قلبى خلاص منك غضب - بقلم محمد البلاط

قلبى خلاص منك غضب
----------------------
ااااه من جرح زرعته فى قلبى
وبترويه بهجر وعصيان
اااااه من يأسى معاك وغلبى
وبتزيد قسوة عليه كمان
ااااه واااه واااه واااه
وجوة القلب معدش مكان

لا هتحمل ولا اتجمل
ولو فكرت معايا تكمل
قلبى خلاص منك غضبان
قلبى خلاص منك غضبان
جرح السنين اللى بأيديك
فكرت يوم تطببه ؟؟؟؟
حتى الأنين ودمع عينى
اللى عليك كت اسكبه
على خدى كانت ايدك انت بتكتبه
بعت ورحت مع اللى راح
وتركت لقلبى الجراح
ندمانه على قلبى اللى باح
بحبه ليك ليه تعذبه ؟؟؟؟
انسانى واعشق سفرتك
خلاص كرفت محبتك
ورسايلى ان كانت معاك
ولا شايلها فى خزنتك
مابنتظرش تردها
ولا لسطورها تشمها
قلبك جفاها من زمان
مش هتلقى نبض فى حرفها
ماتت حروفى مع الالم
بعد ما ضاع فيك العشم
جرح السنين اللى بايديك
فكرت يوم تتطببه ؟؟؟؟؟
قلبى خلاص منك غضب
قلبى خلاص منك غضب
بقلم محمد البلاط