فوق يا جحش - بقلم محمد البلاط

فوق يا جحش
-----------

اللى طلع الحمير
كان فى بيته قاعد بشيشة
وكل جحش شايل عصاية
فرحان بالكام بريزة
ليه تصد طالب لحقه
واللى طالب للمعيشة
جاى تخدم اللى سرقه
وحياته بقت رخيصة
فوق يا جحش راكب حمارة
وافتكر الكام امارة
صاحب الحق بيقوى
وعمره عنده مش خسارة
فوق وفكر قبل ما تعيد الحكاية
اللى فات اتعدى ليك
واللى جاى فيه شرارة
سهل يتقضى عليك
تار فى حلق وليه مرارة
فوق يا جحش

بقلم محمد البلاط

حتى الهلفوت بيحكى - بقلم محمد البلاط

حتى الهلفوت بيحكى
--------------------

حتى الهلفوت بيحكى ومعتقد انه بشر
فاكر ان فلوسه تسقى نملة سكنة فى الحجر
اللى رزقك هو الله وهو اعلم بالبشر
فيه اللى بيعطيه زياده وعلمه فى الغيب والقدر
يا يكون انسان وطيب يا يكون ابن غجر
جاى فاكر انك انت اللى هتهز الشجر
روح لقصرق ابقى فيه وسيب خلق الله ليه
كله طالع قاصد الله من اللى ظلمه بيشتكيه
وانت جاى تزييد همه وتقوله ملكش فيه
ناس بتاكل من الزبالة قول يا نطع عملت ايه
علمك انت فى كلمتين بلبس خنثى ورقصتين
واخر السهرة تبان الغلق من غير ودان
روح لقصرق ابقى فيه وسيب خلق الله ليه
كله طالع قاصد الله من اللى ظلمه بيشتكيه
محمد البلاط

غلطتك يا عم حربى - بقلم محمد البلاط

غلطتك يا عم حربى
تأذى صحبك وترازيه
عيشتوها سرقة ونهبى
وجاى تتنك عليه
جابلك العفريت فى علبة
حاجة سهلة ولعبة خايبة
شبر ماية تهت فيه
والركب يا عم سايبة
لملك كل الاحبة
واللى ليه تار عندك
قولى فين راح تستخبى
بعد ما فى الركن حطك
قولتلك اخلع وسيبهم
افتكرت انك حبيبهم
ما انت اللى كان حبيبك
بالقدم دست علليه
غلطتك يا عم حربى
تاذى صحبك وترازيه
محمد البلاط

انا من الشوق بتألم - بقلم محمد البلاط

انا من الشوق بتالم

وغيرة فى قلبى تعبانى

ويوماتى يزيد بى ظنى

يقولى الخل نسانى

يكون على طير تانى ولف ؟؟؟

ولا عادش للطريق يعرف

ولا فيه حد ليه يوصف

انا قد ايه احزانى

بلاش يا عشق تجرحنا

ولا بالشوق تفضحنا

ما فتنا اللى كوانا

وعزبنا ما فرحنا

وقلبى راح اعطيلو

من الحنية اجازة

واعلمه تانى مين يعطيه

ويرضى عليه باخلاصه

وان حب ميعشقشى

بذمة ولا يخلصشى

لمحبوب ولا يروق ليه

غير اما يشوف شوق فى عنيه

وهيفضل جنبه ميضعشى

انا من الشوق بتالم

وغيرة فى قلبى تعبانى

ويوماتى يزيد بى ظنى

يقولى الخل نسانى

محمد البلاط

فتن حلت وتعبانا - بقلم محمد البلاط

متعرفش الحقيقة فين
وعينك فيك ومش شايفة
وعقلك تاه بين الاثنين
وايدك من الدليل ناشفة
زمن اصبح ليه وجهين
وناس بتسيبه مش اسفه
يا دنيا وخدانا على فين
فى ليل وعينا مش شايفة
وده بيحل ويحرم
وده بيرقى ويكرم
وملناش نصيب مع دول
ولا مع دول راح نخدم
فتن حلت وتعبانا
وهم بيجرى ورانا
وبندادى فيكى ونبكى
وجرانا ووخدانا
لمين يا دنيا راح نشكى
غير الله وليه راح نبكى
وندعيه يكشف الغمة
عن الامة ويرعانا
ونعرف الحقيقة فين
بعين بصيرة جوانا
متعرفش الحقيقة فين
وعينك فيك ومش شايفة
وعقلك تاه بين الاثنين
وايدك من الدليل ناشفة

بقلم محمد البلاط

ما بوسنا ايدك وقولنالك - بقلم محمد البلاط

ما بوسنا ايدك وقولنالك
بلاش الوهم يحلالك
ومتفتحش فى اللى اتقال
ولا تجيبو على لسانك
ما كان من السهل تنسى الناس
وتعمل مش واخد بالك
لكن للجهل فيه ليه ناس
بتطابق فى اوصافك
عارف ان انت الغلطان
وسايق فى الهبل وجنان
وبتبرر فى اعمالك
وبتعاند كمان وكمان
وتشكى المظلوم خانك
فضحت الدنيا ويا الدين
وجينا معاك فى الرجلين
طب انت لو ناوى تطفش
عيالنا بيها هنروح فين
ما بوسنا ايدك وقولنالك
بلاش الوهم يحلالك
ومتفتحش فى اللى اتقال
ولا تجيبو على لسانك
صحيح فيه ناس ويانا
بتسند لجل مصالحها
وساعت الجد هتنسانا
ولو للاهل هتبيعها
دى مركب كلنا فيها
بافعالك مضيعها
فاكر هتسيبنا جواها
وتنجى من فواق شراعها
معانا وقبلنا نغرق
وده ذنب اللى ما يفرق
ما بين الحق والباطل
حلال فى حبل ده يشنق
ما بوسنا ايدك وقولنالك
بلاش الوهم يحلالك
ومتفتحش فى اللى اتقال
ولا تجيبو على لسانك

بقلم محمد البلاط

هشتكيلك من انت - بقلم محمد البلاط

اشتكيت منك لهم
وقولت ليهم كلهم
على اللى حاصل واللى فات
واللى كان سبب البعاد
اشتكيت ايوه اشتكيت
ومن عماليك اااه بكيت
رغم انى حاولت انسى
يمكن ارتاح بالبعاد
واللى حزن قلبى منهم
قالو شىء ما يخصهم
هشتكيلك منك انت
لو فى قلبك ليا حته
قولى ايه غير فى طبعك
وهسمعك بدون معارضه
وفى النهاية اسمع كلامى
لو مش هترد النهارده
بس طمنى عشانى
لو فى قلبك لسه ليا
من الحنان باقى شوية
وللرجوع نعقدها نية
يروح خصامك وخصامى
ومشتكيش منك لهم
وهشتكيلك منك انتا
لو عيونى خصمتهم
ولو فى قلبك ليا حته
ابقى دايما جنبهم
ابقى دايما جنبهم

بقلم محمد البلاط

بنتظر منك معاد - بقلم محمد البلاط

بنتظر منك معاد
--------------

ياما بكتبلك حنينى وارسل الود فى رسايل
وانتظر انك تجينى واحاول كثير واحايل

كنت بتمنى وصالك ملهوفة بشوق لحنانك
كنت بتمنى اشوفك او اصادف يوم خيالك

اشتياقى فى غيبتك فيا ذاد بنتظر منك بمعاد
تطفى نارى ولوعتى باللقى بعد البعاد

ياللى خليت بسمتى بالدموع عملت حداد
واشتكت لمخدتى من الانين ويا السهاد

ياما بكتبلك حنينى وارسل الود فى رسايل
وانتظر انك تجينى واحاول كثير وا حايل

بنتظر منك معاد بنتظر منك معاد

بقلم محمد البلاط

اللى منى مدوخينى - بقلم محمد البلاط

ااااه يا قلبى اااااه منهم وااااه من غدر قلوبهم
اللى منى مدوخينى واللى منهم غصب عنى
شيلت فى القلب وصاينهم والكبير فيهم طعنى
ااااه يا قلبى اااااه منهم وااااه من غدر قلوبهم
اللى كنت مشتريهم بالرخيص هدرولى دمى
علشانهم بعت عمرى وبايدهم ضيعونى
وكنت ليهم مشترى وبالخيانة دول بعونى
ااااه يا قلبى اااااه منهم وااااه من غدر قلوبهم
اللى كنت مشتريهم بالرخيص هدرولى دمى
اللى منى مدوخينى واللى منهم غصب عنى
شيلت فى القلب وصاينهم والكبير فيهم طعنى
قالوا اهلك دول ومنهم يبقى عزك لو تصونهم
قولت فوق راسى وخادمهم وفى عيونى دول اشيلهم
ااااه يا قلبى اااااه منهم وااااه من غدر قلوبهم
اللى كنت مشتريهم بالرخيص هدرولى دمى
اللى منى مدوخينى واللى منهم غصب عنى
شيلت فى القلب وصاينهم والكبير فيهم طعنى
ااااه يا قلبى اااااه منهم وااااه من غدر قلوبهم

بقلم محمد البلاط

كلام الحب اصبح كذب - بقلم محمد البلاط

يا قلبى انسى اوهامك يا عقلى امسك الدفة

وبيع يا قلبى من باعك وعود للدرب واستكفى

كلام الحب اصبح كذب وناس فى ناس بتتشفى

طريق مجهول وضاعت فيه كرامة ناس والعفه

ومين للحب ده يوفى وفيه ما فيه ومستكفى

كلام الحب اصبح كذب وناس فى ناس بتتشفى

خلاص يا قلبى ده باعك وزادت بيك اوجاعك

بداية الرحلة كانت شوك واخرها بايده باعك

زمن الحب ولاه وراح و فى الباقى الام وجراح

وما تفكرشى العشره مع الخاين فيها افراح

يا قلبى انسى اوهامك يا عقلى امسك الدفة

وبيع يا قلبى من باعك وعود للدرب واستكفى

كلام الحب اصبح كذب وناس فى ناس بتتشفى

بقلم محمد البلاط

ميهمنيش العسكرى - بقلم محمد البلاط

ميهمنيش العسكرى
لانه طرى
وقابل يكون بياع خضار
وفيه اللى شغال كمسرى
ومهمهوش يكون حمار
انا كل اللى حرنى
وحرقلى دمى وجننى
قفرولى ليه ينصاب بعار
على فجلة اسمه العسكرى
راح يكسب ايه منفذ لبيع
علشان يديره اثنين عقيد
ومكسب ايه اللى سريع
يقدر يجيب راتب يفيد
ولا الحكاية احتقار
لليل اسود والنهار
ومحكوم علينا نام فى جحر
ويشرب نهارنا المرار
ده اسمه ايه غير انه عهر
وكأن بينا وبيه تار
يهين كرامة عزمنا
ويقل منا يذلنا
ويبقى وطنا اللى لينا
تحت الحصار
انا كل اللى حرنى
وحرقلى دمى وجننى
قفرولى ليه ينصاب بعار
على فجلة اسمه العسكرى
ميهمنيش العسكرى

بقلم محمد البلاط

المكتوب هو المكتوب - بقلم محمد البلاط

مهما هتبكى وتشتكى وتحكى
مين راح يمسح بايده دمعك
كلها مالت حتى المفتى
غير دينك وسرق حلمك
ابكى واقعد اندب حظك
والطم ليل ونهار على خدك
إن مأخدتش حق بايدك
فاكر مين اللى راح يجيبلك

شوفت بعينك اللى خانوك
وقتلو بايدهم اخوك وابوك
ومصتبروش لحد ما تنسى
جابو النار وعليها شووك
مهما هتبكى وتشكى وتحكى
مش راح تلقى كبرى تعدى
عملو سياج بينك ومبينهم
وجوه الخوف سجنوك لتصدى

انزع ثوب الخوف اتحرك
عايز مين للحق يجرك
المكتوب هو المكتوب
واوعى تفكر شىء هيضرك
بس اتحرك مرة لحقك
لو مش ليك راح يبقى لابنك
ولا هتفضل عبد مطاطى
وتورث الجبن لولدك

الرجالة مش بالمنظر
ولا بالخوف من شىء يتكسر
الرجالة عزيمة وهمة
ولو باللمة يبقى هتقدر
انزع ثوب الخوف اتحرك
عايز مين للحق يجرك
المكتوب هو المكتوب
واوعى تفكر شىء هيضرك

محمد البلاط

مش كنا متعاهدين - بقلم محمد البلاط

مش كنا متعاهدين
مش كنا متواعدين
مش كان مبينا مبينا
الفين يمين ويمين
غيرت طبعك ليه
فين اللى قلبى شريه
واللى وعدنى وعود
انى هكون فى عنيه
فين العهود فين الوعود
فين اللى قولت عليه
ولا الكلام مسحه الخصام
ومعدش معنى ليه
طب قولى ليه طب قولى ليه
وانا زنبى فى اللى بيجرى ايه
الدنيا مالت ميلت
شالت وحطت تمتمت
هنشيل مع بعض الحمول
ولا تسبنى وتبتعد
فين العهود فين الوعود
فين اللى قولت عليه
ولا الكلام مسحه الخصام
ومعدش معنى ليه
مش كنا متعاهدين
مش كنا متواعدين
مش كان مبينا مبينا
الفين يمين ويمين
غيرت طبعك ليه

بقلم محمد البلاط

امتى تقول انا عندى كرامة -بقلم محمد البلاط

امتى تقول انا عندى كرامة
امتى تكون انسان وبجد
امتى هتعرف معنى شهامة
امتى هتعرف معنى العرض
ليه مغمى عينك بغمامة
ناسى السنة وناسى الفرض
ومصاحب ابليس واولاده
ومن الدجال واخد العهد
امتى تكون انسان وبتفهم
مش حيوان على طول وبتشم
واللى عمل راسك حمام
كنت معاه تمام ومسلم
افهم يالى عايشها تملى
عند الباشا وعند الست
والمواعين تغسلها بكيفك
واخر اليوم تاخد مصروف
وسهل عليهم تبقى حداه
الرقاصة واستاذ تت
امتى هتعرف معنى شهامة
وامتى هتعرف معنى العرض
امتى تقول انا عندى كرامة
و امتى تكون انسان وبجد
ايوة صحيح مبسوط وعايش
وملبس الست غوايش
وكل الناس بتقول يا باشا
لكن جوة قلوبهم رايش
ولما هتقفل الكماشة
مش راح تلقى مكان بينافس
واللى فكرهم بيحبوك
اول ناس هيدوسو عليك
واللى مقدم شىء بيداه
راح يلقاه لو كان بيهابش
امتى تكون انسان وبتفهم
مش حيوان على طول وبتشم
واللى عمل راسك حمام
كنت معاه تمام ومسلم
امتى هتعرف معنى شهامة
وامتى هتعرف معنى العرض
ليه مغمى عينك بغمامة
وناسى السنة وناسى الفرض
امتى تقول انا عندى كرامة
و امتى تكون انسان وبجد
محمد البلاط

انا مش هلومك - بقلم محمد البلاط

انا مش هلومك ولا راح اعاتبك
انا يكفينى انى عرفتك
بعد ما ضاع العمر عشانك
منى هربت لما طلبتك
انا مش هلومك ولا راح اعاتبك
انا راح اسيبك حر براحتك
وكافى عليا الجرح ده فيا
ورغم الجرح انا عمرى ما خنتك
ليل سهرته وانا بتألم
كتمة فى قلبى ومش بتكلم
من اللى عملته فى قلبى وخونته
وبتكملها وليا بتعدم
انا يكفينى انى عرفتك
بعد ما ضاع العمر عشانك
منى هربت لما طلبتك
انا مش هلومك ولا راح اعاتبك
بقلم محمد البلاط

اتحملت كثير ملامة -بقلم محمد البلاط

ياما سمحت كثير وياما
اتحملت كثير ملامة
وقولت عشانك اوهب روحى
رغم جروحى ما كات تعبانة
قولت الصبر معاكى يداوينى
رغم الدمع ما بيض عينى
والاخلاص انا كنت انا فاكره
هيريحنى وراح يواسينى
ورغم الصبر غدرتى بقلبى
بعتى العشرة وبعتى فى حبى
وبعد ما ضاعت كل ايامى
ليه جيانى ليه فى احلامى
فاكرة ان قلبى هيوجعه
هجرك وقربك ينفعه
ما خلاص فعلك ضيعه
ولا عدش شىء راح ينفعه
الا انه ينساكى خلاص
لو قل راحت مضجعه
جرح وجرحتى ودويت
قسوة وقسيتى ما اشتكيت
وسمحت رغم انى بكيت
ملقتش شىء يرجعه

بقلم محمد البلاط

انتظر حبة انتظر - بقلم محمد البلاط

انتظر حبة انتظر 
وللى فات مرة افتكر
وبلاش تقسى علينا 
والصافى تخليه عكر
افتكر عهدك وعهدى 
واللى عندك واللى عندى
وقلب كان يتمنى ودك
واللى منك بس صدى
والرسايل اللى فيها
كنت بتحايل حنانى
مش فاكرها ليه ونسيها
وتتهمنى انى جانى
والجناية انك هجرنى
والنهارده عايز تسيبنى
على ايه جاى تحاسبنى
وانت سايبنى اعانى
انتظر حبة انتظر
وللى فات مرة افتكر
راح تعرف ان حقى
على اللى فات انى اتشكر
على اللى فات انى اتشكر
بقلم محمد البلاط

عدا العمر منا وفات - بقلم محمد البلاط

عدا العمر منا وفات
وكل جميل فى حياتنا اهو مات
واللى بقيلنا بس المنا
وحبة سكات وحبة عياط
مرة نجيب الماضى ونقلب 
ونشوف مين على مين متغلب
حال الدنيا علينا ده يصعب
ونلقى اننا كنا القسين
و الايام مدمتش لحد
لا اللى سايبها ولااللى يشد
ولو دورت عليها بجد
تلقى الناس كلها مسكين
وعلى لسانا الله يعينا
واللى بقيلنا نعيشه سكتين
يمكن يرضى علينا المولى
ولو هيخدنا نكون امنين
عدا العمر منا وفات
وكل جميل فى حياتنا اهو مات
واللى بقيلنا بس المنا
وحبة سكات وحبة عياط

بقلم محمد البلاط