحد بيفكر

صفو طهارتها دا يعكر

وفاكرها انها لقية

يبقالو تحية وكدا يشكر

حرك الكامن والراكد

وعقول فى ناس كثير نامت

واوان تحريرها خلاص قرب

واسود مربوطة خلاص سابت

عربية القدس عربية

لا بديل عنها ولا دية

بارواحنا هنحميها وتبقى

عربية وعلى الكفر عصية

لا جيوش مصنوع بايد دجال

ولا رتبة اترقى بيها عيال

ولا الف سلاح ولا عم وخال

هيرد التطهير والنية

وفارسها مرسل من ربه

وكسبان من بايع وحبه

وبسهم راح ينفس غضبه

ويبيد دجال

وتعود القدس عربية

لا بديل عنها ولا دية

بارواحنا هنحميها وتبقى

عربية وعلى الكفر عصية

عربية القدس عربية

عربية القدس عربية

بقلم محمد البلاط

اللى بحبه وظالم قلبى - بقلم محمد البلاط

اللى بحبه وظالم قلبى
-------------------

اللى بحبه وظالم قلبى وعنه بخبى الدمع فى عينى
ليه مش حاسس بيا وغلبى وليه بالهجر يزيدلى الامى
يبعد عنى واقرب منه ولو يخاصمنى بحاول اكونله
اللى مكنش بيتمناه وابقى معاه خياله وظله
ليه بيحاول يبعد عنا بعد العشرة وبعد ما كنا
اللى الناس بتبص علينا وبتستغرب وبتحسدنا
قولت يجوز واكيد ويمكن وده مش سهل يكون ولا يمكن
ان الحب فى يوم يهجرنا وفى قلوب عزالنا دا يسكن
قولت يجوز من عين حسادنا يوم الجمعة وفوق المدنة
نده الشيخ بالله اكبر كل البيت علشانه بخرنا
لا بخور نافع ولا مدادية ولا بكلام ولا بالحنية
يظهر انه ناوى على نية واحنا معاه ما قصرنا
اللى بحبه وظالم قلبى وعنه بخبى الدمع فى عينى
ليه مش حاسس بيا وغلبى وليه بالهجر يذيدلى الامى
هو فاكرنا رمية عليه ولا بهجره دا يقصد ايه
ان كان كاره لينا وبايع يبقى عتابنا هيعمل ايه
اللى بحبه وظالم قلبى وعنه بخبى الدمع فى عينى

بقلم محمد البلاط 😔😔😔😔😔

صفقة القرن - بقلم محمد البلاط

ما بين نصاب حرامى
وبين حبة ركش
بينهم دايرة التهانى
وبيشجع الحوش
ويقولو الصفقة رابحه
ودايرها الف قارحة
وقلوبهم الخسيسة
مليانة بالف فرحة
فكرين ان القضية
فى قميص او جلبية
نسين ان فيه نية
تتحرر من الركش
وتعود طاهرة وعفيفة
الارض الشريفة
ويورثها عباد الله
مش ناس هبلة وضعيفة
والناس اللى بعوها
وكرامتهم سلموها
وطاطو لجزم الاعادى
وبخزى قبلوها
ملهمش مكان فيها
ولا حتى يشرفوها
ولا يتحن عليهم
جواسيس وسلموها
ما بين نصاب حرامى
وبين حبة ركش
بينهم دارة التهانى
وبيشجع الحوش

بقلم محمد البلاط

اخص عليك يا خشت يا مخصى - بقلم محمد البلاط

اخص عليك يا خشت يا مخصى
يااللى عشان قرشين بتبيع
ياللى فاكرها حلة محشى
اما تاكلها يا اما تصيع
اخص عليك خاين وفلاتى
وابن حرام طبال والاتى
جاى عملى شيخ متدين
وانت دايرها سكر ليلاتى
واوعى تفكر شيخنا دا لين
ولا الفتوى سهل وعادى
صح يا جحش الشخ دا حنين
وكل كلامه سهل وهادى
لكن لما فى دينه تدخل
وللقران عمال فيه تنخل
يبقى هيسرح بيك قرداتى
اهدى يا خشت وروح بيتك
وابعد عن دينا واتكلم
الاطفال فهمة حركاتك
لجل المال ابليس بتخدم
الف واكتب فى التربية
اعمل شيخ منصر حرامية
اما الدين لو فيه ليك نية
ابعد عنه يا خشت وحرص
مش دين امك ولا دين ابوك
جهلة ما عرفو ليه يربوك
جاى تعلم فينا وتفتى
ومعانا مفتى يا صعلوك
اخص عليك يا خشت يا مخصى
يااللى عشان قرشين بتبيع
ياللى فاكرها حلة محشى
اما تاكلها يا اما تصيع

بقلم محمد البلاط

روحى يالا لمعازيمك - بقلم محمد البلاط

روحى يلا لمعازيمك
---------------------

الاب
---------
روحى يلا لمعازيمك
ولحظة هغيب واجيلك

البنت
--------
بتبكى فى فرحى ليه يابا
وطول عمرك بستناه
صحيح انا بيه فرحانه
لكن قلبى بيصرخ اااااه
صحيح سعادتى وياكم
وصدقنى مهش وياه
لكن خوفى على شرفك
حسابه يابا انا حسباه
وشايله امانة وصيناها بعهد الله
دموعك يابا جففها
ما بنتك انت عارفها
بتبكى فى فرحى ليه يابا
وطول عمرك بتستناه

الاب
---------
يا بنتى دمعة الفرحة
ياما اتمنيت اعيش لليوم
واشوفك لابسه الطرحه
فرح فطار بعد الصوم
متبكيش على بكايا
وللمعازيم قابليهم
وزيدى فى قلبى الفرحة
ودمعى هاخفيه من عينى
ويكفى دمعتى فى قلبى
وفرحك دا يعزينى

البنت
--------
يابا بالله وامانة
صحيح امى مفرقانا
وخدها الله واعطنا
روحك الحلوه تحمينا
وعشت العمر دا كله
وبجناحك محوطنا
تأمنا تدفينا
تدلع وتدادى فينا
يابا الجرح جوايا
صورة امى بشوفها فيك
فى بروزها وفى ومرايا
متألمنيش بدموعك
وعيش دلوقتى ويايا
وخف الحزن عن روحك
انا عارفاك
وعارفه كل جروحك
شايف امى فى صورتى انا
لكن بالله وامانه
مانا مفرقاك
وكل يوم والتانى
تجى تلقانى بستناك
ولو حكمت بلاها يابا جوازه
وعمرى هكمله وياك

الاب
---------
يا بنتى انا مش زعلان
واقسم لك انا فرحان
ويوم سعدى وهنايا
اشوفك لابسه الفستان
روحى يالا معازيمك
ولحظة هغيب و اجيلك
اجفف دمعى من عينى
وانا اللى يابنتي هغنيلك
روحى يلا لمعازيمك
روحى يالا لمعازيمك

بقلم محمد البلاط

يا ليل عايدلى بالذكرى - بقلم محمد البلاط

يا ليل عايدلى بالذكرى
وبتقلب فى ايامى
بلاش وخلينا فى بكرة
ومتكنش علياجانى
وتألمنى من الحاضر
وتكسر فيا احلامى
رضيت وقولت هتعدى
ويمكن ينسانى فى بعدى
رجعلى بيه تفكرنى
وجاى تنسينى زهدى
ما كنت نسيت وصابر
وفاكر ان انا الشاطر
قدرة اعدى بحر الشوق
بدون ما انصاب ولا اخاطر
اتلرى الجرح جوايا
ومش حاسس وعمايا
وهمنى ان انا ناسى
ومعدش فى راسى ودى نهاية
ليه تانى عايدلى بالذكرى
وبتقلب فى ايامى
يا ريت تخلينا فى بكرة
ومتكنش عليا جانى
وسيب الدفتر مقفول
ولا تقولى ولا راح اقول
وخلى الباقى دا يعدى
واعيشه تايه ومسطول
متألمنيش بجراحى
ولا يفكرنى يوم نوحى
ومتحزنش عليا روحى
تعدى بعرض او بالطول
ومتقلبش فى الماضى
وسيب الدفتر مقفول
واعتبره دا كان فاضى
وبلاش يا ليل عليا تطول
ولا تفكرنى بالماضى

بقلم محمد البلاط

بخاف لتروح وتنسانى -------------------- بخاف من البعد يجرحنى وتنسى كل ايامى ومالقى شىء يفرحنى ولا القاك قدامى واعيش بالفكر اتعذب مبين ضاع وجاى تانى ومن كاس الألم اشرب وتبقى انت الجانى بخاف لتروح وتنسانى وتنسى كل ايامى وتتغرب وما تقرب ومنك الطريق يهرب وتبقى ليا الذكرى ومش عارفه إيه راح يجرى لقلب كسرته بالهجران ومالقى من الدموع مهرب يفيدنى بإيه لو هندم و إيه يفيد من الشكوى وقلبى اذاى راح يسلم من الأحزان والقسوة وانا خايفة من اللى جاى وخايفة اكون العبرة لكل عشاق ولهان مسلم قلبه للسخرة بخاف من البعد يجرحنى وتنسى كل ايامى واعيش بالفكر اتعذب وتتعود على خصامى وتتغرب وما تقرب ومنك الطريق يهرب وتنسانى واعيش بالفكر اتعذب مبين ضاع وجاى تانى بخاف من البعد يجرحنى بخاف لتروح وتنسانى بقلم محمد البلاط

انا مش منتظرة عطفك - بقلم محمد البلاط

انا مش منتظرة عطفك
---------------------

انا مش منتظرة عطفك ولا اصعب يوم عليك
وكفاية انى شوفتك بجريمتك فى ايديك
وسامحت وقولت يمكن وانا عارفه ان ممكن
اعفى واصفح ويسكن قلبى وارضى عليك

اتريك فاكر بانى ملهوفة وغصب عنى
قبلت العذر منك وانت اللى بتجاملنى
عطف وحنية منك مع انى انى انى
انى اللى سامحتك وغفيت ورضيت عليك

الحسبة عيدها تانى وبلاش تكون انانى
واعتبر انى انتا وخليك مرة مكانى
هتسامح ولا تعفى او ليا تانى تصفا
ولا راح تبقى ورطة ومنها كثير تعانى

انا مش منتظرة عطفك ولا اصعب يوم عليك
وكفاية انى شوفتك بجريمتك فى ايديك
وسامحت وقولت يمكن وانا عارفه ان ممكن
اعفى واصفح ويسكن قلبى وارضى عليك
انا مش منتظرة عطفك ولا اصعب يوم عليك

بقلم محمد البلاط

متسألنيش عن الاشواق - بقلم محمد البلاط

متسألنيش عن الاشواق
--------------------

متسألنيش عن الاشواق ولا عن لهفتى لقربك
دا كان وهم وعيشاه معاك فهمته بعد ما عرفتك
سهر الليل استناك ودمع العين لبعدك
لقيته ما تمرش معاك ولا فكرت تجيب سيرته

وكل كلامك المعسول ووهم وعودك الكذاب
صبرت عليه كثير ويطول زمن الصبر مافى جواب
على سؤالى ولا حالىى ولا قربت من الاعتاب
ولا طفيت لى يوم نارى بدقة واحدة على الابواب

متسألنيش عن الاشواق ولا عن لهفتى لقربك
دا كان وهم وعيشاه معاك فهمته بعد ما عرفتك
وعهدى لقلبى ما ارجعلك ولا عاد تانى ينفعلك
تلاوع فيه وينطاعلك ولا تقدر تانى تغشه

سهر الليل استناك ودمع العين لبعدك
لقيته ما تمرش معاك ولا فكرت تجيب سيرته
متسألنيش عن الاشواق ولا عن لهفتى لقربك
دا كان وهم وعيشاه معاك فهمته بعد ما عرفتك

متسألنيش عن الاشواق متسألنيش عن الاشواق

بقلم محمد البلاط

حقوق_النساء_في_الإسلام

حقوق_النساء_في_الإسلام
1- إذا خان الرجل المرأة "زوجته" فعقوبته الرجم حتى الموت
2- إذا تزوج مرة ثانية ولم يعدل بينهما حشر يوم القيامة شقه مائل.
3- إذا كتب لها مهرا ولم يعطها إياه فهو سارق.
4- إذا طلقها لا يحق له أن يأخذ شيئا مما أعطاه لها.
5- إذا أكل حقها في الميراث فقد تعدى حدود الله ومن يتعدى حدود الله فهو ظالم نفسه.
6- إذا ضربها وأهانها فهو لئيم وإذا أكرمها فهو كريم.
7- إذا هجرها أكثر من أربعة أشهر لها الحق بالتفريق.
8- لا يحق له أن يعاملها كأمه وإن قال لها أنت علي كظهر أمي سيصوم 60 يوما أو يعتق رقبة أو يطعم 60 مسكينا.
9- إذا كرهها فليصبر فعسى أن تكرهوا شيئا ويجعل الله فيه خيرا كثيرا.
10- وإذا طلقها فعليه أن لا ينسى فضلها.
11- وإذا افترقا لا يحرمها أولادها وعليه نفقتهم
12- مالها حرة فيه إن تصدقت عليه فلها أجران وإن منعته فلا يحق له السطو عليه.
13- أي إعتداء عليها يعاقب عليه بمثل ما اعتدى عليها.
وهو مسؤول عنها في طعامها ومشربها ومسكنها وملبسها ضمن قدراته المالية .
14- قوامته عليها تكليف وطاعتها له جهاد في سبيل الله.
15- إن أمرها بالمعروف أطاعته وإن أمرها بغيره فلا طاعة لمخلوق في معصية الخالق.
ثم بعد ذلك إن أرادت فراقا فلها أن ترد عليه مهره وتخلعه.
16- و لأجلها خاض النبي حربا ضد بني قينقاع.
17- و للدفاع عنها كان الموت شهادة في سبيل الله.
18- و لسمعتها وضع الله حد القذف ثمانين جلدة.
19 - علمها واجب وعملها جائز ضمن الحدود والضوابط الشرعية..
الإسلام رحم المرأة فأسقط عنها النفقة فلا تُنفق على ولدها ولا والديها ولا زوجها بل لا تنفق على نفسها هي، ويلزم زوجها بالنفقة عليها.
الإسلام رحم المرأة فأسقط عنها حضور الجُمَع والجماعات لاشتغالها بزوجها وبيتها.
الإسلام رحم المرأة فأوجب لها مهراً كاملاً يدفعه الزوج لمجرد الخلوة بها، أو نصفه بمجرد العقد عليها.
• الإسلام رحم المرأة فورثها من زوجها حتى لو مات بمجرد عقده عليها.
الإسلام رحم المرأة فقال أمك ثم أمك ثم أمك ثم أبوك، تكريماً واعترافاً بحقها.
الإسلام رحم المرأة فأسقط عنها الشهادة في الدماء والجنايات تقديراً لضعفها، ورعايةً لمشاعرها عند رؤية هذه الحوادث.
الإسلام رحم المرأة فأسقط عنها فريضة الجهاد.
الإسلام رحم المرأة فأسقط عنها فريضة الحج إذا لم يكن معها محرم يحرسها ويخدمها حتى ترجع.
الإسلام رحم المرأة فجعل التقصير لها عند تمام النسك حفاظاً على جمالها وإبقاءً على رغبتها ولها أجر الحَلْق.
الإسلام رحم المرأة فحَرَّم طلاقَها وهي حائضٌ مراعاةً لحالها، وحتى لا تطول عليها العدة.
الإسلام رحم المرأة فجعل لها ميراثاً من زوجها وإخوانها وأولادها ووالديها رغمَ أنها لا تتحمل شيئاً من النفقة.
الإسلام رحم المرأةَ فأوجب لها مهراً وحرَّمَ أخذ شيءٍ منه إلا بطيبِ نفسٍ منها.
الإسلام رحم المرأة فحرَّم نكاحها بلا وليٍ ولا شهودٍ، حتى لا تُتَّهَمَ في عِرضها ونسب أولادها.
الإسلام رحم المرأة فجعل من يُقتل في سبيلها ليحافظ على عرضه ويدافع عنها جعله شهيداً.
الإسلام رحم المرأة حتى بعد موتها فلا يُغسلها إلا زوجها أو نساء مثلها
لا يَكُونُ لأَحَدِكُمْ ثَلاثُ بَنَاتٍ أَوْ ثَلاثُ أَخَوَاتٍ فَيُحْسِنُ إِلَيْهِنَّ إِلا دَخَلَ الْجَنَّةَ
النساء شقائق الرجال،
واستوصوا بالنساء خيرا،
وإتقوا اللَّه في النساء،

اصبرى حبة عليا - بقلم محمد البلاط

اصبرى حبة عليا
-----------------
الم انتظارى فى دارى
ولفرقت المحبوب
جرح وزايد مرارى
ويا ريته ذنب اتوب
-----
بنتظر اشوف بعينى
روحى بتضيع من ايديا
بنتظر اشوف بعينى
ساككين بتحز فيا
بنتظر اخر ساعات
بعدها يبقى ممات
واللى يجى عندنا
للحداد يرفع رايات
بنتظر ومنايا تبقى
روحك اللى ليا ابقى
ويا ريتها تكون سابقة
ونكون سوا فى معاد
اصبرى حبة عليا
يمكن الجرح اللى فيا
يبقى سر وهدية
من اللى خالق العباد
وابقى وياكى فى طريقك
الحبيب واكون رفيقك
اوعى واياك تسبينى
دا انتى ليا ضى عينى
مين بعدك هيوسينى
مين يحن او يجينى
لو فرقتينى بممات
اصبرى حبة عليا
يمكن الجرح اللى فيا
يبقى سر وهدية
من اللى خالق العباد

بقلم محمد البلاط

ليه بالهجر بتعزبنى - بقلم محمد البلاط

ليه بالهجر بتجرح قلبى
وليه بالصمت تعزب فيه
دا انا بالصبر بصبر صبرى
ودمع العين حاولت اداريه
وانت لا تسأل ولا ترحمنى
ولا فكرة فى يوم توسيه

ان كان هجرك دا هيطول
وصمتك لسه باقى عليه
انا مش هقدر انى اتحول
لشىء فى ايديك تلعب بيه
مرة تدادى ومرة تعادى
وقلبى الراضى بتقسى عليه

ان كان حبك راح يتعبنى
ويعزبنى ويحرق قلبى
يبقى اسيبك وانت تسيبنى
ويفصل بينى وبينك ربى
وانا بالصبر هداوى جروحى
لحد ما تسكن روحى فى قبرى

لحد ما تسكن روحى فى قبرى

بقلم محمد البلاط

انا قررت البعد وهجرك - بقلم محمد البلاط

انا مش هطلب منك تانى
تبقى حنين او تنسانى
انا قررت البعد وهجرك
يمكن جرحه راح يحلالى

ومتسألش البعد ده ليه
اللى جبرنى انت عليه
كنت بعاملك بالحنية
وقلبى الطيب انت نسيه

انا قررت البعد وهجرك
يمكن انسى القسوة وغدرك
مر الصبر افضل من قربك
ويمكن بيه اقدر انساك

انا مش هطلب منك تانى
تبقى حنين او تنسانى
انا قررت البعد وهجرك
يمكن جرحه راح يحلالى

وهنسى ايامك وانسى عزابى
ولو توعدنى بحنان تانى
عمره ميقدر لقلبى يداوى
وانت الداء وسر الامى

انا قررت البعد وهجرك
يمكن انسى القسوة وغدرك
مر الصبر افضل من قربك
ويمكن بيه اقدر انساك

بقلم محمد البلاط

متلومش عليا انى بحبك - بقلم محمد البلاط

متلومش عليا انى بحبك
ولا تقسى عليا وتنسانى
مبطيقش لو ببعد عنك
والبعد بيجن جنانى
متلومش عليا انى بحبك
احساسك بيا ليه مش حاسس
وكأنى وياك مش عايش
وانا مكوى بحبك وقلبى
انا عملو بساط وليك فارش
وبدادى واطبطب وبحنن
واهمالك منه راح اتجنن
لا فى يوم حسيت بعزابى
وسيبنى افكر واخمن
ايه سر بعد احبابى
وغيتهم ايه فى عزابى
من الفكر خلاص راح اتجنن
متلومش عليا انى بحبك
واسأل خلينى اطمن
انا مكوى بحبك وقلبى
انا عملو بساط وليك فارش
وبدادى واطبطب وبحنن
واهمالك منه راح اتجنن
وبحس بانى مش عايش
متلومش عليا انى بحبك
متلومش عليا انى بحبك

بقلم محمد البلاط

مش هنسى الجرح ولا اتسامح - بقلم محمد البلاط

مش هنسى الجرح ولا اتسامح
---------------------------

مش هنسى الجرح ولا اتسامح
ولا هقبل يوم لكرامتى تهان
وان كان الحب دا شىء جارح
مش عايزاه اقرب منه كمان
وهدوس على قلبى واشواقى
وحنينى ان كان فيه شىء باقى
ولا انى فى يوم كرامتى تهان
مش هنسى الجرح ولا اتسامح
ولا هقبل منك تصالحنى
اقربها لسة امبارح
وبقصد بتغوى تجرحنى
مش هقبل منك تصالحنى
لو قولت خلاص هتريحنى
مش بعد ما تقسى وتجرحنى
تنهيها بكلام
مش هنسى الجرح ولا اتسامح
ولا هقبل يوم لكرامتى تهان
ولا هقبل يوم لكرامتى تهان

بقلم محمد البلاط

كان زمان يا عم فيس - بقلم محمد البلاط

كان زمان يا عم فيس
لما كان الكيف حشيش
كان مزاج وبال رايق
والفقير يعرف يعيش
النهاردة بقينا عبرة
الحكاية هباب وغبرة
وناس كثير على الهم صابرة
واللى منفوخ اصله ريش
لسة فاكر ماضى راح
وجاى تقلب فى الجراح
فوق يا عم الدنيا غم
واللى حكمها انشراح
سيبنى واخد ركن وحدى
خلى الباقى يعدى
نفسى ارتاح من الخلايق
يمكن الراحة فى بعدى
وانسه وحش وانسه جحش
الحقيقة اللى عارفها
فى زمنا منفعش
تبقى طيب او حنون
او تكون لحد فرش
وان عاشرة كون حريص
من صحابك وجيرانك
كله تابع للبوليس
ما الخيانة بقت امانة
ومهنة تاكل منها عيش
كان زمان يا عم فيس
لما كان الكيف حشيش
كان مزاج وبال رايق
والفقير يعرف يعيش

بقلم محمد البلاط

مهموم من ايه وشايل همك - بقلم محمد البلاط

مهموم من ايه وشايل همك
ما تدوس عليها ولا يهمك
لو راحت الدنيا وما عليها
ميهونش علينا فى يوم دمعك
مهموم من ايه وشايل همك
ان كان على دين ربك يفرج
ولا تسأل انسان ولا تحرج
الصبر يهون ويعدل
والرب عليه ومنه المخرج
وان كان من الناس سيبك منهم
مش هتسلم ابدا من عينهم
وان سلمت واحده والتانية
هيصيبك سم فى لسانهم
وان كان على موت عز احبابك
مغدرش بيك ولا خانك
قدر ومكتوب الفرقة
ومعذور يا عم فى مصابك
ميهونش علينا فى يوم دمعك
وهنكون اهل وخلانك
مهموم من ايه وشايل همك
دا الكل مهموم عشانك
دا الكل مهموم علشانك

بقلم محمد البلاط

استنظرت تعودلى يا طيرى - بقلم محمد البلاط - غنائى -

استنظرت تعودلى يا طيرى
-------------------------

استنظرت تعودلى يا طيرى
لكن يظهر لوفت بغيرى
ما انا موعود ازرع العود
ويقطف ورده واحد غيرى

استنظرت تعودلى يا طيرى

استنظرت معايا انانى
حاطت فيها السكر غالى
متذوب ومحلى الماية
وطلعلك لحد العالى

مستنظر افرح بقدوك
وفى عينى تعشش واصونك
لكن يظهر لوفت بغيرى
ويعمل ايه كلامى ولومك

ما انا موعود ازرع العود
ويقطف ورده واحد غيرى
استنظرت تعودلى يا طيرى

كان القلب ليك الغية
وكانت النية تكونلى لوحدك
كنت بعاملك بالحنية
ليه قبلت حنانى بغدرك

شارو عليا اقصص ريشك
وده كان شىء صعب عليا
وكان القلب ليك وحبيسك
وسهل عليك تفرط فيا

لكن يظهر لوفت بغيرى
ويعمل ايه كلامى ولومك
ما انا موعود ازرع العود
ويقطف ورده واحد غيرى

استنظرت تعودلى يا طيرى

بقلم محمد البلاط

( اكتب اشعارك واحسبها ) - بقلم محمد البلاط

( اكتب اشعارك واحسبها )
==========

اكتب اشعارك واحسبها
كام الف قصيدة انت كتبها
وان كان الشعر يأكل عيش
ابقى املا الدنيا واخربها
ده زمنا مش هو الماضى
للكلمة فيه الفين قاضى
ومضيع وقتك فى الفاضى
وللنفس ليه معزبها
ناس قاعدة تسرق فى كلامك
وترص وتقبض قدامك
واعز احبابك ده خانك
وبايدهم ضاعت احلامك
ونسيوك ومفيش الا سيرتها
يا تطبل وتعيش وتنغنغ
وعلى ريش نعام تتمرغ
ويبقى الاعلام خدامك
وانت الاستاذ اللى حيلتها
اكتب اشعارك واحسبها
بقلم محمد البلاط

tagإشارة

عز اللقاء بينا - بقلم محمد البلاط

عز اللقاء بينا
-----------

عز اللقاء بينا
واتغير حالنا
بكى القمر بلليل
من بعد ما استنه
طال انتظاره لهمس
كان بيه يتونس
بين العيون ورمش
وبالحب متغمس
وحنان كان دافى
لحبنا الصافى
وكان دوا شافى
من الالم واليائس
عز اللقاء بينا
واتغير حالنا
بكى القمر بلليل
من بعد ما استنه
كان ايه سبب هجرك
وخصامك ليا
وانا اللى معشراك
بأخلاص ونية
بتغيب واستنظر
مع القمر تظهر
واقضى ليلى وياك
سمر وحنية
فى لحظة ليه القاك
بقيت عدو ليا
وعز اللقاء بينا
واتغير حالنا
وبكى القمر بلليل
من بعد ما استنه

محمد البلاط

لسة فيه فى الحلم باقى - بقلم محمد البلاط

لسة فيه من الحلم باقى
وقلوبنا عايشة ليه
يا نكون يا نكون بواقى
من اللى راح وراحت عليه
لسة فيها شبابها لسة
رغم ما الزمان داسها
عايشة للحلم اللى باقى
وفى املها ايام تعيشها
لسة فيه فى الحلم باقى
نتصافى ونكون احبة
وننسى اللى راح وبافى
عمرنا نقضيه محبة
تصفى ليا واصفى ليك
ونعيش الحلم اللى باقى
لا عزول ولا شريك
لسة فيه من الحلم باقى
وقلوبنا عايشة ليه
يا نكون يا نكون بواقى
من اللى راح وراحت عليه
لسة فيه من الحلم باقى
لسة فيه من الحلم باقى

بقلم محمد البلاط

غلطان وغلطك كبرياء - بقلم محمد البلاط

غلطان وغلطك كبرياء
--------------------

مين فينا اللى ابتدا
بالخصام والبغددة
متأكده متأكده
انا طبعى عمره مكان كدا
وانت اللى بالعند ابتديت
وانت اللى بالقسوة قسيت
وانت اللى بالهجر جنيت
وكانت نهاية مؤاكدة
مين فينا اللى ابتدا
مين فينا اللى ابتدا
سامحت ياما وقولتلك
واعذار كثير فوتلك
غلطان وغلطك كبرياء
على اللى دايما يسندك
بطلت احن بالكلام
ولا بالعناد راح احنلك
وان كنت فاكر بالخصام
راح الين ليك وارودلك
الوهم يبقى غلطتك
وغلطان وغلطك كبرياء
على اللى دايما يسندك

بقلم محمد البلاط

مش هسأل عليك ولا اودك - بقلم محمد البلاط

مش هسأل عليك ولا اودك
ولا هفرح فى يوم لسعدك
كفاية بانى اشوفك
مهموم وايدك على خدك

فى جرحى شمت كثير
فرحت بالامى
فى قلبى بديت تكسير
وفى حبى وغرامى

كان عشمى تكون كبير
وتفهم كلامى
بعيني وبايدى
وبقلبى ووريدى
حسستك كثير كثير
بدمعى وتنهيدى

لا قلبك لدمعى رق
ولا قلبى عطيتو الحق
لو ينطق تقولو لا
وعاشلك اسير

مش هسأل عليك ولا اودك
ولا هفرح فى يوم لسعدك
كفاية بانى اشوفك
مهموم وايدك على خدك

بقلم محمد البلاط

اللى سلم ليك حياته - بقلم محمد البلاط

اللى سلم ليك حياته
وملكك حقه فى ايديك
ليه بتفرح ليه فى اهاته
والفرح باين عليك

وعينيك بتقول كلام
فيه شماته وخصام
معتقد انك ملكته
وفى ايدك انت الزمام

الطاعة للى يحب
والمعزة للمحب
واللى يشمت فى اللى حبه
يبقى كلب ابن كلب

اللى سلم ليك حياته
وملكك حقه فى ايديك
ليه بتفرح ليه فى اهاته
والفرح باين عليك

خاين الاحاسيس وواطى
والندالة فيك عادى
تكره اللى اللى حبك
وتحب الاعادى

خاين الطبع وخسة
ولسة هنشوف ياماا لسة
من اللى باع شرفه وعرضه
والهدوم اللى لبسها

استخبى استخبى
لسه باقى ليك حبة
دا الحكاية لسة شابة
وباقى ايام تعيشها

ولما يجي الدور عليك
وتتقطع منك اديك
تعرف ايه الفرق بينهم
الندلة والمحبة

واللى سلم ليك حياته
وملكك حقه فى ايديك
ليه بتفرح ليه فى اهاته
والفرح باين عليك

بقلم محمد البلاط

سكتك غير سكتى - بقلم محمد البلاط

وهم عشق اتوهمتو

من اللى معسول فى الكلام

وهم اخلاص انا شيلتو

وحاولت انسى الخصام

وافتكرت انك حنين

وبايدك ماسك لجام

صعب حبة وحبة لين

بالادب والاحترام

واكتشفت بانى عشقى

وهم لكن وهم خام

ضاعت الاحلام منى

وخاب فى اللى بحبه ظنى

و اللى كان واللى كان

كنت فاكرة انك هتبقى جنتى

كنت فاكرة انك حياتى ودنيتى

كنت فاكرة انك نهاية منيتى

كنت فاكرة وكنت فاكرة

واعتقدت بانى شاطرة

والنهاردة ليك شاكرة

سكتك غير سكتى

وهم عشق اتوهمتو

بقلم محمد البلاط

من امتى كنت شارينى - بقلم محمد البلاط

من امتى كنت شارينى
علشان تعزينى
فى قلبى اللى مات مجروح
من غدر محبينى
سيبنى لونيسى النوح
ويا دموع عينى
من امتى كنت شارينى
ياما حيلت فيك
ترجعلى من تانى
وبالحسنى كنت اداديك
علشان متنسانى
اتريك بيحلى ليك
عزابى وهجرانى
من امتى كنت شارينى
علشان تعزينى
سيبنى لونيسى النوح
ويا دموع عينى
سيبنى لونيسى النوح
ويا دموع عينى

بقلم محمد البلاط

جاى بتسأل ايه قسانى - بقلم محمد البلاط

جاى بتسأل ايه قسانى
--------------------

جاى بتسأل ايه قسانى
وانت الظالم وانت الجانى
وانت كويت القلب بنار
نار الهجر والحرمان
ايه قسانى ايه قسانى
وانت الظالم وانت الجانى
بعت رخيص وانا كنت الشارى
وفيك دفعت السعر الغالى
جاى بتسأل ليه وتلومنى
وبتشتكى للناس ليه منى
ومفكرتش تسأل نفسك
ليه تظلمنى وليه تهجرنى
مهما تصالح وتدادى فيا
قلبى خلاص وعزمت النية
اللى جرحنى واللى ظلمنى
عمر ما تبكى عليه عنيه
بعت رخيص وانا كنت الشارى
وفيك دفعت السعر الغالى
وجاى بتسأل ايه قسانى
بعد ما قلبك فرط فيا

بقلم محمد البلاط

يا اللى هواك رماك استنى - بقلم محمد البلاط

يا اللى هواك رماك استنى
قبل متاخد ناس معاك
فاكر نفسك رايح الجنة
ومنتش عارف انه هلاك
قبل متدخل لعبة اعرفها
ومين اطرافها ومين وياك
ومتنساش ان انت ملكش
لا فى الباب ولا فى الشباك
افهم قبل ما تبتدى بيها
كيف تبدائها وكيف تنهيها
ولا فاكرها لعبة بكيفك
تشبع منها وراح ترميها
افهم معنى العركة اذاى
مش على قهوة هتشرب شاى
فيها ناس ضايعة وفيها ناس تايهة
وفيها رصاص ولكن حى
افهم ياللى ملكش فى حاجىة
اللى بيلعب فيها خواجة
وانت داخلها وكلها نار
بعقل فار كله سذاجة
يا اللى هواك رماك استنى
قبل متاخد ناس معاك
فاكر نفسك رايح الجنة
ومنتش عارف انه هلاك

بقلم محمد البلاط

اتحملنا كثير وياما - بقلم محمد البلاط

مهما تحط علينا حمولك
راح نتحمل ومش هنلومك
ومش هنقول الااااه ولا نشكى
وراح نخيب كل ظنونك
اتحملنا كثير وياما
وقسوة ناس ومن ناس ملامة
وقولنا هتيجى يوم وتعينا
اتريك جاى تزيد همومنا
ليه يا زمنا ليه بتتعبنا
وغاوى عزابنا وغاوى قسانا
حط علينا وزيد همومنا
واحنا بعون الله صابرين
ومش استنظر يوم تساعدنا
انت ساعدت قبلنا مين
حط علينا وزيد بزياده
ودى محفوظة وصبحت عادة
اللى يأمن ليك يا زمان
يبقى شربها وكانت ساده
اتحملنا كثير وياما
وقسوة ناس ومن ناس ملامة
ومهما تحط علينا حمولك
راح نتحمل ومش هنلومك
ومش هنقول الااااه ولا نشكى
وراح نخيب كل ظنونك

بقلم محمد البلاط

استنيتك عمرى بحاله - بقلم محمد البلاط

استنيتك عمرى بحاله
لا اتألمت ولا بتكلم
هونت عليك وقولت ومالو
يمكن شر هنسلم منه
يوم ورا يوم بستنظر فيك
تقسى وتظلم وانا بدداديك
لا بتجينى ولا ترسينى
ولا معرفنى فين ارضيك
واستنيتك عمرى بحاله
لا اتألمت ولا بتكلم
فاكر الهجر بيه تعزبنى
او بالمكر دا هتغلبى
لا يا حبيبى لو هتسيبنى
اتعودت خلاص عليك
مش زعلانة ولا ندمانة
لو هتغيب وراح تنسانا
وكافى علينا عرفنا بأنك
ما بتصون ابدا لامانة
استنيتك عمرى بحاله
لا اتألمت ولا بتكلم
هونت عليك وقولت ومالو
يمكن شر هنسلم منه
يوم ورا يوم بستنظر فيك
تقسى وتظلم وانا بدداديك
لا بتجينى ولا ترسينى
ولا معرفنى فين ارضيك
ولا معرفنى فين ارضيك

بقلم محمد البلاط