مسحراتى المجاعة - بقلم محمد البلاط

اصحا يا نايم صحى النوم
واتفرج على مين بيلوم
بايع اهله ودينه وناسه
وناسى اساسه بلبس هدوم

قوم اتسحر ومعايا ابحر
يمكن تعرف لمين تدوم
للى رقص وكثير اتمختر
ولا الحزنان والمهموم
شوف سحورك صبح بكام
وكان بكام طبق الفول
وايه الغش وايه الخام
وايه فى زمنا صبح معقول
ولو على نصف رغيف قضيها
فيه هبيشة بتسرق فيها
واللى تطوله رضا من الله
وكمل ماية واكتم فيها
قوم يا تكمل نوم وتنام
وعلى جوع بطنك قضى صيام
وارفع ايدك واشكى لربك
على اللى جعل الجوع ختام
اصحى يا نايم صحى النوم
يمكن تعرف لمين تدوم
للى رقص وكثير اتمختر
ولا الحزنان والمهموم
وارفع ايدك واشكى لربك
على اللى جعل الجوع ختام
بقلم محمد البلاط