راح اعلم قلبى معنى الصبر = بقلم محمد البلاط

راح اعلم قلبى معنى الصبر
==============

مش هشكى الهجر ولا الحرمان
ولا هتألم يوم لغيابك
ولو حبى عليك فى يوم ده هان
مش راح هتسول على بابك

وهعلم قلبى معنى الصبر
وادفن بأديا حنينى فى القبر
ولا يوم يقولوا بنتظر الجبر
ولا هقبل يوم لعتابك

ما هجرت بدون ما تتكلم
وتركت القلب بيتألم
وصبرت وقولت راح يندم
لكن طولت فى غيابك

ومرسالى كثر بعثتولك
علشان يعرف ايه اعذارك
وهجرة وزادت اوزارك
مش هشكى الهجر ولا الحرمان
ولا هتألم يوم لغيابك

ولو حبى عليك فى يوم ده هان
مش راح هتسول على بابك
وهعلم قلبى معنى الصبر
وادفن بأديا حنينى فى القبر
ولا يوم يقولوا بنتظر الجبر
ولا هقبل يوم لعتابك
ولا هقبل يوم لعتابك

بقلم محمد البلاط