الزمن غير الزمن - بقلم محمد البلاط

( الزمن غير الزمن )
========
الملام مش على الزمن
الملام يا ناس عليكم
صوتكم جواكم اتكتم
وسيبتو لحبال من ايديكم

والزمام فل وتاهت
والمراكب منا ضاعت
والموجة غطت عليها
وحكاية مبينا شاعت
الزمن غير الزمن
واللى فيه اغراب عليه
وناس بتدفع الثمن
وناس هواهم جى عليه
وناس مهمهمش حاجة
لو حكمهم الخواجة
بعو دنيتهم ودينهم
بالرخيص وبأى حاجة
وناس بتتحصر وتندم
وناس على الزمن بتشتم
وناس بتتفرج وتكنم
وناس متابعة الفرق ايه
كان جميل بطيبة اهله
وكان بيمشى على مهله
النهاردة رتمه عالى
وليله ونهاره ثوانى
لا بيكفى احتياجه
وشهره بيجرجر فى شهره
والادب قل فى ناسه
واتهدم فى الناس اساسه
والكبير اصبح مطية
والصغار لعبو فى راسه
الزمن غير الزمن
بقلم محمد البلاط