==========
ودعت الحب وودعتك
ولا عدتش من تانى اجاملك
القلب معدش بيتحمل
ولا انى هشوفك راح اقوملك
مش بالحرمان هتعزبنى
ولا هجرك ليا هيتعبنى
ومش هرجع لو بعد خصامك
هتصالح او راح تعاتبنى
ودعت الحب وودعتك
فيه جراح فى القلب من افعالك
مش جرح الهجر ولا خصامك
ولا جرح القسوة فى معاملة
ولا جرح سؤالى وانكارك
الجرح جرحته انت بأيدك
وشريك جبتولى يشارك فيك
وسألتك عنها كان ردك
انكار والكذب باين فى عنيك
ودعت الحب وودعتك
ولا عدتش من تانى اجاملك
القلب معدش بيتحمل
ولا انى هشوفك راح اقوملك
بقلم محمد البلاط
ليست هناك تعليقات:
إرسال تعليق