هتدفع يعنى راح تدفع - بقلم محمد البلاط

هتدفع يعنى راح تدفع
ومفيش شىء ليك راح يشفع
لا عيان ولا مجزوم
ولا مضروب بالمدفع

هعد عليك انفاسك
بأيدك تخلع لباسك
ومش سايبك ولو حاشك
اللى للسما بيرفع
ومتفكرش انا سياسى
ولا انك تكون عاصى
انا ممشيها براسى
وعارف ايه بيوجع
خلاص الميغة هتبطل
ولو للشمس هنعطل
ولو رفع راسك تقدر
بسيفى ليها راح اقطع
وهتدفع يعنى هتدفع
ومفيش شىء ليك يشفع
لا عيان ولا مجزوم
ولا مضروب بالمدفع
وهتدفع يعنى راح تدفع
بقلم محمد البلاط